വിടപറഞ്ഞത് കർമോത്സുക മനുഷ്യസ്നേഹി

കോ​ഴി​ക്കോ​ട്: ടി.​കെ. പ​രീ​ക്കു​ട്ടി ഹാ​ജി​യു​ടെ വി​യോ​ഗ​ത്തി​ലൂ​ടെ ന​ഷ്ട​മാ​യ​ത് അ​നാ​ഥ​ക​ളു​ടെ​യും അ​ഗ​തി​ക​ളു​ടെ​യും സം​ര​ക്ഷ​ണ​ത്തി​ന് എ​ന്നും മു​ൻ​ഗ​ണ​ന ന​ൽ​കി​യ ക​ർ​മോ​ത്സു​ക​നാ​യ മ​നു​ഷ്യ​സ്നേ​ഹി​യെ. സ്വ​ന്തം സ്ഥാ​പ​ന​ങ്ങ​ളെ​ക്കാ​ൾ താ​ൽ​പ​ര്യ​ത്തോ​ടെ​യാ​യി​രു​ന്നു അ​ദ്ദേ​ഹം അ​നാ​ഥാ​ല​യ സം​ര​ക്ഷ​ണ​ത്തി​നും മ​റ്റ് ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ളി​ലും ഇ​ട​പെ​ട്ടി​രു​ന്ന​ത്.

1978ലാ​ണ് കൊ​ടു​വ​ള്ളി​യി​ൽ യ​തീം​ഖാ​ന തു​ട​ങ്ങാ​ൻ ടി.​കെ. പ​രീ​ക്കു​ട്ടി ഹാ​ജി മു​ന്നി​ട്ടി​റ​ങ്ങി​യ​ത്. അ​ന്നു​മു​ത​ൽ സ്ഥാ​പ​ന​ത്തി​ന്റെ സെ​ക്ര​ട്ട​റി​യാ​ണ്. അ​ടു​ത്ത​കാ​ലം​വ​രെ എ​ല്ലാ ഞാ​യ​റാ​ഴ്ച​ക​ളി​ലും യ​തീം​ഖാ​ന​യി​ലെ​ത്തി രാ​വി​ലെ മു​ത​ൽ വൈ​കീ​ട്ടു​വ​രെ പ്ര​വ​ർ​ത്ത​നം നേ​രി​ട്ട് വി​ല​യി​രു​ത്തി​യി​രു​ന്നു. മികച്ച പ്രവർത്തനത്തിലൂടെ രാജ്യത്തെ മികച്ച ശിശുക്ഷേമ പ്രവർത്തനം നടത്തുന്ന സ്ഥാപനത്തിനുള്ള അവാർഡ് 1992ൽ കൊടുവള്ളി യതീംഖാനക്ക് ലഭിച്ചു. പരീക്കുട്ടി ഹാജിയുടെ നിസ്വാർഥമായ പ്രവർത്തനം മുൻനിർത്തി സംസ്ഥാന ഓർഫനേജ് കൺട്രോൾ ബോർഡിന്റെ ചെയർമാനായി സംസ്ഥാന സർക്കാർ നിയമിച്ചിരുന്നു. യ​തീം​ഖാ​ന​ക്ക് വ​രു​മാ​നം ക​ണ്ടെ​ത്താ​ൻ വീ​ടു​ക​ളി​ൽ കോ​യി​ൻ ബോ​ക്സ് വെ​ക്കാ​നു​ള്ള ആ​ശ​യം പ​രീ​ക്കു​ട്ടി ഹാ​ജി​യു​ടേ​താ​യി​രു​ന്നു.

സാ​മൂ​തി​രി സ്കൂ​ളി​ൽ​നി​ന്ന് പ​ത്താം ക്ലാ​സ് ക​ഴി​ഞ്ഞ പ​രീ​ക്കു​ട്ടി പി​താ​വ് ടി.​കെ. അ​ഹ​മ്മ​ദ്കു​ട്ടി ഹാ​ജി​യു​ടെ നി​ർ​ദേ​ശ​പ്ര​കാ​ര​മാ​ണ് മ​ര​വ്യ​വ​സാ​യ​ത്തി​ലേ​ക്ക് നീ​ങ്ങി​യ​ത്. അ​പ്ര​തീ​ക്ഷി​ത​മാ​യി നേ​രി​ട്ട തി​രി​ച്ച​ടി​ക​ൾ സു​ഹൃ​ത്തു​ക്ക​ളു​ടെ പി​ന്തു​ണ​യോ​ടെ നേ​രി​ട്ട അ​ദ്ദേ​ഹം പി​ന്നീ​ട് ബ​സ്, ലോ​റി, സി​മ​ന്റ് വ്യാ​പാ​രം, ക്ര​ഷ​ർ തു​ട​ങ്ങി വി​വി​ധ മേ​ഖ​ല​ക​ളി​ലേ​ക്കും വ്യ​വ​സാ​യം വ​ള​ർ​ത്തി.

