കോഴിക്കോട്: വീട്ടിലേക്കുള്ള വഴിയിൽ കിടന്ന മധ്യവയസ്കനെ അടിച്ചുകൊലപ്പെടുത്തിയ കേസിൽ അറസ്റ്റിലായ അഞ്ചുപേരും റിമാൻഡിൽ.
കൊമ്മേരി സ്വദേശികളായ എരവത്ത്കുന്ന് അമ്മാട്ട് ജിഗ്നേഷ് (48), അമ്മാട്ട് ഉമേഷ് (50), മാണിങ്ങിൽ മനോജ് എന്ന മനു (52), അമ്മാട്ട് മീത്തൽ സൂരജ് (27), അമ്മാട്ട് മീത്തൽ സതീശൻ (41) എന്നിവരെയാണ് കുന്ദമംഗലം കോടതി റിമാൻഡ് ചെയ്തത്. എരവത്ത്കുന്ന് അമ്മാട്ട് പറമ്പിൽ കിരൺകുമാറാണ് (45) കൊല്ലപ്പെട്ടത്. മെഡിക്കൽ കോളജ് പൊലീസാണ് സംഘത്തെ അറസ്റ്റുചെയ്തത്.
ശനിയാഴ്ച രാത്രി വീട്ടിൽ നിന്ന് വഴക്കിട്ട് തലയണയുമായി പോയ കിരൺകുമാറിനെ ഞായറാഴ്ച രാവിലെയാണ് വീട്ടിലേക്കുള്ള കോൺക്രീറ്റ് ഇടവഴിയിൽ മരിച്ച നിലയിൽ കണ്ടെത്തിയത്.
മൃതദേഹത്തിലെ പരിക്കുകളാണ് കൊലപാതകമെന്ന സംശയത്തിനിടയാക്കിയത്. തുടരന്വേഷണത്തിലാണ് അയൽവാസികളായ പ്രതികൾ പിടിയിലായത്. അറസ്റ്റിലായ പ്രതികളിൽ രണ്ടുപേരുമായി കിരൺ മുമ്പ് വഴക്കിട്ടിരുന്നു. ഈ വൈരാഗ്യത്തിൽ ഇവർ കിരണിനോട് വഴിയിൽനിന്ന് പോകാൻ ആവശ്യപ്പെട്ടെങ്കിലും കൂട്ടാക്കിയില്ല. ഇതോടെ മറ്റു പ്രതികളെ വിളിച്ചുവരുത്തി കമ്പിപ്പാര അടക്കമുള്ളവ ഉപയോഗിച്ച് മർദിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.