കോഴിക്കോട്: ടൗൺ പൊലീസി‍െൻറ ജീപ്പിന് കല്ലെറിഞ്ഞ രണ്ടുപേർ അറസ്റ്റിൽ. കൊളത്തറ പാലത്തിങ്കൽ പി. സുമീഷ് (22), പതിനേഴുകാരനായ കുറ്റിക്കാട്ടൂർ സ്വദേശി എന്നിവരെയാണ് കസബ പൊലിസ് അറസ്റ്റ് ചെയ്തത്.
തിങ്കളാഴ്ച രാത്രി 12.30ന് ചെമ്പോട്ടി തെരുവിന് സമീപത്താണ്‌ ടൗൺ പൊലീസി‍െൻറ ജീപ്പിനു നേരെ കല്ലേറുണ്ടായത്. കല്ലേറില്‍ പൊലീസ് ജീപ്പി‍െൻറ ചില്ലുകള്‍ തകര്‍ന്നു. ജീപ്പിലുണ്ടായിരുന്ന സിവില്‍ പൊലീസ് ഓഫീസര്‍ ജയ്‌സണ് പരിക്കേറ്റു.
ഒയറ്റി റോഡിലൂടെ പട്രോളിങ് നടത്തുന്നതിനിടെ രണ്ടുപേര്‍ ഓടി ഒളിക്കുന്നതായി പൊലീസി‍െൻറ ശ്രദ്ധയില്‍പെട്ടു. തുടര്‍ന്ന് ജീപ്പിലുണ്ടായിരുന്ന എ.എസ്‌.ഐയും ഹോംഗാര്‍ഡും പുറത്തിറങ്ങി ഇവര്‍ക്കു പിന്നാലെ ഓടി. അതിനിടെയാണ് ജീപ്പിന് നേരെ കല്ലേറുണ്ടായത്.
ചൊവ്വാഴ്ച പുലർച്ചെ മാനാഞ്ചിറ ബി.ഇ.എം സ്കൂളിന് സമീപത്തുനിന്ന്‌ കാൽനടക്കാരനായ ഒരാളെ കത്തി കാണിച്ച് ഭീഷണിപ്പെടുത്തി ഇതേ സംഘം പണവും മൊബൈലും പിടിച്ചുപറിച്ചിരുന്നു. യാത്രക്കാരൻ ഉടൻ കസബ പൊലീസ് സ്റ്റേഷനിലെത്തി പരാതി നൽകി. തുടർന്ന് നടത്തിയ തിരച്ചിലിലാണ് ഇരുവരും പിടിയിലായത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.