വടക്കുമ്പാട് മാലിന്യ കൂമ്പാരം; പൊറുതിമുട്ടി ജനം

പാലേരി: ചങ്ങരോത്ത് ഗ്രാമപഞ്ചായത്തിലെ പാലേരി വടക്കുമ്പാട് ഹയർ സെക്കൻഡറി സ്കൂളിനു സമീപം സ്ഥാപിച്ച മിനി എം.സി.എഫി​‍ൻെറ അടുത്ത് ചാക്കു കണക്കിന് മാലിന്യം. ഭക്ഷണ അവശിഷ്​ടങ്ങൾ ഉൾപ്പെടെ ഇവിടെയാണ് തള്ളുന്നത്. തെരുവുനായ്​ക്കളും മറ്റും ഇത് കടിച്ചുവലിച്ച് റോഡിലിടുന്നുണ്ട്. പ്രദേശത്തെ പ്ലാസ്​റ്റിക് കുപ്പികളും കവറുകളും നിക്ഷേപിക്കുന്നതിനുവേണ്ടിയാണ് മിനി എം.സി.എഫ് ഇവിടെ സ്ഥാപിച്ചത്. എന്നാൽ, ഇതിനു സമീപത്ത് ചാക്കുകളിലാക്കി മറ്റ് മാലിന്യങ്ങളും നിക്ഷേപിക്കുകയായിരുന്നു. സംസ്ഥാന പാതയോരത്തു തന്നെയുള്ള ഈ മാലിന്യങ്ങൾകൊണ്ട് നാട്ടുകാർ പൊറുതിമുട്ടിയ അവസ്ഥയാണ്. ചങ്ങരോത്ത് ഗ്രാമപഞ്ചായത്തിലെ എല്ലാ വാർഡുകളിലും മിനി എം.സി.എഫ് സ്ഥാപിച്ചിട്ടുണ്ട്. എന്നാൽ, നിറഞ്ഞ എം.സി.എഫ് മാറ്റാനോ ഇതിനു സമീപമുള്ള മാലിന്യങ്ങൾ മാറ്റാനോ അധികൃതർ തയാറാവാത്തതിൽ നാട്ടുകാർക്ക് വലിയ പ്രതിഷേധമുണ്ട്. cap വടക്കുമ്പാട് ഹയർ സെക്കൻഡറി സ്കൂളിനു സമീപം തള്ളിയ മാലിന്യം