ഹൈകോടതി ഉത്തരവ്​ നടപ്പാക്കിയില്ല; നഗരസഭ ഫ്ലാറ്റ്​ കൈയടക്കി അനർഹർ

കോ​ട്ട​യം: ന​ഗ​ര​സ​ഭ​യു​ടെ മു​ള്ള​ൻ​കു​ഴി ഫ്ലാ​റ്റ്​ അ​ന​ർ​ഹ​ർ കൈ​യ​ട​ക്കി. ന​ഗ​ര​സ​ഭ​യു​​ടെ ഉ​ട​മ​സ്ഥ​ത​യി​ലു​ള്ള കോ​ടി​ക്ക​ണ​ക്കി​ന്​ രൂ​പ വി​ല വ​രു​ന്ന സ്ഥ​ല​ത്ത്​ പ​ണി​ത ഫ്ലാ​റ്റു​ക​ളി​ൽ ചി​ല​ത്​ വി​ൽ​ക്കു​ക​യും വാ​ട​ക​ക്കു​ കൈ​മാ​റു​ക​യും ചെ​യ്തു. അ​ർ​ഹ​ത​പ്പെ​ട്ട നൂ​റു​ക​ണ​ക്കി​നു​പേ​ർ പു​റ​ത്തു​നി​ൽ​ക്കു​മ്പോ​ഴാ​ണ്​ ഹൈ​കോ​ട​തി ഒ​ഴി​പ്പി​ക്കാ​നാ​വ​ശ്യ​പ്പെ​ട്ട ര​ണ്ടു​പേ​ര​ട​ക്കം രാ​ഷ്ട്രീ​യ​ക്കാ​രു​ടെ പി​ൻ​ബ​ല​ത്തി​ൽ ഫ്ലാ​റ്റി​ൽ അ​ന​ധി​കൃ​ത​മാ​യി തു​ട​രു​ന്ന​ത്. ഈ ​ര​ണ്ടു​പേ​ർ​ക്കും ഫ്ലാ​റ്റി​ലെ വീ​ട്​ കൂ​ടാ​തെ കോ​ട്ട​യം, പെ​രു​മ്പാ​യി​ക്കാ​ട്​ വി​ല്ലേ​ജു​ക​ളി​ലും വീ​ടു​ണ്ട്. മ​രി​ച്ചു​പോ​യ ര​ണ്ടു​പേ​ർ​ക്കും ഫ്ലാ​റ്റ്​ അ​നു​വ​ദി​ച്ചു.

ക​ഴി​ഞ്ഞ ദി​വ​സം ത​ദ്ദേ​ശ​വ​കു​പ്പ്​ ഇ​ന്‍റേ​ണ​ൽ വി​ജി​ല​ൻ​സ്​ ന​ട​ത്തി​യ പ​രി​ശോ​ധ​ന​യി​ൽ ക​​ണ്ടെ​ത്തി​യ​താ​ണ്​ ഈ ​ഞെ​ട്ടി​പ്പി​ക്കു​ന്ന വി​വ​ര​ങ്ങ​ൾ. അ​ന​ർ​ഹ​രെ​ക്കു​റി​ച്ചു​ള്ള​ പ​രാ​തി 2021 ജൂ​ൺ 11 നു​ചേ​ർ​ന്ന കൗ​ൺ​സി​ലി​ൽ എ​ത്തി​യി​ട്ടും ഭൂ​രി​പ​ക്ഷ അ​ഭി​പ്രാ​യം അ​നു​സ​രി​ച്ച്​​ ന​ട​പ​ടി​യെ​ടു​ക്കാ​തെ ത​ള്ളി. എ​ന്നാ​ൽ, അ​ന​ർ​ഹ​ർ താ​മ​സി​ക്കു​ന്ന​താ​യി തെ​ളി​വ്​ ഉ​ള്ള​തി​നാ​ൽ കൗ​ൺ​സി​ൽ തീ​രു​മാ​നം പു​നഃ​പ​രി​ശോ​ധി​ക്കാ​നും അ​ന​ർ​ഹ​രെ ഒ​ഴി​പ്പി​ച്ച്​ അ​ർ​ഹ​ർ​ക്ക്​ ന​ൽ​കാ​നും അ​ന്ന​ത്തെ സെ​ക്ര​ട്ട​റി റി​പ്പോ​ർ​ട്ട്​ ചെ​യ്​​തി​ട്ടും ന​ട​പ്പാ​ക്കി​യി​ല്ല.

