ദുരിതം നിറഞ്ഞ് ജൽജീവൻ പദ്ധതിക്കായി പൊളിച്ച റോഡുകൾ

മു​ക്കം: കാ​ല​വ​ർ​ഷ​മെ​ത്തി​യ​തോ​ടെ ദു​രി​തം നി​റ​ഞ്ഞ് ജ​ൽ​ജീ​വ​ൻ പ​ദ്ധ​തി​ക്കു​വേ​ണ്ടി പൊ​ളി​ച്ച റോ​ഡു​ക​ൾ. പ​ല​യി​ട​ത്തും പ​ദ്ധ​തി​യു​ടെ പൈ​പ്പു​ക​ൾ സ്ഥാ​പി​ക്കാ​ൻ റോ​ഡു​ക​ൾ കു​ത്തി​പ്പൊ​ളി​ച്ചെ​ങ്കി​ലും പൂ​ർ​വ​സ്ഥി​തി​യി​ലാ​ക്കി​യി​ട്ടി​ല്ല. പ​ദ്ധ​തി​യി​ലെ മെ​ല്ലെ​പ്പോ​ക്കും ആ​സൂ​ത്ര​ണ​മി​ല്ലാ​യ്മ​യും ജ​ന​ങ്ങ​ൾ​ക്ക് വ​ലി​യ ദു​രി​ത​മാ​ണ് സ​മ്മാ​നി​ക്കു​ന്ന​ത്. കു​ത്തി​പ്പൊ​ളി​ച്ച റോ​ഡു​ക​ളി​ൽ ച​ളി​യും വെ​ള്ള​വും നി​റ​ഞ്ഞ് ഗ​താ​ഗ​തം പ്ര​തി​സ​ന്ധി​യി​ലാ​ണ്. സ്കൂ​ളു​ക​ൾ തു​റ​ക്കു​ന്ന​തോ​ടെ ദു​രി​തം ഇ​ര​ട്ടി​യാ​കും. മ​ല​യോ​ര മേ​ഖ​ല​യി​ലെ പ​ല റോ​ഡു​ക​ളു​ടെ​യും അ​രി​കി​ലാ​യി പ​ദ്ധ​തി​ക്കു​വേ​ണ്ടി സ്ഥാ​പി​ക്കേ​ണ്ട പൈ​പ്പു​ക​ൾ മാ​സ​ങ്ങ​ളാ​യി ഇ​റ​ക്കി​യി​ട്ട​തും യാ​ത്ര​ക്കാ​ർ​ക്ക് വ​ലി​യ പ്ര​യാ​സ​മാ​ണ് സൃ​ഷ്ടി​ക്കു​ന്ന​ത്.

പൊ​ളി​ച്ചി​ട്ട റോ​ഡു​ക​ൾ പൂ​ർ​വ​സ്ഥി​തി​യി​ലാ​ക്കാ​ത്ത​തി​നാ​ൽ പു​തി​യ റോ​ഡു​ക​ളി​ൽ പൈ​പ്പു​ക​ൾ സ്ഥാ​പി​ക്കാ​ൻ നാ​ട്ടു​കാ​രും ജ​ന​പ്ര​തി​നി​ധി​ക​ളും അ​നു​വ​ദി​ക്കു​ന്നി​ല്ല. കാ​ര​ശ്ശേ​രി പ​ഞ്ചാ​യ​ത്തി​ൽ 100 കി.​മീ​റ്റ​റോ​ളം പൈ​പ്പി​ടാ​ൻ ഉ​ള്ള​തി​ൽ പ​ത്ത് കി​ലോ​മീ​റ്റ​ർ റോ​ഡ് പൂ​ർ​വ​സ്ഥി​തി​യി​ൽ ആ​ക്കാ​നു​ള്ള നി​ർ​ദേ​ശം മാ​ത്ര​മേ അ​ധി​കൃ​ത​ർ​ക്കു​ള്ളൂ​വെ​ന്ന് പ​ഞ്ചാ​യ​ത്ത് അം​ഗം കു​ഞ്ഞാ​ലി മ​മ്പാ​ട്ട് പ​റ​ഞ്ഞു. ഒ​രു പ​ഠ​ന​വും ന​ട​ത്താ​തെ​യാ​ണ് വാ​ട്ട​ർ അ​തോ​റി​റ്റി​യു​ടെ പ്രോ​ജ​ക്റ്റ്‌ ഡി​വി​ഷ​ൻ പ​ദ്ധ​തി സ​മ​ർ​പ്പി​ച്ച​തെ​ന്നും അ​ദ്ദേ​ഹം പ​റ​ഞ്ഞു. റോ​ഡ് ന​വീ​ക​ര​ണ​വു​മാ​യി ബ​ന്ധ​പ്പെ​ട്ട് ഉ​ദ്യോ​ഗ​സ്ഥ​രു​മാ​യി പ​ഞ്ചാ​യ​ത്ത് പ്ര​സി​ഡ​ന്റ്‌ ഉ​ൾ​പ്പെ​ടെ​യു​ള്ള ജ​ന​പ്ര​തി​നി​ധി​ക​ൾ സം​സാ​രി​ക്കു​മ്പോ​ൾ ഓ​ൺ​ലൈ​ൻ യോ​ഗ​ത്തി​ൽ മാ​ത്ര​മേ പ​ങ്കെ​ടു​ക്കാ​ൻ സാ​ധി​ക്കൂ എ​ന്നാ​ണ് ഉ​ദ്യോ​ഗ​സ്ഥ​ർ പ​റ​യു​ന്ന​ത്.

ച​ർ​ച്ച ന​ട​ത്താ​ൻ എ​ത്തി​യ പ​ല​യി​ട​ത്തും ജ​ൽ​ജീ​വ​ൻ മി​ഷ​ൻ ഉ​ദ്യോ​ഗ​സ്ഥ​രെ മു​റി​യി​ൽ പൂ​ട്ടി​യി​ടു​ന്ന​തും ഉ​പ​രോ​ധി​ക്കു​ന്ന​തും സ്ഥി​ര​മാ​യ​തോ​ടെ​യാ​ണ് ഉ​ദ്യോ​ഗ​സ്ഥ​ർ ഇ​ങ്ങ​നെ​യൊ​രു നി​ല​പാ​ട് സ്വീ​ക​രി​ക്കു​ന്ന​ത്. അ​നു​വ​ദി​ച്ച തു​ക​യി​ൽ കൂ​ടു​ത​ൽ ചെ​ല​വ​ഴി​ച്ച​തി​നാ​ൽ ഇ​നി പ്രോ​ജ​ക്റ്റ്‌ റി​വി​ഷ​ൻ ന​ട​ത്തി​യാ​ൽ മാ​ത്ര​മേ പ്ര​വൃ​ത്തി തു​ട​ങ്ങാ​ൻ സാ​ധി​ക്കൂ എ​ന്ന നി​ല​പാ​ടി​ലാ​ണ് ക​രാ​റു​കാ​ർ.