തിരുവമ്പാടി: യൂത്ത് കോൺഗ്രസ് തിരുവമ്പാടി മണ്ഡലം സെക്രട്ടറി യു.സി. അജ്മലിന് നേരെ ആക്രമണം. ശനിയാഴ്ച രാത്രി ഒമ്പതരയോടെ തിരുവമ്പാടി മിൽമുക്കിലാണ് സംഭവം. ഇതുവഴി ബൈക്കിൽ വരുകയായിരുന്ന അജ്മൽ ആളുകൾ കൂടിനിൽക്കുന്നതുകണ്ട് അന്വേഷിച്ചെത്തിയപ്പോൾ സംഘടിതമായി മർദിക്കുകയായിരുന്നുവെത്ര.
നെഞ്ചിന് പരിക്കേറ്റ ഇയാളെ ഓമശ്ശേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. കണ്ടാൽ അറിയുന്ന അഞ്ചുപേർ ഉൾപ്പെടെ 15 ഓളം പേർ അക്രമി സംഘത്തിലുണ്ടായിരുന്നുവെന്ന് യു.സി. അജ്മൽ പൊലീസിന് മൊഴി നൽകി.
സംഘം ചേർന്നുള്ള മർദനത്തിന് തിരുവമ്പാടി പൊലീസ് കേസെടുത്തു. അതേസമയം, യു.സി. അജ്മൽ ആക്രമിച്ചെന്ന പരാതിയിലും പൊലീസ് കേസെടുത്തു.
അഗസ്ത്യൻമുഴി - കൈതപ്പൊയിൽ റോഡ് പ്രവൃത്തിയുമായി ബന്ധപ്പെട്ട പ്രശ്നമാണ് ആക്രമണത്തിന് പിന്നിെലന്നാണ് സൂചന. റോഡ് പ്രവൃത്തിയിലെ അഴിമതി ആരോപണമുന്നയിച്ച യൂത്ത് കോൺഗ്രസ് നേതാക്കളുടെ മുൻനിരയിൽ ഉണ്ടായിരുന്നു. സ്ഥലം വിട്ടുനൽകിയവരുടെ കൂട്ടായ്മയുടെ ഭാരവാഹിയുമായിരുന്നു ഇയാൾ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.