മഞ്ചേരി മെഡിക്കൽ കോളജ്​ ഡോക്ടർമാരെ മാറ്റിയ തീരുമാനം താൽക്കാലികമായി മരവിപ്പിച്ചു

മ​ഞ്ചേ​രി: ഗ​വ. മെ​ഡി​ക്ക​ൽ കോ​ള​ജി​ലെ ഡോ​ക്ട​ർ​മാ​രെ വ​ണ്ടൂ​ർ താ​ലൂ​ക്ക് ആ​ശു​പ​ത്രി​യി​ലേ​ക്ക് മാ​റ്റാ​നു​ള്ള ഉ​ത്ത​ര​വ് താ​ൽ​ക്കാ​ലി​ക​മാ​യി മ​ര​വി​പ്പി​ച്ചു. ഡോ​ക്ട​ർ​മാ​രു​ടെ പ്ര​തി​ഷേ​ധ​ത്തെ തു​ട​ർ​ന്നാ​ണി​ത്. ഹെ​ൽ​ത്ത് സ​ർ​വി​സ് വി​ഭാ​ഗ​ത്തി​ന് കീ​ഴി​ലു​ള്ള​വ​രെ മാ​ത്രം വ​ണ്ടൂ​രി​ലേ​ക്ക് മാ​റ്റാ​നു​ള്ള നീ​ക്ക​ത്തി​ൽ പ്ര​തി​ഷേ​ധി​ച്ച് കെ.​ജി.​എം.​ഒ.​എ മ​ഞ്ചേ​രി യൂ​നി​റ്റി​െൻറ നേ​തൃ​ത്വ​ത്തി​ൽ വെ​ള്ളി​യാ​ഴ്​​ച രാ​വി​ലെ പ​ത്തി​ന് ആ​ശു​പ​ത്രി സൂ​പ്ര​ണ്ടി​നെ ക​ണ്ട് പ്ര​തി​ഷേ​ധം അ​റി​യി​ച്ചി​രു​ന്നു. ജി​ല്ല ക​മ്മി​റ്റി​യു​ടെ നേ​തൃ​ത്വ​ത്തി​ൽ ക​ല​ക്ട​റെ സ​മീ​പി​ക്കു​ക​യും ചെ​യ്തു. ഇ​തോ​ടെ​യാ​ണ് സ്ഥ​ലം​മാ​റ്റ ഉ​ത്ത​ര​വ് താ​ൽ​ക്കാ​ലി​ക​മാ​യി മ​ര​വി​പ്പി​ച്ച​ത്.

മൂ​ന്ന് ഗൈ​ന​ക്കോ​ള​ജി​സ്​​റ്റു​ക​ളെ​യും അ​ന​സ്ത​ഷ്യോ​ള​ജി വി​ഭാ​ഗ​ത്തി​ലെ ര​ണ്ടു​പേ​രെ​യും ജ​ന​റ​ൽ മെ​ഡി​സി​ൻ, പീ​ഡി​യാ​ട്രി​ക്സ് എ​ന്നി​വ​യി​ലെ ഓ​രോ​രു​ത്ത​രെ​യു​മാ​ണ് വ​ണ്ടൂ​രി​ലേ​ക്ക് പു​ന​ർ​വി​ന്യ​സി​ച്ച​ത്. ര​ണ്ടാ​ഴ്ച​ത്തേ​ക്കാ​യി​രു​ന്നു നി​യ​മ​നം. എ​ന്നാ​ൽ, താ​ലൂ​ക്ക് ആ​ശു​പ​ത്രി​യി​ലേ​ക്ക് മാ​റ്റി​യ​വ​രി​ൽ ഭൂ​രി​ഭാ​ഗം പേ​രും ഹെ​ൽ​ത്ത് സ​ർ​വി​സി​ൽ നി​ന്നു​ള്ള​വ​രാ​ണെ​ന്നാ​യി​രു​ന്നു കെ.​ജി.​എം.​ഒ.​എ​യു​ടെ വാ​ദം. ഇ​ത് അം​ഗീ​ക​രി​ക്കാ​നാ​കി​ല്ലെ​ന്നാ​യി​രു​ന്നു ഇ​വ​രു​ടെ നി​ല​പാ​ട്. മെ​ഡി​ക്ക​ൽ കോ​ള​ജി​ലെ ഒ​രു യൂ​നി​റ്റ് മ​റ്റൊ​രി​ട​ത്ത് ആ​രം​ഭി​ക്കു​മ്പോ​ൾ അ​വ​രു​ടെ ഡോ​ക്ട​ർ​മാ​രെ കൂ​ടി ഉ​ൾ​പ്പെ​ടു​ത്ത​ണ​മെ​ന്നും ആ​വ​ശ്യ​പ്പെ​ട്ടു. എ​ല്ലാ​വ​രെ​യും ഉ​ൾ​പ്പെ​ടു​ത്തി ഡ്യൂ​ട്ടി പു​നഃ​ക്ര​മീ​ക​രി​ക്ക​ണ​മെ​ന്നും ഉ​ന്ന​യി​ച്ചു.

