തിരുവമ്പാടി: ഉമ്മക്കും എതിർചേരിയിലെ സ്ഥാനാർഥികൾക്കുമെല്ലാം വേണം അനീന മിർസയുടെ തെരഞ്ഞെടുപ്പ് പ്രചാരണ ഗാനം. തദ്ദേശ തെരഞ്ഞെടുപ്പിലെ ആദ്യ പ്രചാരണ ഗാനം അനീന മിർസ പാടിയത് ഉമ്മ ഷാഹിന ഗഫൂറിന് വേണ്ടിയായിരുന്നു.
തിരുവമ്പാടി ഗ്രാമപഞ്ചായത്തിലെ ഒമ്പതാം വാർഡിലെ (മറിയപ്പുറം) വെൽെഫയർ പാർട്ടി സ്ഥാനാർഥിയാണ് ഷാഹിന. തൊട്ടടുത്ത 12ാം വാർഡിലെ (താഴെ തിരുവമ്പാടി) ഇടതുമുന്നണി സ്ഥാനാർഥി സി.പി.എമ്മിലെ ഗീത വിനോദിനും പാട്ട് അനീനയുടെ ശബ്ദത്തിൽതന്നെ.
കാരശ്ശേരി ഗ്രാമപഞ്ചായത്തിലെ യു.ഡി.എഫ് സ്വതന്ത്ര സ്ഥാനാർഥി ഷാഹിന ടീച്ചർ, മാവൂർ പഞ്ചായത്തിലെ സ്വതന്ത്ര സ്ഥാനാർഥി വിച്ചാവ ഉൾപ്പെടെ 15ഓളം സ്ഥാനാർഥികൾക്കായാണ് ഈ എട്ടാം ക്ലാസുകാരി പാടിയത്.
നേരത്തെ സംഗീത ആൽബങ്ങളിലും സ്റ്റേജ്ഷോകളിലും പാടിയിട്ടുണ്ട് അനീന. സംഗീതാധ്യാപിക സജ്ന തിരുവമ്പാടിയുടെ കീഴിലാണ് സംഗീത പഠനം.
കൊണ്ടോട്ടി മാപ്പിളകല അക്കാദമിയിൽനിന്ന് സംഗീത പഠനത്തിൽ സർട്ടിഫിക്കറ്റ് നേടിയിട്ടുണ്ട്. സി.ബി.എസ്.ഇ സംസ്ഥാന കലോത്സവത്തിൽ തുടർച്ചയായ വർഷങ്ങളിൽ ലളിതഗാനത്തിൽ എ ഗ്രേഡ് നേടി. അബ്ദുൽ ഗഫൂർ ആലങ്ങാടെൻറ മകളായ അനീന മിർസ ഓമശ്ശേരി പ്ലസൻറ് ഇംഗ്ലീഷ് സ്കൂൾ വിദ്യാർഥിയാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.