പെ​രി​ന്ത​ൽ​മ​ണ്ണ​യി​ൽ ബ​സ് ഗ​താ​ഗ​തം മെ​ച്ച​പ്പെ​ടു​ത്താ​ൻ; ഉ​ദ്യോ​ഗ​സ്‌​ഥ, ജ​ന​പ്ര​തി​നി​ധി യോ​ഗം

പെ​രി​ന്ത​ൽ​മ​ണ്ണ: മെ​ച്ച​പ്പെ​ട്ട റോ​ഡും യാ​ത്ര ചെ​യ്യാ​ൻ ആ​ളു​ക​ളു​മു​ണ്ടെ​ങ്കി​ൽ പു​തി​യ ബ​സ് റൂ​ട്ടി​ന് ഇ​പ്പോ​ൾ നി​ർ​ദേ​ശി​ക്കാം. പെ​രി​ന്ത​ൽ​മ​ണ്ണ താ​ലൂ​ക്കി​ൽ ഉ​ൾ​പ്ര​ദേ​ശ​ങ്ങ​ളി​ലേ​ക്ക് യാ​ത്രാ​സൗ​ക​ര്യം ഒ​രു​ക്കാ​നാ​യി സ​ർ​ക്കാ​ർ നി​ർ​ദേ​ശ ഭാ​ഗ​മാ​യാ​ണ് ജ​ന​പ്ര​തി​നി​ധി​ക​ളു​ടെ​യും മോ​ട്ടോ​ർ​വാ​ഹ​ന, പൊ​ലീ​സ് ഉ​ദ്യോ​ഗ​സ്ഥ​രു​ടെ​യും യോ​ഗം.

23ന് ​ഉ​ച്ച​ക്ക് ര​ണ്ടി​ന് ന​ഗ​ര​സ​ഭ കോ​ൺ​ഫ​റ​ൻ​സ് ഹാ​ളി​ലാ​ണ് യോ​ഗം. താ​ലൂ​ക്കി​ലെ ര​ണ്ട് എം.​എ​ൽ.​എ​മാ​രും ത​ദ്ദേ​ശ സ്ഥാ​പ​ന അ​ധ്യ​ക്ഷ​രും പൊ​തു​മ​രാ​മ​ത്ത്, പൊ​ലീ​സ്, ത​ദ്ദേ​ശ വ​കു​പ്പ്, ഉ​ദ്യോ​ഗ​സ്ഥ​രും റ​സി​ഡ​ന്റ് അ​സോ​സി​യേ​ഷ​ൻ ഭാ​ര​വാ​ഹി​ക​ളും പൊ​തു​പ്ര​വ​ർ​ത്ത​ക​രും സ്വ​കാ​ര്യ ബ​സ് ഓ​പ​റേ​റ്റേ​ഴ്സ് അ​സോ​സി​യേ​ഷ​ൻ ഭാ​ഗ​വാ​ഹി​ക​ളും പ​ങ്കെ​ടു​ക്കും. 17 വ​രെ പൊ​തു​ജ​ന​ങ്ങ​ൾ​ക്ക് നി​ർ​ദേ​ശ​ങ്ങ​ളും ആ​വ​ശ്യ​ങ്ങ​ളും സ​മ​ർ​പ്പി​ക്കാം.മോ​ട്ടോ​ർ​വാ​ഹ​ന വ​കു​പ്പി​ന്റെ രേ​ഖ​യി​ൽ ബ​സ് റൂ​ട്ടു​ണ്ടെ​ങ്കി​ലും നി​ല​വി​ൽ സ​ർ​വി​സ് ന​ട​ത്താ​ത്ത നി​ര​വ​ധി പ​രാ​തി​ക​ളു​ണ്ട്.

അ​ക്കാ​ര്യ​ങ്ങ​ളും ചൂ​ണ്ടി​ക്കാ​ട്ടാം. നി​ര​ത്തി​ൽ യാ​ത്രാ​ബ​സു​ക​ൾ വ​ർ​ധി​പ്പി​ക്കു​ക​യും ഇ​രു​ച​ക്ര വാ​ഹ​ന​ങ്ങ​ളും കാ​റു​ക​ളും കു​റ​ക്കു​ക​യും ചെ​യ്യാ​ൻ കൂ​ടി​യാ​ണി​ത്.

