മാ​റ്റ​മി​ല്ലാ​തെ വി​ദ്യാ​ർ​ഥി​ക​ളു​ടെ യാ​ത്രാ​പ്ര​ശ്​​നം

കു​റ്റ്യാ​ടി: ഉ​ൾ​നാ​ടു​ക​ളി​ൽ വി​ദ്യാ​ർ​ഥി​ക​ളു​ടെ യാ​ത്രാ​പ്ര​ശ്​​നം വ​ർ​ധി​ക്കു​ന്നു. വേ​ളം, മ​രു​തോ​ങ്ക​ര, കാ​യ​ക്കൊ​ടി, തോ​ട്ട​ത്താ​ങ്ക​ണ്ടി ഭാ​ഗ​ങ്ങ​ളി​ലെ കു​ട്ടി​ക​ളാ​ണ്​ ആ​വ​ശ്യ​ത്തി​ന്​ ബ​സു​ക​ളി​ല്ലാ​ത്ത​തി​നാ​ൽ സ്​​കൂ​ളി​ലെ​ത്താ​നും തി​രി​കെ പോ​കാ​നും വി​ഷ​മി​ക്കു​ന്ന​ത്.

സ​മാ​ന്ത​ര സ​ർ​വി​സു​ക​ളാ​ണ്​ മി​ക്ക​വ​ർ​ക്കും ആ​ശ്ര​യം. പ​ല​രും ജീ​പ്പു​ക​ളു​ടെ പി​റ​കി​ൽ തൂ​ങ്ങി​പ്പി​ടി​ച്ചാ​ണ്​​ യാ​ത്ര. കോ​ടി​ക​ൾ മു​ട​ക്കി വേ​ളം, മ​രു​തോ​ങ്ക​ര ഭാ​ഗ​ങ്ങ​ളി​ലേ​ക്ക്​ റ​ബ​റൈ​സ്ഡ്​ റോ​ഡ് നി​ർ​മി​ച്ചി​ട്ടു​ണ്ടെ​ങ്കി​ലും ആ​വ​ശ്യ​ത്തി​ന്​ ബ​സ്​ സ​ർ​വി​സ്​ അ​നു​വ​ദി​ച്ചി​ട്ടി​ല്ല. കു​റ്റ്യാ​ടി​യി​ലെ വി​ദ്യാ​ഭ്യാ​സ​ സ്ഥാ​പ​ന​ങ്ങ​ളി​ൽ എ​ത്തു​ന്ന കു​ട്ടി​ക​ൾ ജീ​പ്പി​നു പി​റ​കി​ൽ തൂ​ങ്ങി​പ്പി​ടി​ച്ച്​ അ​പ​ക​ട നി​ല​യി​ൽ യാ​ത്ര ചെ​യ്യു​ന്ന​ത്​ കാ​ണാം.

അ​ക​ത്തി​രു​ന്നാ​ൽ നി​ര​ക്ക്​ ഏ​റെ​യാ​ണെ​ന്നും തൂ​ങ്ങി​പ്പി​ടി​ച്ച്​ പോ​യാ​ൽ കു​റ​യു​മെ​ന്നും കു​ട്ടി​ക​ൾ പ​റ​യു​ന്നു. ആ​റു​പേ​ർ വ​രെ ഇ​പ്ര​കാ​രം പി​റ​കി​ൽ തൂ​ങ്ങി​പ്പി​ടി​ച്ച്​ പോ​കു​ന്ന​തു കാ​ണാം. ചി​ല​പ്പോ​ൾ വ​ശ​ങ്ങ​ളി​ലെ വാ​തി​ലി​നു സ​മീ​പ​വും തൂ​ങ്ങി​പ്പി​ടി​ച്ചി​രി​ക്കും. കു​റ്റ്യാ​ടി​യി​ൽ നി​ന്ന്​ വ​ട​യം, തീ​ക്കു​നി ഭാ​ഗ​ത്തേ​ക്ക്​ ബ​സ് കു​റ​വാ​യ​തി​നാ​ൽ കു​ട്ടി​ക​ളെ​യും മ​റ്റു യാ​ത്ര​ക്കാ​രെ​യും കു​ത്തി​നി​റ​ച്ചാ​ണ്​ ബ​സു​ക​ളു​ടെ യാ​ത്ര.

തോ​ട്ട​ത്താ​ങ്ക​ണ്ടി റൂ​ട്ടി​ൽ തീ​രെ ബ​സു​ക​ളി​ല്ലാ​ത്ത​തി​നാ​ൽ അ​ധി​ക പേ​രും കാ​ൽ​ന​ട​യാ​യാ​ണ്​ പോ​ക്കു​വ​ര​വ്. സ്വ​കാ​ര്യ സ്കൂ​ളു​ക​ൾ​ക്ക്​ സ്വ​ന്ത​മാ​യി ബ​സു​ക​ളു​ണ്ടെ​ങ്കി​ലും ര​ണ്ടാ​യി​ര​ത്തോ​ളം കു​ട്ടി​ക​ൾ പ​ഠി​ക്കു​ന്ന കു​റ്റ്യാ​ടി ഗ​വ.​ഹ​യ​ർ​സെ​ക്ക​ൻ​ഡ​റി​ക്ക്​ ബ​സി​ല്ല. ഈ ​കു​ട്ടി​ക​ളൊ​ക്കെ​യും ബ​സു​ക​ളെ​യും സ​മാ​ന്ത​ര സ​ർ​വി​സു​ക​ളെ​യു​മാ​ണ് ആ​ശ്ര​യി​ക്കു​ന്ന​ത്.