അ​ഴി​യൂ​രി​ൽ ത​ണ്ണീ​ർ​ത്ത​ട​ങ്ങ​ൾ നി​ക​ത്ത​ൽ വ്യാ​പ​കം

വ​ട​ക​ര: അ​ഴി​യൂ​ർ ഗ്രാ​മ​പ​ഞ്ചാ​യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ച​ട്ട​ങ്ങ​ൾ കാ​റ്റി​ൽ പ​റ​ത്തി ത​ണ്ണീ​ർ​ത്ത​ട​ങ്ങ​ൾ വ്യാ​പ​ക​മാ​യി നി​ക​ത്തു​ന്ന​താ​യി പ​രാ​തി. ദേ​ശീ​യ​പാ​ത നി​ർ​മാ​ണ​ത്തി​ന്റെ മ​റ​വി​ൽ പൊ​ളി​ച്ചു​മാ​റ്റു​ന്ന കെ​ട്ടി​ടാ​വ​ശി​ഷ്ട​ങ്ങ​ൾ ത​ള്ളി​യാ​ണ് ത​ണ്ണീ​ർ​ത്ത​ട​ങ്ങ​ൾ നി​ക​ത്തു​ന്ന​ത്.

ചെ​റി​യ ത​ട്ടു​ക​ളാ​യി​ത്തി​രി​ച്ച് തോ​ട്ട​മാ​ക്കി ത​ണ്ണീ​ർ​ത്ത​ട​ങ്ങ​ളെ മാ​റ്റു​ക​യാ​ണ് ചെ​യ്യു​ന്ന​ത്. ക​ഴി​ഞ്ഞ ദി​വ​സം ഒ​റ്റ​ത്തെ​ങ്ങ് കു​റി​ച്ചി​ക്ക​ര ഭാ​ഗ​ത്ത് ത​ണ്ണീ​ർ​ത്ത​ട​ങ്ങ​ൾ നി​ക​ത്തു​ന്ന​ത് ഡി.​വൈ.​എ​ഫ്.​ഐ പ്ര​വ​ർ​ത്ത​ക​ർ ത​ട​ഞ്ഞി​രു​ന്നു. വാ​ഗ​ഡ് ക​മ്പ​നി​യു​ടെ ടി​പ്പ​ർ ലോ​റി​ക​ൾ സ്ഥ​ല​ത്തു​നി​ന്നും നീ​ക്കാ​ൻ പ്ര​വ​ർ​ത്ത​ക​ർ അ​നു​വ​ദി​ച്ചി​ല്ല. വാ​ഹ​ന​ത്തി​നു മു​ക​ളി​ൽ പ്ര​തി​ഷേ​ധ ബാ​ന​റു​ക​ൾ കെ​ട്ടു​ക​യു​ണ്ടാ​യി. ര​ണ്ട് ടി​പ്പ​ർ ലോ​റി​ക​ളാ​ണ് ത​ണ്ണീ​ർ​ത്ത​ടം നി​ക​ത്തു​ന്ന​തി​നി​ടെ ത​ട​ഞ്ഞു​വെ​ച്ച​ത്. ഇ​തു​സം​ബ​ന്ധി​ച്ച് റ​വ​ന്യൂ അ​ധി​കൃ​ത​ർ​ക്ക് പ​രാ​തി ന​ൽ​കി​യി​ട്ടു​ണ്ട്. പ്ര​ള​യ​ത്തി​ൽ ഏ​റെ ദു​രി​ത​ങ്ങ​ൾ വി​ത​ച്ച പ്ര​ദേ​ശ​ങ്ങ​ളി​ൽ ദേ​ശീ​യ​പാ​ത നി​ർ​മാ​ണ​ക്ക​മ്പ​നി​ക​ളു​ടെ ഏ​ജ​ന്റു​മാ​രാ​യി പ്ര​വ​ർ​ത്തി​ക്കു​ന്ന​വ​രാ​ണ് കെ​ട്ടി​ടാ​വ​ശി​ഷ്ട​ങ്ങ​ൾ ത​ള്ളാ​ൻ ഒ​ത്താ​ശ ചെ​യ്യു​ന്ന​തെ​ന്ന് ആ​ക്ഷേ​പ​മു​ണ്ട്. ക​രാ​ർ ക​മ്പ​നി​ക്ക് സാ​ധ​ന​ങ്ങ​ൾ എ​ത്തി​ച്ചു​ന​ൽ​കാ​നും മ​റ്റു​മാ​യി ഓ​രോ സ്ഥ​ല​ത്തും പ്ര​ത്യേ​ക ഏ​ജ​ന്റു​മാ​ർ പ്ര​വ​ർ​ത്തി​ക്കു​ക​യും ഇ​വ​ർ അ​വി​ഹി​ത മാ​ർ​ഗ​ങ്ങ​ൾ സ്വീ​ക​രി​ക്കു​ക​യും ചെ​യ്യു​ന്ന​താ​യി പ​രാ​തി​യു​ണ്ട്. വ​ട​ക​ര​യി​ൽ ദേ​ശീ​യ​പാ​ത​ക്ക് ഉ​പ​യോ​ഗി​ക്കു​ന്ന കോ​ൺ​ക്രീ​റ്റ് മി​ശ്രി​തം സ്വ​കാ​ര്യ കെ​ട്ടി​ട നി​ർ​മാ​ണ​ത്തി​ന് മ​റി​ച്ചു​ന​ൽ​കി​യ​ത് നാ​ട്ടു​കാ​ർ പി​ടി​കൂ​ടി​യി​രു​ന്നു. ഇ​തി​നൊ​ക്കെ ഇ​ട​നി​ല​ക്കാ​രാ​യി പ്ര​വ​ർ​ത്തി​ക്കു​ന്ന​ത് പ്രാ​ദേ​ശി​ക ഏ​ജ​ന്റു​മാ​രാ​ണ്.

