കോഴിക്കാട്: പൊലീസിൻെറ മാവോവാദി വിരുദ്ധ സേനയിലേക്ക് നടന്ന റിക്രൂട്ട്മൻെറിൽ ക്രമക്കേടെന്ന് പരാതി. സംസ്ഥാനത്ത് മാവോവാദി ഭീഷണി നിലനിൽക്കുന്ന അഞ്ചു ജില്ലകളിലേക്ക് 350ഓളം സേനാംഗങ്ങളെ തെരഞ്ഞെടുത്തത് ഏകീകൃത മാനദണ്ഡമില്ലാതെയാണെന്ന് പരാതിക്കാർ പറയുന്നു. അഞ്ചുവർഷത്തെ കാലാവധിയിൽ തെരഞ്ഞെടുക്കപ്പെട്ടിട്ടും കോഴിക്കോട് റൂറലിലെ 18 അംഗങ്ങളെ യുക്തിസഹമല്ലാത്ത കാരണങ്ങൾ പറഞ്ഞ് തഴഞ്ഞതായും ഇവർ പറയുന്നു. നക്സൽ ഭീഷണി നേരിടാനുണ്ടാക്കിയ കേരള ഭീകര വിരുദ്ധ സേന (കാറ്റ്സ്)യെക്കുറിച്ചാണ് പരാതി ഉയർന്നത്. മൂന്നുവർഷം പൊലീസ് സേനയിൽ ജോലിചെയ്ത 18 പേരെയാണ് 40 വയസ്സായി എന്ന കാരണം പറഞ്ഞ് ഒഴിവാക്കിയത്. വയസ്സ് മാനദണ്ഡമല്ലെന്നിരിക്കെ വേണ്ടപ്പെട്ടവരെ തിരുകിക്കയറ്റാൻ നിലവിലുള്ളവരെ തഴഞ്ഞതെന്നാണ് ആക്ഷേപം. ഇതു സംബന്ധിച്ച് ഐ.ജിക്ക് സേനാംഗങ്ങൾ പരാതി നൽകി. സർക്കാർ ഉത്തരവു പ്രകാരം അഞ്ചു വർഷം ഈ സേനയിൽ ജോലിചെയ്യാൻ ഇവർക്ക് യോഗ്യതയുണ്ട്. കായികക്ഷമത യോഗ്യത നേടിയിട്ടും പ്രായത്തിൻെറ പേരു പറഞ്ഞാണ് ഒഴിവാക്കിയത്. എന്നാൽ, പുതുതായി ലിസ്റ്റിൽ ഉൾപ്പെട്ടവർക്ക് ഏകീകൃത കായികക്ഷമത പരിശോധന നടത്തിയിട്ടില്ലെന്നും പരാതിയുണ്ട്. കോഴിക്കോട് റൂറൽ പരിധിയിൽ 50 പേരാണ് ഈ സേനയിൽ ഉള്ളത്. മാവോവാദി ഭീഷണിയുള്ള റൂറൽ ജില്ലയിലെ ആറ് സ്റ്റേഷൻ പരിധിയിലേക്കാണ് റിക്രൂട്ടിങ്. എ. ബിജുനാഥ്
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.