വെള്ളിമാട്കുന്ന്: ഏറെ അപകടംവരുത്തി ദേശീയപാത കൈയേറി വാഹനങ്ങളിൽ തെരുവുകച്ചവടം. മൂഴിക്കൽ അങ്ങാടിയിലാണ് ഗുഡ്സ് ഓട്ടോകളിൽ മറ്റു വാഹനങ്ങൾക്കും യാത്രക്കാർക്കും അപകടംവരുത്തി റോഡിൽ നിർത്തിയിട്ട് വ്യാപാരം നടത്തുന്നത്. ഏറെ തിരക്കുള്ള ഭാഗത്ത് വീതിയില്ലാത്തതിനാൽ വാഹനങ്ങൾപോലും അപകടകരമായ രീതിയിൽ കടന്നുപോകുന്ന ഭാഗങ്ങളിലാണ് ദേശീയപാതയിലേക്ക് കയറ്റിനിർത്തി കച്ചവടം നടത്തുന്നത്.
ഇരുചക്രവാഹനങ്ങളിലും മറ്റുമുള്ളവർ സാധനം വാങ്ങാൻ ഓട്ടോക്ക് സമീപം നിർത്തുന്നത് അതിലേറെ അപകടത്തിനിടയാക്കുകയാണ്. നൂറുകണക്കിന് വിദ്യാർഥികൾ കാൽനടയായി കടന്നുപോകുന്ന ഭാഗത്ത് വാഹനം നിർത്തിയിട്ട് കച്ചവടം നടത്തുന്നതിനാൽ വിദ്യാർഥികൾ റോഡിലൂടെ നടക്കേണ്ട അവസ്ഥയാണ്. ഇടതടവില്ലാതെ ചെറുതും വലുതുമായ വാഹനങ്ങൾ കടന്നുപോകുമ്പോൾ കുട്ടികൾ അപകടത്തിൽനിന്ന് രക്ഷപ്പെടുന്നത് ഭാഗ്യംകൊണ്ടാണെന്ന് രക്ഷിതാക്കളും പ്രദേശവാസികളും പറയുന്നു. പൊലീസ് കണ്ണടക്കുന്നതാണ് കച്ചവടക്കാർക്ക് തണലാകുന്നത്. വൈകീട്ട് ഏറെ വണ്ടികളാണ് പാതയോരത്ത് നിയമലംഘനം നടത്തുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.