കാട്ടുപന്നി ഇടിച്ച് ഓട്ടോ മറിഞ്ഞ് പരുക്കേറ്റയാൾ മരിച്ചു

കാട്ടുപന്നി ഇടിച്ച് ഓട്ടോ മറിഞ്ഞ് പരിക്കേറ്റയാൾ മരിച്ചു കൂരാച്ചുണ്ട്: കാട്ടുപന്നിയെ ഇടിച്ച് ഓട്ടോറിക്ഷ മറിഞ്ഞ് ഗുരുതരമായി പരിക്കേറ്റ് ചികിത്സയിൽ കഴിഞ്ഞിരുന്നയാൾ മരിച്ചു. കൂരാച്ചുണ്ട് എരപ്പാംതോട് ആക്കുന്നത്ത് റഷീദ്(46) ആണ് മരിച്ചത്. ഒക്ടോബർ ആറിന്​ രാത്രി 10.30 ന് കട്ടിപ്പാറ ചെമ്പ്രകുണ്ട് ജുമാമസ്ജിദിനു സമീപമാണ് അപകടം. റഷീദ് ആണ് ഓട്ടോ ഓടിച്ചിരുന്നത്. മൂന്നു മീറ്റർ താഴ്ച്ചയിലേക്കാണ് മറിഞ്ഞത്. ഓട്ടോയിൽ ഉണ്ടായിരുന്ന റഷീദി​‍ൻെറ മകൾക്കും കൊച്ചുമകൾക്കും ചെറിയ പരിക്കേറ്റിരുന്നു. തലക്ക് ഗുരുതര പരിക്കേറ്റ റഷീദ് ഒന്നര മാസത്തോളം ആശുപത്രിയിൽ ചികിത്സയിലായിരുന്നു. വെള്ളിയാഴ്ച വൈകീട്ട് മൂന്നിനാണ് മരിച്ചത്. ഭാര്യ: സീനത്ത്. മക്കൾ: റഫ്സൽ, റഫ്സീന. മരുമകൻ: ദിൽഷാദ് കൂരാച്ചുണ്ട് (ഗൾഫ്). rasheed 46 koorachundu