കൊയിലാണ്ടി: എക്സൈസ് ഉദ്യോഗസ്ഥനായി ചമഞ്ഞ് പിടിച്ചുപറി നടത്തിയ ആളെ പൊലീസ് അറസ്റ്റ് ചെയ്തു.കൊയിലാണ്ടി ബിവ്റേജിൽനിന്നു മൂന്നു ലിറ്റർ മദ്യം വാങ്ങി വരുകയായിരുന്ന ആളെ അധിക മദ്യമുണ്ടെന്നു പറഞ്ഞ് ഭീഷണിപ്പെടുത്തി ബൈക്കിൽ കയറ്റി കൊണ്ടുപോയി പണവും മൊബൈൽ ഫോണും പിടിച്ചുപറിക്കുകയായിരുന്നു.
കോഴിക്കോട് പുതിയങ്ങാടി വലിയകത്ത് ഫാത്തിമ മൻസിൽ മഖ്ബൂൽ (50) ആണ് അറസ്റ്റിലായത്. തിങ്കളാഴ്ച രാവിലെയായിരുന്നു സംഭവം. എസ്.ഐ രാജേഷ്, എ.എസ്.ഐ.മാരായ കെ.കെ. സുബൈർ, പി.കെ. വിജയൻ, സനൽ, ശ്രീജിത്ത് കുമാർ എന്നിവർ ചേർന്നാണ് പിടികൂടിയത്.
എക്സൈസ് ഓഫിസിലേക്കു പോകുന്നതിനു പകരം താമരശ്ശേരി ഭാഗത്തേക്കു ബൈക്ക് കൊണ്ടുപോയപ്പോൾ മദ്യം വാങ്ങിയ ആൾ ബഹളം വെച്ചു. നാട്ടുകാർ തടഞ്ഞുവെച്ച് പൊലീസിനെ അറിയിക്കുകയായിരുന്നു. മഖ്ബൂൽ മറ്റൊരു സ്റ്റേഷനിൽ പോക്സോ കേസിൽ പ്രതിയാണെന്ന് പൊലീസ് അറിയിച്ചു. ഇദ്ദേഹം സഞ്ചരിച്ച ബൈക്കിെൻറ നമ്പറും വ്യാജമായിരുന്നു. മുമ്പിൽ കാറിെൻറയും പിന്നിൽ സ്കൂട്ടിയുടെയും നമ്പർ വെച്ചായിരുന്നു യാത്ര.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.