മ​ഞ്ചേ​രി മെ​ഡി​ക്ക​ൽ കോ​ള​ജ് പൂ​ർ​ണ​മാ​യി കോ​വി​ഡ് ചി​കി​ത്സ കേ​ന്ദ്ര​മാ​ക്കി​യ​തോ​ടെ​യാ​ണ് വ​ണ്ടൂ​ർ താ​ലൂ​ക്ക് ആ​ശു​പ​ത്രി​യി​ൽ കോ​വി​ഡ് ഇ​ത​ര പ്ര​സ​വ ചി​കി​ത്സ​ക്ക് സൗ​ക​ര്യം ഒ​രു​ക്കി​യ​ത്. ജി​ല്ല ക​ല​ക്ട​ർ മെ​ഡി​ക്ക​ൽ കോ​ള​ജി​ലെ ഡോ​ക്ട​ർ​മാ​രെ താ​ൽ​ക്കാ​ലി​ക​മാ​യി മാ​റ്റാ​നും നി​ർ​ദേ​ശി​ച്ചു. എ​ന്നാ​ൽ, മെ​ഡി​ക്ക​ൽ വി​ദ്യാ​ഭ്യാ​സ വ​കു​പ്പി​ന് കീ​ഴി​ലു​ള്ള​വ​രെ മാ​റ്റാ​തെ ഹെ​ൽ​ത്ത് സ​ർ​വി​സി​ലു​ള്ള കൂ​ടു​ത​ൽ പേ​രെ ഉ​ൾ​പ്പെ​ടു​ത്തി​യ​താ​ണ് പ്ര​തി​സ​ന്ധി​ക്ക് കാ​ര​ണം. മെ​ഡി​ക്ക​ൽ കോ​ള​ജി​ലെ ഡോ​ക്ട​ർ​മാ​രെ മാ​റ്റി​യാ​ൽ പ​രീ​ക്ഷ ന​ട​ത്തി​പ്പി​നെ അ​ട​ക്കം ബാ​ധി​ക്കു​മെ​ന്നാ​ണ് അ​ധ്യാ​പ​ക സം​ഘ​ട​ന​യു​ടെ നി​ല​പാ​ട്. ഏ​ഴ് പേ​രി​ൽ നാ​ലും ഹെ​ൽ​ത്ത് സ​ർ​വി​സി​ൽ നി​ന്നു​ള്ള​വ​രാ​ണ്. ര​ണ്ടു​പേ​ർ ഡെ​പ്യൂ​ട്ടേ​ഷ​നി​ൽ ഹെ​ൽ​ത്ത് സ​ർ​വി​സി​ൽ​നി​ന്ന്​ മാ​റി​യ​വ​രും ഒ​രാ​ൾ സീ​നി​യ​ർ റ​സി​ഡ​ൻ​റു​മാ​ണ്.

ശ​നി​യാ​ഴ്ച രാ​വി​ലെ 10ന്​ ​ക​ല​ക്ട​റു​ടെ അ​ധ്യ​ക്ഷ​ത​യി​ൽ ചേ​രു​ന്ന യോ​ഗ​ത്തി​ൽ അ​ന്തി​മ തീ​രു​മാ​നം ഉ​ണ്ടാ​കു​മെ​ന്നാ​ണ് വി​വ​രം.