ഒടുക്കത്തിപൊയിലിലും ക്വാറിയാണ്​ വിഷയം

ഓ​മ​ശ്ശേ​രി: ത​ങ്ങ​ളു​ടെ ദു​രി​തം കാ​ണാ​ൻ ത​യാ​റ​ല്ലാ​ത്ത രാ​ഷ്​​ട്രീ​യ പാ​ർ​ട്ടി​ക​ൾ​ക്ക് എ​ന്തി​ന് വോ​ട്ട് ചെ​യ്യ​ണ​മെ​ന്ന ചോ​ദ്യ​വു​മാ​യി ഓ​മ​ശ്ശേ​രി വേ​ന​പ്പാ​റ ഒ​ടു​ക്ക​ത്തി​പൊ​യി​ൽ നി​വാ​സി​ക​ൾ.

ഇ​വി​ട​ത്തെ ക​രി​ങ്ക​ൽ ക്വാ​റി​യാ​ണ് ഈ ​പ്ര​ദേ​ശ​ത്തു​കാ​രെ ഭീ​തി​യി​ലാ​ഴ്ത്തു​ന്ന​ത്. ക​ഴി​ഞ്ഞ പ​ഞ്ചാ​യ​ത്ത് തെ​ര​ഞ്ഞെ​ടു​പ്പി​ന് ശേ​ഷ​മാ​ണ് ഇ​വി​ടെ ക്വാ​റി​ക്ക് പ​ഞ്ചാ​യ​ത്ത് അ​നു​മ​തി ന​ൽ​കി​യ​ത്. പാ​റ പൊ​ട്ടി​ക്കു​ന്ന​തു​മൂ​ലം വി​ള്ള​ലു​ണ്ടാ​യ വീ​ടു​ക​ളും ന​ശി​ച്ച കൃ​ഷി​യി​ട​ങ്ങ​ളും കാ​ണി​ച്ച്​ നി​ര​വ​ധി സ​മ​ര​ങ്ങ​ളും പ​രാ​തി​ക​ളും അ​യ​ച്ചെ​ങ്കി​ലും ക്വാ​റി​യു​ടെ ലൈ​സ​ൻ​സ് റ​ദ്ദാ​ക്കി​യി​ല്ല.

അ​തു നി​ർ​ബാ​ധം തു​ട​രു​ന്നു. ലൈ​സ​ൻ​സ് പു​തു​ക്കാ​തി​രി​ക്കാ​ൻ പ​ഞ്ചാ​യ​ത്ത് ഭ​ര​ണ​സ​മി​തി ത​യാ​റാ​യി​ല്ല. ഇ​രു​മു​ന്ന​ണി​ക​ളും ഇ​ക്കാ​ര്യ​ത്തി​ൽ വ്യ​ത്യാ​സ​മി​ല്ല. നാ​ട്ടു​കാ​രു​ടെ ചോ​ദ്യ​ത്തി​ന് മു​ന്നി​ൽ മ​റു​പ​ടി പ​റ​യാ​നാ​കാ​തെ സ്​​ഥാ​നാ​ർ​ഥി​ക​ൾ വി​യ​ർ​ക്കു​ക​യാ​ണ്. ഗ്രാ​മ​പ​ഞ്ചാ​യ​ത്ത് അ​ഞ്ചാം വാ​ർ​ഡ് കോ​റോ​ന്തി​രി​യി​ലാ​ണ് ക്വാ​റി.

അ​യ​ൽ പ്ര​ദേ​ശ​ത്തു​കാ​രാ​ണ് ഇ​വി​ട​ത്തെ സ്ഥാ​നാ​ർ​ഥി​ക​ൾ. ആ​ർ​ക്ക് വോ​ട്ട് ചെ​യ്യ​ണ​മെ​ന്ന​തി​നെ കു​റി​ച്ച്​ നി​സ്സം​ഗ​ത നി​ല​നി​ൽ​ക്കു​ന്ന​താ​യി ക്വാ​റി വി​രു​ദ്ധ​സ​മി​തി ക​ൺ​വീ​ന​ർ പി.​വി. ഹു​സൈ​ൻ പ​റ​ഞ്ഞു.

2016ലാ​ണ് ക്വാ​റി​ക്ക് അ​നു​മ​തി ന​ൽ​കി​യ​ത്. 2018ൽ ​ലൈ​സ​ൻ​സ് പു​തു​ക്കാ​തി​രി​ക്കാ​ൻ ആ​വു​ന്ന​ത് ശ്ര​മി​ച്ചു. ഫ​ലം ഉ​ണ്ടാ​യി​ല്ല. എ​ല്ലാ വ​ർ​ഷ​വും മാ​ർ​ച്ചി​ൽ ലൈ​സ​ൻ​സ് പു​തു​ക്ക​ണം. ഇ​തു ത​ട​യ​പ്പെ​ടു​ന്നി​ല്ല. വോ​ട്ട് ചോ​ദി​ച്ചു വ​രു​ന്ന സ്ഥാ​നാ​ർ​ഥി​ക​ളോ​ട് ത​ങ്ങ​ൾ ഇ​താ​വ​ശ്യ​പ്പെ​ട്ട​താ​യി ഹു​സൈ​ൻ വ്യ​ക്ത​മാ​ക്കി.