ഒ​മ്പ​ത്​ കു​ടും​ബം താ​മ​സി​ച്ചി​രു​ന്ന ഫ്ലാ​റ്റ്​ വാ​ട​ക​ക്ക്​ ന​ൽ​കി​യ​താ​യി പ​രാ​തി വ​ന്നി​ട്ടും തു​ട​ര​ന്വേ​ഷ​ണം വേ​ണ്ടെ​​ന്ന്​ കൗ​ൺ​സി​ൽ തീ​രു​മാ​നി​ച്ചു. ന​ഗ​ര​സ​ഭ​യി​ലെ ഫ്ലാ​റ്റ്​ നി​ർ​മാ​ണ​ത്തി​ലെ അ​പാ​ക​ത​യു​മാ​യി ബ​ന്ധ​പ്പെ​ട്ട്​ വി​ജി​ല​ൻ​സ്​ നേ​ര​ത്തേ മി​ന്ന​ൽ പ​രി​ശോ​ധ​ന ന​ട​ത്തി റി​പ്പോ​ർ​ട്ട്​ ന​ൽ​കി​യി​രു​ന്നു. ഈ ​റി​​പ്പോ​ർ​ട്ടി​ലെ ശി​പാ​ർ​ശ​ക​ൾ ലം​ഘി​ച്ച്​ പു​തി​യ ഫ്ലാ​റ്റു​ക​ൾ ന​ൽ​കു​ന്നു എ​ന്നാ​രോ​പി​ച്ച്​ പ​ത്മ​കു​മാ​ർ കാ​രി​മ​റ്റ​ത്തി​ൽ ന​ൽ​കി​യ പ​രാ​തി​യി​ലാ​ണ്​ ത​ദ്ദേ​ശ​വ​കു​പ്പ്​ ഇ​ന്‍റേ​ണ​ൽ വി​ജി​ല​ൻ​സ്​ ക​ഴി​ഞ്ഞ ദി​വ​സം ന​ഗ​ര​സ​ഭ​യി​ൽ പ​രി​ശോ​ധ​ന ന​ട​ത്തി​യ​ത്. തു​ട​ർ​ന്ന്​ വി​ശ​ദ ശി​പാ​ർ​ശ​​ക​ളോ​ടെ റി​പ്പോ​ർ​ട്ട്​ സ​മ​ർ​പ്പി​ച്ചു.

