ചങ്ങരംകുളം: അകന്നബന്ധുവും മകളും വീട്ടിലെത്തി മർദിച്ച് അവശനാക്കി കുടുംബിനിയുടെ സ്വർണമാല കവർന്നതായി പരാതി. മൂക്കുതല പിടാവനൂർ പട്ടയത്ത് രാധയുടെ മാലയാണ് കവർന്നത്. വ്യാഴാഴ്ച വൈകീട്ട് ആറരയോടെയാണ് സംഭവം. കുമ്പിടിയിെല അകന്ന ബന്ധുവും അവരുടെ 19 വയസ്സുള്ള മകളും കാറിൽ എത്തി സുഖവിവരങ്ങൾ ചോദിച്ച് രണ്ടരവർഷം മുമ്പ് നടന്ന കാര്യത്തെച്ചൊല്ലി ബഹളംവെക്കുകയും ചെയ്തായി പറയുന്നു.
ഇരുവരും ചേർന്ന് വാതിലടച്ച് രാധയെ മർദിക്കുകയും കഴുത്തിനുപിടിച്ച് ചുമരിൽ ചാരിനിർത്തി കട്ടിങ് െപ്ലയർ ഉപയോഗിച്ച് കഴുത്തിൽ കിടന്നിരുന്ന നാലു പവൻ സ്വർണമാല മുറിച്ച് എടുക്കുകയായിരുന്നു. ബഹളംകേട്ട് നാട്ടുകാർ എത്തിയപ്പോഴേക്കും ഇവർ കാറിൽ കയറി കടന്നുകളഞ്ഞതായി പരാതിയിൽ പറയുന്നു.
അവശയായ രാധയെ നാട്ടുകാർ ചങ്ങരംകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. ഭർത്താവും മകനും വിദേശത്തായതിനാൽ രാധ ഒറ്റക്കാണ് താമസം.പരാതിയുടെ അടിസ്ഥാനത്തിൽ ചങ്ങരംകുളം എസ്.ഐ വിജയകുമാരൻ വീട്ടിലെത്തി പരിശോധന നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.