സംസ്ഥാനപാതയിൽ കറുത്തപറമ്പിൽ കാറിന് തീപിടിച്ചത് അഗ്നിരക്ഷാ സേനയുടെ നേതൃത്വത്തിൽ അണക്കുന്നു
മുക്കം: ഓടിക്കൊണ്ടിരുന്ന ബെന്‍സ് കാറിന് തീപിടിച്ചു. കാറിലുണ്ടായിരുന്ന യാത്രക്കാര്‍ പരിക്കേല്‍ക്കാതെ രക്ഷപ്പെട്ടു. എടവണ്ണ- കൊയിലാണ്ടി സംസ്ഥാന പാതയില്‍ കാരശ്ശേരി പഞ്ചായത്തിലെ കറുത്തപറമ്പിൽ ഇന്നലെ ഉച്ചക്ക് രണ്ടരയോടെയാണ് അപകടം.
ഗോതമ്പറോഡ് സ്വദേശി ജസീമിന്റെ ഉടമസ്ഥതയിലുള്ള കാറാണ് കത്തിനശിച്ചത്. ജസീമിന്റെ രണ്ട് സുഹൃത്തുക്കളാണ് വാഹനത്തില്‍ ഉണ്ടായിരുന്നത്. ബോണറ്റില്‍നിന്ന് പുക ഉയരുന്നത് ശ്രദ്ധയില്‍പ്പെട്ട ഇരുവരും കാര്‍ സംസ്ഥാന പാതയില്‍ നിന്ന് ഇറക്കി റോഡരികിലേക്ക് മാറ്റിയിടുകയായിരുന്നു.
വാഹനത്തില്‍നിന്ന് ഇറങ്ങി സമീപത്തെ കടകളില്‍ നിന്നും വെള്ളം ശേഖരിച്ച് തീ അണക്കാന്‍ ശ്രമിച്ചെങ്കിലും വിജയിച്ചില്ല. സ്ഥലത്തെത്തിയ മുക്കം അഗ്നിരക്ഷാ സേന തീയണച്ചു. കാറിന്റെ മുന്‍വശം പൂര്‍ണമായും കത്തിനശിച്ചിട്ടുണ്ട്. അപകടത്തിന്റെ കാരണം വ്യക്തമല്ല. അസി. സ്റ്റേഷൻ ഓഫിസർ പി.എം അനിൽകുമാറിന്റെ നേതൃത്വത്തിൽ സീനിയർ ഫയർ ആൻഡ് റെസ്ക്യൂ ഓഫിസർ എൻ. രാജേഷ്, ഫയർ ആൻഡ് റെസ്ക്യൂ ഓഫിസർമാരായ സജിത്ത് ലാൽ, വൈ.പി. ഷറഫുദ്ദീൻ, ഫാസിൽ അലി, ശരത്, ചാക്കോ ജോസഫ് എന്നിവരടങ്ങിയ അഗ്നിരക്ഷാസേന സംഘമാണ് തീയണച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.