കൊടുവള്ളിയുടെ മത സാമൂഹിക രാഷ്ട്രീയ സേവന മേഖലകളിലെല്ലാം നിറഞ്ഞ സാന്നിധ്യമായി നിന്ന പരീക്കുട്ടി ഹാജി 1960 മുതൽ അഞ്ചുവർഷം കൊടുവള്ളി ഗ്രാമപഞ്ചായത്ത് പ്രസിഡന്റായും 16 വർഷം ജനപ്രതിനിധിയായും പ്രവർത്തിച്ചിട്ടുണ്ട്. ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റാ​യി പ്ര​വ​ർ​ത്തി​ച്ച കാ​ല​ത്ത് സ്വ​ന്തം കൈ​യി​ൽ​നി​ന്ന് പ​ണം ചെ​ല​വ​ഴി​ച്ച് തി​രു​വ​ന​ന്ത​പു​ര​ത്തു പോ​യി മ​ന്ത്രി​മാ​രെ​യും ഉ​ദ്യോ​ഗ​സ്ഥ​രെ​യും ക​ണ്ടാ​ണ് പ​ഞ്ചാ​യ​ത്തി​ന്റെ വി​ക​സ​ന ആ​വ​ശ്യ​ങ്ങ​ൾ നി​റ​വേ​റ്റി​യി​രു​ന്ന​ത്.

മു​ട്ടി​ൽ യ​തീം​ഖാ​ന​യു​ടെ വ​നി​ത വി​ഭാ​ഗം തു​ട​ങ്ങാ​ൻ വാ​രാ​മ​റ്റ​ത്ത് പ​ടി​ഞ്ഞാ​റ​ത്ത​റ​യി​ൽ സൗ​ജ​ന്യ​മാ​യി സ്ഥ​ലം ന​ൽ​കി. കോ​ഴി​ക്കോ​ട് സി​വി​ൽ സ്റ്റേ​ഷ​ന​ടു​ത്തു​ള്ള സ്ഥ​ല​വും മ​റ്റൊ​രു അ​നാ​ഥാ​ല​യ​ത്തി​നാ​യി വി​ട്ടു​കൊ​ടു​ത്തു. കോ​ഴി​ക്കോ​ട് വി​മാ​ന​ത്താ​വ​ള​ത്തി​നാ​യി കെ.​പി. കേ​ശ​വ​മേ​നോ​ന്റെ നേ​തൃ​ത്വ​ത്തി​ൽ ക​മ്മി​റ്റി രൂ​പ​വ​ത്ക​രി​ച്ച​പ്പോ​ൾ പ​രീ​ക്കു​ട്ടി ഹാ​ജി​യും അ​തി​ൽ സ​ജീ​വ​മാ​യി​രു​ന്നു. മു​ൻ മു​ഖ്യ​മ​ന്ത്രി സി.​എ​ച്ച്. മു​ഹ​മ്മ​ദ്കോ​യ, പാ​ണ​ക്കാ​ട് ശി​ഹാ​ബ് ത​ങ്ങ​ൾ തു​ട​ങ്ങി​യ​വ​രു​മാ​യി അ​ടു​ത്ത സൗ​ഹൃ​ദം കാ​ത്തു​സൂ​ക്ഷി​ച്ചി​രു​ന്നു.

ചൊവ്വാഴ്ച രാത്രി എട്ടിന് നടക്കാവ് ജുമാമസ്ജിദിൽ നടന്ന മയ്യിത്ത് നമസ്കാരത്തിനുശേഷം കൊടുവള്ളി മുസ്‍ലിം യതീംഖാനയിൽ എത്തിച്ചു. മുറ്റത്ത് ഒരുക്കിയ പന്തലിൽ മയ്യിത്ത് നമസ്കാരം നടന്നു. അനാഥ വിദ്യാർഥികളും മത-സാമൂഹിക-രാഷ്ടീയ - സാംസ്കാരിക പൊതു മണ്ഡലത്തിലെ പ്രമുഖരടക്കം നമസ്കാരത്തിൽ പങ്കെടുത്തു. രാത്രി 10 മണിക്ക് മുതവല്ലിയായി പ്രവർത്തിച്ച കളരാന്തിരി കക്കാടൻചാൽ ജുമാമസ്ജിദിൽ നടന്ന മയ്യിത്ത് നമസ്കാരത്തിനുശേഷം ഖബറടക്കി. പരീക്കുട്ടി ഹാജിയുടെ നിര്യാണത്തിൽ എസ്‌.ഡി.പി.ഐ കൊടുവള്ളി മണ്ഡലം കമ്മിറ്റി അനുശോചിച്ചു.