കരുവാരകുണ്ട് ഗവ. ഹയർ സെക്കൻഡറി സ്കൂൾ വിദ്യാർഥികളോട് അഗർത്തല മുനിസിപ്പൽ
കോർപറേഷൻ അഡീഷനൽ കമീഷണർ പി. മുഹമ്മദ് സജാദ് സംസാരിക്കുന്നു
കരുവാരകുണ്ട്: സിവിൽ സർവിസ് അനുഭവങ്ങളിലൂടെ കൗമാരക്കാർക്ക് പുത്തൻസ്വപ്നങ്ങൾ പകർന്നുനൽകി പി. മുഹമ്മദ് സജാദ്. അഗർത്തല മുനിസിപ്പൽ കോർപറേഷൻ അഡീഷനൽ കമീഷണറും കരുവാരകുണ്ടിലെ ആദ്യ ഐ.എ.എസുകാരനുമായ മുഹമ്മദ് സജാദ് കരുവാരകുണ്ട് ഗവ. ഹയർ സെക്കൻഡറി സ്കൂൾ വിദ്യാർഥികളോട് സംവദിക്കുകയായിരുന്നു. ഉയരങ്ങൾ കീഴടക്കാൻ സ്വപ്നങ്ങളും കഠിന പരിശ്രമവുമാണ് വേണ്ടതെന്ന് കുട്ടികളുടെ ചോദ്യങ്ങൾക്ക് മറുപടിയായി അദ്ദേഹം പറഞ്ഞു. പി.ടി.എ പ്രസിഡന്റ് ടി.എം. രാജു അധ്യക്ഷത വഹിച്ചു. എസ്.എം.സി ചെയർമാൻ ഐ.ടി. അശ്റഫ്, ഡെപ്യൂട്ടി ഹെഡ്മിസ്ട്രസ് ടി.പി. ഫാത്തിമ സുഹ്റ, എം. അബ്ദുൽ മജീദ്, കെ. രാമദാസ്, റീം നിലോഫർ എന്നിവർ സംസാരിച്ചു. സജാദിന് താൻ വരച്ച കാരിക്കേച്ചർ പി. സൈനബ് റഹഫ് സമ്മാനിച്ചു. സിജി ട്രെയ്നർ കെ.കെ. മൊയ്തീൻകുട്ടി ഗൈഡൻസ് ക്ലാസ് നയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.