പാലാ: മയക്കുമരുന്നും കഞ്ചാവുമായി യുവാക്കളെ പാലാ എക്സൈസ് പിടികൂടി.രാമപുരം പൈക്കാട്ട് വീട്ടിൽ പി.എസ്. ക്രിസ്റ്റിൻ (22), രാമപുരം വെള്ളിലാപ്പള്ളി പുലിയനാട്ട് അലക്സ് ജോയ് (24) എന്നിവരെയാണ് രണ്ട് കേസുകളിലായി അറസ്റ്റ് ചെയ്തത്. എക്സൈസ് ഇൻസ്പെക്ടർ ബി. ദിനേശിന്റെ നേതൃത്വത്തിൽ കഴിഞ്ഞ ദിവസം നടന്ന രാത്രികാല പട്രോളിങ്ങിനിടെയാണ് മെത്തഫിറ്റാമൈനുമായി ക്രിസ്റ്റിൻ പിടിയിലായത്.
പാലാ -ഏറ്റുമാനൂർ ബൈപ്പാസ് റോഡിൽ സംശയാസ്പദ സാഹചര്യത്തിൽ കണ്ട യുവാവിനെ എക്സൈസ് ഇൻസ്പെക്ടർ ദിനേശിന്റെ നേതൃത്വത്തിൽ ചോദ്യം ചെയ്തതോടെ ഓടി രക്ഷപ്പെടാൻ ശ്രമിച്ചു. തുടർന്ന് ഇയാളെ എക്സൈസ് സംഘം പിടികൂടുകയായിരുന്നു. 0.7.5 ഗ്രാം മെത്തഫിറ്റാമൈൻ അടങ്ങിയ പ്ലാസ്റ്റിക് പാക്കറ്റാണ് ഇയാളിൽനിന്ന് പിടികൂടിയത്.
എക്സൈസ് സംഘത്തിന് ലഭിച്ച രഹസ്യസന്ദേശത്തെ തുടർന്ന് രാത്രി പന്ത്രണ്ടരയോടെ നടന്ന റെയ്‌ഡിൽ മോഷണക്കേസ് ഉൾപ്പെടെയുള്ള ക്രിമിനൽ കേസുകളിൽ പ്രതിയായ അലക്സ് ജോയിയെ കഞ്ചാവുമായി പിടികൂടുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.