കൊയിലാണ്ടി: മത്സ്യബന്ധനത്തിനിടെ വഞ്ചി മറിഞ്ഞു. കടലിൽ അകപ്പെട്ട 15 പേരെ മറ്റു യാനങ്ങളിൽ ഉണ്ടായിരുന്നവർ രക്ഷപ്പെടുത്തി. തിങ്കളാഴ്ച രാവിലെ 11ഒാടെയാണ് സംഭവം. കൊയിലാണ്ടി ഹാർബറിൽനിന്ന് മത്സ്യബന്ധനത്തിനു പോയ വിരുന്നുകണ്ടിയിലെ എസ്.പി.എം ഫൈബർ വഞ്ചിയാണ് ഹാർബറിൽനിന്ന് ഏഴ് നോട്ടിക്കൽ മൈൽ അകലെ മറിഞ്ഞത്. മത്സ്യബന്ധനം നടത്തുന്നതിനിടെ ശക്തമായ തിരയിൽപെട്ടാണ് അപകടം. 15 പേരും കടലിലേക്ക് തെറിച്ചുവീണു. എൻജിൻ, വല എന്നിവ നഷ്ടപ്പെട്ടു. ലക്ഷങ്ങളുടെ നഷ്ടം സംഭവിച്ചു. വി.കെ. സജീവെൻറയും വി.കെ. പ്രജീഷിെൻറയും ഉടമസ്ഥതയിലുള്ളതാണ് വഞ്ചി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.