പ​ഴ​യ ഫ്ലാ​റ്റു​ക​ൾ വാ​ങ്ങി​യി​രു​ന്ന​വ​രെ പു​തി​യ ഫ്ലാ​റ്റു​ക​ൾ ന​ൽ​കു​ന്ന​തി​ന്​ പ​രി​ഗ​ണി​ക്ക​രു​തെ​ന്ന്​ വി​ജി​ല​ൻ​സ്​ റി​​​പ്പോ​ർ​ട്ടി​ലു​ണ്ടാ​യി​രു​ന്നു. എ​ന്നാ​ൽ പ​ഴ​യ ഫ്ലാ​റ്റു​ക​ൾ വാ​ങ്ങി​യി​രു​ന്ന​വ​രി​ൽ ഉ​ൾ​പ്പെ​ട്ട 24 പേ​രെ​യാ​ണ്​ പു​തി​യ ഫ്ലാ​റ്റു​ക​ൾ അ​നു​വ​ദി​ക്കാ​ൻ തെ​ര​ഞ്ഞെ​ടു​ത്തി​ട്ടു​ള്ള​ത്. ഇ​വ​ർ മ​റ്റെ​വി​ടെ​യും വീ​ടും സ്ഥ​ല​വ​വും ഇ​ല്ല എ​ന്ന സ​ർ​ട്ടി​ഫി​ക്ക​റ്റ്​ ഹാ​ജ​രാ​ക്കി​യി​ട്ടി​ല്ല. ഇ​ത്​ ഹാ​ജ​രാ​ക്കാ​തെ ഫ്ലാ​റ്റ്​ ​അ​നു​വ​ദി​ച്ച​ത്​ ഗു​രു​ത​ര വീ​ഴ്ച​യാ​ണെ​ന്ന്​ ഇ​ന്‍റേ​ണ​ൽ വി​ജി​ല​ൻ​സ് ഓ​ഫി​സ​ര്‍ ഡോ. ​ചി​ത്ര പി. ​അ​രു​ണി​മ ന​ൽ​കി​യ റി​പ്പോ​ർ​ട്ടി​ൽ പ​റ​യു​ന്നു. ഫ്ലാ​റ്റ്​ കി​ട്ടി​യ​വ​രി​ൽ ഭൂ​രി​ഭാ​ഗ​വും ത​മി​ഴ്​ വം​ശ​ജ​രാ​യ​തി​നാ​ൽ അ​വ​ർ​ക്ക്​ ത​മി​ഴ്​​നാ​ട്ടി​ൽ ഫ്ലാ​റ്റ്​ ഉ​ണ്ടാ​കാ​നു​ള്ള സാ​ധ്യ​ത​യു​ണ്ട്. ഇ​ത്​ അ​ന്വേ​ഷി​ച്ചി​ട്ടി​ല്ല. 

ഇ​ന്റേ​ണ​ല്‍ വി​ജി​ല​ന്‍സ് ഓ​ഫി​സ​റു​ടെ ശി​പാ​ർ​ശ​ക​ൾ

• അ​നു​വ​ദി​ച്ച ഫ്ലാ​റ്റു​ക​ളി​ൽ പ​രി​ശോ​ധ​ന ന​ട​ത്ത​ണം
• ഫ്ലാ​റ്റി​ൽ അ​ന​ധി​കൃ​ത​മാ​യി താ​മ​സി​ക്കു​ന്ന ര​ണ്ടു​പേ​രെ ഒ​ഴി​പ്പി​ക്ക​ണ​മെ​ന്ന ഹൈ​കോ​ട​തി നി​ർ​ദേ​ശം ന​ട​പ്പാ​ക്ക​ണം
• നി​ല​വി​ൽ ഫ്ലാ​റ്റ്​ ല​ഭി​ച്ച​വ​ർ​ക്ക്​ പ​ട്ട​യം ന​ൽ​കാ​നു​ള്ള ന​ട​പ​ടി നി​ർ​ത്തി​വെ​ക്ക​ണം
• 24 പേ​രു​ടെ​യും അ​ർ​ഹ​ത സം​ബ​ന്ധി​ച്ച്​ അ​ന്വേ​ഷ​ണം ന​ട​ത്ത​ണം
• പ​ഴ​യ ഫ്ലാ​റ്റി​ൽ താ​മ​സ​മാ​ക്കി​യ​വ​രു​ടെ അ​ന​ന്ത​രാ​വ​കാ​ശി​ക​ൾ പു​തി​യ ലി​സ്റ്റി​ൽ ഉ​ൾ​പ്പെ​ട്ടി​ട്ടു​ണ്ടെ​ങ്കി​ൽ ഒ​ഴി​വാ​ക്ക​ണം
• ഹൗ​സി​ങ് പ്രോ​ജ​ക്ടു​ക​ള്‍ക്കാ​യി ന​ഗ​ര​സ​ഭ​ത​ല മോ​ണി​റ്റ​റി​ങ് ക​മ്മി​റ്റി​ക​ള്‍ വേ​ണം