അ​ഴി​യൂ​രി​ൽ മ​യ്യ​ഴി​പ്പു​ഴ​യോ​ടു ചേ​ർ​ന്നു​കി​ട​ക്കു​ന്ന ഒ​റ്റ​ത്തെ​ങ്ങ്, കു​റി​ച്ചി​ക്ക​ര, ക​ല്ലാ​മ​ല ഭാ​ഗ​ങ്ങ​ൾ ത​ണ്ണീ​ർ​ത്ത​ട​ങ്ങ​ളാ​ൽ ചു​റ്റ​പ്പെ​ട്ട സ്ഥ​ല​ങ്ങ​ളാ​ണ്. മേ​ഖ​ല​യി​ൽ പ​ല​യി​ട​ത്തും ഭൂ​മി ത​രം​മാ​റ്റ​ത്തി​ന്റെ മ​റ​വി​ൽ നി​ക​ത്തു​ന്ന​താ​യി വ്യാ​പ​ക​മാ​യ പ​രാ​തി​യു​ണ്ട്. റ​വ​ന്യൂ അ​ധി​കൃ​ത​രു​ടെ ഒ​ത്താ​ശ​യോ​ടെ​യാ​ണ് നി​ക​ത്ത​ൽ ന​ട​ക്കു​ന്ന​തെ​ന്ന ആ​ക്ഷേ​പം ശ​ക്ത​മാ​ണ്. അ​വ​ധി ദി​വ​സ​ങ്ങ​ളി​ൽ ടി​പ്പ​റു​ക​ൾ മേ​ഖ​ല​യി​ൽ ത​ല​ങ്ങും വി​ല​ങ്ങും ഓ​ടു​ന്ന​ത് പ​തി​വാ​ണ്. നി​ക​ത്ത​ലി​നെ​തി​രെ പ​രാ​തി ഉ​യ​ർ​ന്നാ​ൽ അ​വ​ധി ദി​വ​സ​മാ​ണെ​ന്ന് ചൂ​ണ്ടി​ക്കാ​ട്ടി റ​വ​ന്യൂ അ​ധി​കൃ​ത​ർ കൈ​മ​ല​ർ​ത്തു​ക​യും ചെ​യ്യു​ന്നു.