നിലമ്പൂർ: പാലക്കാട് റെയിൽവേ ഡിവിഷനിൽ സ്റ്റേഷൻ ഓഫിസർമാരുടെ ഒഴിവിലേക്ക് ദക്ഷിണ റെയിൽവേ താൽക്കാലികമായി 20 പേരെ നിയമിച്ചതോടെ നിലമ്പൂർ- ഷൊർണൂർ റെയിൽപാതയിൽ പകൽ സർവിസിൽ ചിലത് പുനരാരംഭിക്കാൻ സാധ‍്യതയേറി. ട്രെയിൻ ടൈം ഗ്രൂപ് അഡ്മിൻ സലീം ചുങ്കത്ത്, പി.പി. സൈനുൽ ആബിദ് എന്നിവർ ചൊവ്വാഴ്ച പാലക്കാട് റെയിൽവേ ഡിവിഷനൽ മാനേജർ തൃലോക് കോത്തരിക്ക് നിവേദനം നൽകാനെത്തിയപ്പോൾ പാസഞ്ചർ സർവിസ് പുനരാരംഭിക്കുമെന്ന് അദ്ദേഹം ഉറപ്പുനൽകി.
ഏഴ് ട്രെയിനുകളുടെ 14 സർവിസാണ് പാതയിലുണ്ടായിരുന്നത്. കോവിഡ് മൂലം സർവിസ് നിർത്തിവെച്ച ശേഷം പകൽ ട്രെയിനുകളൊന്നും പാതയിൽ പുനഃസ്ഥാപിച്ചിട്ടില്ല.
നിർത്തിവെച്ച പകൽ ട്രെയിനുകൾ ഉൾപ്പെടെ സർവിസ് നടത്തണമെന്നാവശ‍്യപ്പെട്ട് നിലമ്പൂർ സ്റ്റേഷനിൽ നിലമ്പൂർ- മൈസൂർ റെയിൽവേ ആക്ഷൻ കൗൺസിലി‍െൻറ നേതൃത്വത്തിലുള്ള റിലേ സമരം അഞ്ചാം ദിവസത്തിലേക്ക് കടന്നു
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.