ദേശീയപാതയിൽ മരണക്കെണിയായി ഇളംപള്ളി കവല

വാ​ഴൂ​ർ: ദേ​ശീ​യ​പാ​ത​യി​ൽ അ​പ​ക​ട​ക്കെ​ണി​യാ​യി പ​തി​നേ​ഴാം​മൈ​ൽ ഇ​ളം​പ​ള്ളി ക​വ​ല. ദേ​ശീ​യ​പാ​ത​യു​ടെ ഒ​രു ഭാ​ഗ​ത്ത് 30 അ​ടി​യി​ലേ​റെ താ​ഴ്ച​യാ​ണ്. ഇ​വി​ടെ നെ​യ്യാ​ട്ടു​​ശ്ശേ​രി-​പ​ള്ളി​ക്ക​ത്തോ​ട് റോ​ഡാ​ണ്. ദേ​ശീ​യ​പാ​ത​യി​ൽ​നി​ന്ന്​ വ​ള​വ് തി​രി​ഞ്ഞെ​ത്തു​ന്ന വാ​ഹ​ന​ങ്ങ​ൾ പ​ള്ളി​ക്ക​ത്തോ​ട് റോ​ഡി​ലേ​ക്ക് വീ​ണ് അ​പ​ക​ടം ഉ​ണ്ടാ​കാ​തി​രി​ക്കാ​ൻ ദേ​ശീ​യ​പാ​ത​യി​ൽ ക്രാ​ഷ് ബാ​രി​ക്കേ​ഡ്​ സ്ഥാ​പി​ക്ക​ണ​മെ​ന്ന് ‘മാ​ധ്യ​മം’ റി​പ്പോ​ർ​ട്ട് ചെ​യ്തി​രു​ന്നു.

ഞാ​യ​റാ​ഴ്ച രാ​ത്രി​യോ​ടെ​യാ​ണ്​ മ​ക​ളു​ടെ വി​വാ​ഹ​ദി​ന സ​ൽ​കാ​ര​ത്തി​ൽ പ​ങ്കെ​ടു​ത്ത് മ​ട​ങ്ങു​ക​യാ​യി​രു​ന്ന കു​ടും​ബം സ​ഞ്ച​രി​ച്ച കാ​ർ അ​പ​ക​ട​ത്തി​ൽ​പെ​ട്ട് എ​രു​മേ​ലി പാ​ണ​പി​ലാ​വ് എം.​ജി.​എം.​ഗ​വ.​എ​ൽ.​പി സ്കൂ​ൾ പ്ര​ധാ​നാ​ധ്യാ​പി​ക ഷീ​ന ഷം​സു​ദീ​ൻ (53) മ​രി​ച്ച​ത്. ഞാ​യ​റാ​ഴ്ച വി​വാ​ഹ​സ​ൽ​കാ​ര ച​ട​ങ്ങി​ൽ പ​ങ്കെ​ടു​ത്ത്​ വീ​ട്ടി​ലേ​ക്ക് മ​ട​ങ്ങ​വെ​യാ​ണ്​ കാ​ർ അ​പ​ക​ട​ത്തി​ൽ​പെ​ട്ട​ത്. ഇ​ള​മ്പ​ള്ളി ക​വ​ല മേ​ഖ​ല​യി​ൽ വ​ള​വു​ക​ളും റോ​ഡി​ന് വീ​തി​കു​റ​വും ആ​യ​തി​നാ​ൽ ഇ​രു​വ​ശ​ത്തു​നി​ന്നും വാ​ഹ​ന​ങ്ങ​ൾ വ​രു​മ്പോ​ൾ സം​ര​ക്ഷ​ണ​ഭി​ത്തി​യോ​ട്​ ചേ​ർ​ന്നാ​ണ് ക​ട​ന്നു​പോ​കു​ന്ന​ത്. പൊ​ൻ​കു​ന്നം, കു​മ​ളി ഭാ​ഗ​ത്തേ​ക്ക് വ​രു​ന്ന വാ​ഹ​ന​ങ്ങ​ൾ വ​ള​വ് തി​രി​ഞ്ഞ് വ​രു​മ്പോ​ൾ താ​ഴ്ച​യി​ലേ​ക്ക് മ​റി​യു​ക പ​തി​വാ​ണ്. പ​ല​പ്പോ​ഴും താ​ഴെ പ​ള്ളി​ക്ക​ത്തോ​ട് റോ​ഡി​ലേ​ക്ക് വീ​ഴാ​തെ സ​മീ​പ​ത്തെ പു​ര​യി​ട​ത്തി​ലേ​ക്ക് വാ​ഹ​ന​ങ്ങ​ൾ വീ​ഴു​ക​യോ പാ​ത​യോ​ര​ത്തെ മ​ര​ങ്ങ​ളി​ൽ ത​ട്ടി നി​ൽ​ക്കു​ക​യോ ചെ​യ്യു​ന്ന​തി​നാ​ൽ പ​ല​പ്പോ​ഴും അ​പ​ക​ടം ഒ​ഴി​വാ​കു​ക​യാ​ണ്.

റി​ഫ്ല​ക്ട​ർ ഘ​ടി​പ്പി​ച്ച ക്രാ​ഷ് ബാ​രി​ക്കേ​ഡു​ക​ൾ സ്ഥാ​പി​ക്കു​ക മാ​ത്ര​മാ​ണ് അ​പ​ക​ടം ത​ട​യാ​നു​ള്ള പ​രി​ഹാ​ര​മാ​ർ​ഗം. പ്ര​ദേ​ശ​വാ​സി​ക​ളും ഓ​ട്ടോ​തൊ​ഴി​ലാ​ളി​ക​ളും ഇ​ത് നി​ര​ന്ത​രം ആ​വ​ശ്യ​പ്പെ​ട്ടി​ട്ടും ദ​അ​ധി​കൃ​ത​ർ ഇ​തു​വ​രെ ക​ണ്ണ് തു​റ​ന്നി​ട്ടി​ല്ല.