എ.​ഇ​ക്കും മാ​റ്റം; അ​ങ്ങാ​ടി​പ്പു​റം പ​ഞ്ചാ​യ​ത്ത് എ​ൻ​ജി​നീ​യ​റി​ങ് വി​ഭാ​ഗം വീ​ണ്ടും പൂ​ട്ടേ​ണ്ട സ്ഥി​തി

അ​ങ്ങാ​ടി​പ്പു​റം: അ​ങ്ങാ​ടി​പ്പു​റം പ​ഞ്ചാ​യ​ത്ത് എ​ൻ​ജി​നീ​യ​റി​ങ് വി​ഭാ​ഗം വീ​ണ്ടും പൂ​ട്ടേ​ണ്ട സ്ഥി​തി​യി​ൽ. നി​ല​വി​ലെ അ​സി​സ്റ്റ​ന്റ് എ​ൻ​ജി​നീ​യ​റെ സ്ഥാ​ന​ക്ക​യ​റ്റം ന​ൽ​കി സ്ഥ​ലം മാ​റ്റി​യ​തോ​ടെ എ​ൻ​ജി​നീ​യ​റി​ങ് വി​ഭാ​ഗ​ത്തി​ൽ ആ​രു​മി​ല്ലാ​താ​യി.

ഓ​വ​ർ​സി​യ​ർ​മാ​രു​ടെ ത​സ്തി​ക ഏ​റെ​ക്കാ​ല​മാ​യി ഒ​ഴി​ഞ്ഞു കി​ട​ക്കു​ക​യാ​ണ്. മു​ൻ വ​ർ​ഷ​വും ഇ​ത്ത​ര​ത്തി​ൽ എ​ൻ​ജി​നീ​യ​റി​ങ് വി​ഭാ​ഗം ഒ​രാ​ൾ പോ​ലു​മി​ല്ലാ​തെ മാ​സ​ങ്ങ​ള​ളോ​ളം അ​നാ​ഥ​മാ​യി​രു​ന്നു.

സ്ഥ​ലം മാ​റി​പ്പോ​യ എ.​ഇ​യും സ​മീ​പ​കാ​ല​ത്താ​ണ് തി​രി​ച്ചെ​ത്തി​യ​ത്. കെ​ട്ടി​ട നി​ർ​മാ​ണ പെ​ർ​മി​റ്റ് അ​നു​വ​ദി​ക്ക​ൽ, കം​പ്ലീ​ഷ​ൻ സ​ർ​ട്ടി​ഫി​ക്ക​റ്റ് ന​ൽ​ക​ൽ, കെ​ട്ടി​ട നി​കു​തി കൃ​ത്യ​പ്പെ​ടു​ത്ത​ൽ തു​ട​ങ്ങി നി​ര​വ​ധി സേ​വ​ന​ങ്ങ​ൾ ഈ ​ഓ​ഫി​സാ​ണ് ചെ​യ്യേ​ണ്ട​ത്. അ​തി​ലു​പ​രി വാ​ർ​ഷി​ക പ​ദ്ധ​തി​യി​ൽ റോ​ഡ്, കെ​ട്ടി​ട നി​ർ​മാ​ണ​ങ്ങ​ൾ, അ​റ്റ​കു​റ്റ​പ്പ​ണി​ക​ളു​മാ​യി ബ​ന്ധ​പ്പെ​ട്ട പ്ര​വ​ൃത്തി​ക​ളു​ടെ നി​ർ​വ​ഹ​ണം തു​ട​ങ്ങി​യ​വ കൈ​കാ​ര്യം ചെ​യ്യേ​ണ്ട​ത് എ.​ഇ ആ​ണ്. അ​വ​യു​ടെ എ​സ്റ്റി​മേ​റ്റ് ത​യാ​റ​ക്ക​ൽ, അം​ഗീ​കാ​രം വാ​ങ്ങ​ൽ നി​ർ​മാ​ണം പ​രി​ശോ​ധി​ച്ച് ബി​ല്ലു ത​യാ​റാ​ക്ക​ൽ തു​ട​ങ്ങി ഒ​ട്ടേ​റെ ചു​മ​ത​ല​ക​ൾ എ​ൻ​ജി​നീ​യ​റി​ങ് വി​ഭാ​ഗ​ത്തി​ന് വ​രും. അ​വ​യെ​ല്ലാം മു​ട​ങ്ങി​ക്കി​ട​ക്കു​ക​യാ​ണ്.

ഒ​രു എ.​ഇ​യും ര​ണ്ട് ഓ​വ​ർ​സി​യ​റും ആ​ണ് ഓ​ഫി​സി​ൽ വേ​ണ്ട​ത്. സ​മീ​പ പ​ഞ്ചാ​യ​ത്തു​ക​ളി​ലെ ര​ണ്ട് ഓ​വ​ർ​സി​യ​ർ​മാ​ർ​ക്കാ​യി എ​ൻ​ജി​നീ​യ​റി​ങ് വി​ഭാ​ഗം ചു​മ​ത​ല ന​ൽ​കി​യി​ട്ടു​ണ്ട്. ആ​ഴ്ച​യി​ൽ ഒ​ന്നോ ര​ണ്ടോ ദി​വ​സ​ത്തെ ചു​മ​ത​ല​യാ​ണ് അ​വ​ർ​ വ​ഹി​ക്കു​ക​യെ​ന്ന് പ​ഞ്ചാ​യ​ത്ത് അ​ധി​കൃ​ത​ർ അ​റി​യി​ച്ചു.