വേങ്ങര: വിൽപനക്ക് വീട്ടിൽ സൂക്ഷിച്ച 12 കിലോ കഞ്ചാവുമായി മധ്യവയസ്കൻ അറസ്റ്റിൽ. വേങ്ങര കണ്ണാട്ടിപ്പടി നൊട്ടപ്പുറം സ്വദേശി മണ്ണിൽ വീട്ടിൽ അനിലാണ് (50) പൊലീസിന്റെ പിടിയിലായത്.
വേങ്ങര പൊലീസും ജില്ല ആന്റി നാർകോട്ടിക് സ്പെഷൽ ടീമും ചേർന്ന് വേങ്ങര ഗാന്ധിക്കുന്ന് കോളനിയിലെ വീട്ടിൽനിന്നാണ് പ്രതിയെ പിടികൂടിയത്. ഇയാൾക്കെതിരെ കവർച്ച, വധശ്രമം തുടങ്ങിയ കേസുകൾ നിലവിലുണ്ട്. കോടതിയിൽ ഹാജരാക്കിയ പ്രതിയെ 14 ദിവസത്തേക്ക് റിമാൻഡ് ചെയ്തു.
വേങ്ങര പൊലീസ് ഇൻസ്പെക്ടർ മുഹമ്മദ് ഹനീഫ, എസ്.ഐ എം. ഗിരീഷ്, എ.എസ്.ഐ അശോകൻ, ജില്ല ആന്റി നാർകോട്ടിക് സ്ക്വാഡ് അംഗങ്ങളായ ദിനേഷ് ഇരുപ്പക്കണ്ടൻ, ആർ. ഷഹേഷ്, കെ. സിറാജുദ്ദീൻ, മോഹനദാസ്, സൽമാൻ, ഫൈസൽ, റൈഹാനത്ത് എന്നിവരടങ്ങിയ സംഘമാണ് പ്രതിയെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.