കുറ്റ്യാടി: പൊലീസുകാരനും കുടുംബവും യാത്രചെയ്ത കാർ നിയന്ത്രണം വിട്ട് ബാർബർ ഷോപ്പിൽ ഇടിച്ചുകയറി രണ്ട് യാത്രക്കാർക്ക് പരിക്ക്. കോഴിക്കോടുനിന്ന് വരുകയായിരുന്ന കാർ വയനാട് റോഡിലെ വളവ് തിരിയുന്നതിനിടയിൽ കെ.കെ. പ്രദീപെൻറ അപ്പൂസ് ബാർബർ ഷോപ്പിനാണ് ഇടിച്ചത്. നടപ്പാതയിലൂടെ ഓടി ബാർബർ ഷോപ്പിെൻറ ചില്ലുവാതിലിൽ ഇടിക്കുകയായിരുന്നു.
കോഴിക്കോട്ട് സേവനം ചെയ്യുന്ന സീനിയർ സിവിൽ പൊലീസ് ഓഫിസർ മരുതോങ്കര മൊയിലോത്തറ ഉണ്ണികൃഷ്ണൻ, മകൾ എന്നിവർക്കാണ് പരിക്കേറ്റത്. ഇരുവരെയും കുറ്റ്യാടി ഗവ.താലൂക്ക് ആശുപത്രിയിൽ പ്രവേശിപ്പിച്ചു. കാറിലുണ്ടായിരുന്ന ഭാര്യയും മകനും പരിക്കേൽക്കാതെ രക്ഷപ്പെട്ടു. ഈ കടയിൽ മുമ്പും നിയന്ത്രണം വിട്ട കാർ ഇടിച്ചുകയറി രണ്ട് കാൽനടക്കാർക്ക് പരിക്കേറ്റിരുന്നു. നടപ്പാതക്ക് ഉയരം കുറഞ്ഞതാണ് കാരണം. നടപ്പാത പുനർനിർമിച്ച് വേലി സ്ഥാപിക്കാൻ എം.എൽ.എ ഫണ്ടിൽ തുക വകയിരുത്തിയിട്ടും പണി തുടങ്ങിയിട്ടില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.