എ. വിജയരാഘവനും സി.പി. ചെറിയമുഹമ്മദും വി. വസീഫും മുക്കത്ത് കണ്ടുമുട്ടിയപ്പോള്‍
മുക്കം: പഴയ വിദ്യാര്‍ഥിനേതാക്കളായ സി.പി.എം സംസ്ഥാന സെക്രട്ടറി എ. വിജയരാഘവനും മുസ്‌ലിം ലീഗ് സംസ്ഥാന സെക്രട്ടറിയും തിരുവമ്പാടിയിലെ യു.ഡി.എഫ് സ്ഥാനാർഥിയുമായ സി.പി. ചെറിയമുഹമ്മദും തമ്മില്‍ അവിചാരിതമായി കണ്ടുമുട്ടിയപ്പോള്‍ അത് പഴയകാല സമരചരിത്രങ്ങളുടെ ഓര്‍മകള്‍ പങ്കുവെക്കല്‍ കൂടിയായി.
1985-87ല്‍ സി.പി കാലിക്കറ്റ് യൂനിവേഴ്‌സിറ്റി യൂനിയന്‍ കൗണ്‍സിലറായിരിക്കുമ്പോള്‍ വിജയരാഘവന്‍ എസ്.എഫ്.ഐ ദേശീയ നേതാവാണ്. പി.ജി സമരം ഉള്‍പ്പെടെ നിരവധി സമരങ്ങള്‍ നടന്നത് ആ സമയത്തായിരുന്നു. മുക്കത്തെ സ്വകാര്യ ഹോട്ടലില്‍ ശനിയാഴ്ച ഉച്ചഭക്ഷണം കഴിക്കാനെത്തിയപ്പോഴായിരുന്നു ഇരുവരും അപ്രതീക്ഷിതമായി കണ്ടുമുട്ടിയത്.
തെരഞ്ഞെടുപ്പ് പ്രചാരണത്തി‍െൻറ തിരക്കിലായിരുെന്നങ്കിലും പഴയ സമരകാലം സംസാരത്തിനിടക്ക് കടന്നുവന്നു. മുന്‍ വിദ്യാര്‍ഥിനേതാവും നിലവിലെ ഡി.വൈ.എഫ്.ഐ സംസ്ഥാന ജോയൻറ് സെക്രട്ടറിയുമായ വി. വസീഫും കൂടെയുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.