പെ​രി​ന്ത​ൽ​മ​ണ്ണ സ​ബ് ആ​ർ.​ടി.​ഒ​ക്കാ​ണ് ആ​വ​ശ്യ​ങ്ങ​ളും നി​ർ​ദ്ദേ​ശ​ങ്ങ​ളും സ​മ​ർ​പ്പി​ക്കേ​ണ്ട​ത്. പെ​രി​ന്ത​ൽ​മ​ണ്ണ താ​ലൂ​ക്കി​ലെ ഉ​ൾ​പ്ര​ദേ​ശ​ങ്ങ​ൾ വ​ഴി നേ​ര​ത്തെ സ​ർ​വി​സ് ന​ട​ത്തി​യി​രു​ന്ന റൂ​ട്ടു​ക​ളും അ​വ​യു​ടെ നി​ല​വി​ലെ സ്ഥി​തി​യും ചൂ​ണ്ടി​ക്കാ​ട്ടാം. പു​തി​യ പെ​ർ​മി​റ്റ് അ​നു​വ​ദി​ക്കേ​ണ്ട​തു​ണ്ടെ​ങ്കി​ൽ അ​ക്കാ​ര്യം സ​ർ​ക്കാ​റി​ലേ​ക്ക് അ​റി​യി​ച്ച് ന​ട​പ​ടി​യു​ണ്ടാ​ക്കാ​നാ​ണി​ത്.

മു​ഖ്യ ആ​വ​ശ്യം വ​ളാ​ഞ്ചേ​രി കെ.​എ​സ്.​ആ​ർ.​ടി.​സി സ​ർ​വി​സ് പു​നഃ​സ്ഥാ​പി​ക്ക​ൽ

പെ​രി​ന്ത​ൽ​മ​ണ്ണ: ഗ​താ​ഗ​ത സം​വി​ധാ​ന​വു​മാ​യി ബ​ന്ധ​പ്പെ​ട്ട പ്ര​ധാ​ന​പ്പെ​ട്ട ര​ണ്ട് പ​രാ​തി​ക​ളി​ൽ ഒ​ന്ന് കോ​വി​ഡി​ന് മു​മ്പ് നി​ല​വി​ലു​ണ്ടാ​യി​രു​ന്ന പെ​രി​ന്ത​ൽ​മ​ണ്ണ-​വ​ളാ​ഞ്ചേ​രി റൂ​ട്ടി​ലെ കെ.​എ​സ്.​ആ​ർ.​ടി.​സി ബ​സു​ക​ൾ നി​ർ​ത്തി​യ​താ​ണ്.

ആ​വ​ശ്യ​ത്തി​ന് ബ​സു​ക​ളും യാ​ത്ര ചെ​യ്യാ​ൻ യാ​ത്ര​ക്കാ​രു​ണ്ടാ​യി​രി​ക്കെ അ​വ പു​നഃ​സ്ഥ​പി​ക്കാ​ൻ താ​ലൂ​ക്കി​ലെ ര​ണ്ട് എം.​എ​ൽ.​എ​മാ​ർ​ക്കും വി​വി​ധ സം​ഘ​ട​ന​ക​ൾ നി​ര​വ​ധി പ​രാ​തി ന​ൽ​കി​യ​താ​ണ്. വേ​ണ്ട പോ​ലെ ഇ​വ​ർ ഇ​ട​പെ​ട്ടി​ല്ല. പെ​രി​ന്ത​ൽ​മ​ണ്ണ​യി​ൽ വ​ന്നു​പോ​കു​ന്ന ബ​സ് സ​ർ​വി​സു​ക​ളി​ൽ വ​ലി​യ തി​ര​ക്കു​ള്ള​തും രാ​ത്രി​യാ​യാ​ൽ ഇ​ല്ലാ​ത്ത​തു​മാ​ണ് വ​ളാ​ഞ്ചേ​രി റൂ​ട്ടി​ലെ സ​ർ​വി​സ്.

മ​റ്റൊ​ന്ന് കോ​ഴി​ക്കോ​ട്-​പാ​ല​ക്കാ​ട് റൂ​ട്ടി​ൽ സ​ർ​വി​സ് ന​ട​ത്തു​ന്ന സ്വ​കാ​ര്യ ബ​സു​ക​ൾ പ്ര​ധാ​ന ന​ഗ​ര​മാ​യ പെ​രി​ന്ത​ൽ​മ​ണ്ണ​യി​ൽ ഒ​രു സ്റ്റാ​ൻ​ഡി​ലും ക​യ​റു​ന്നി​ല്ല. മൂ​ന്നു സ്റ്റാ​ൻ​ഡു​ക​ളു​ണ്ടാ​യി​ട്ടും റോ​ഡ് വ​ക്കി​ൽ നി​ന്നാ​ണ് സ്ത്രീ​ക​ളും കു​ട്ടി​ക​ളു​മ​ട​ക്കം ബ​സി​ൽ ക​യ​റു​ന്ന​ത്.

ബ​സ് ഗ​താ​ഗ​ത​ത്തി​ന് വേ​ണ്ട റോ​ഡ് സൗ​ക​ര്യം മെ​ച്ച​പ്പെ​ടു​ത്താ​ത്ത​താ​ണ് മ​രാ​മ​ത്ത് വി​ഭാ​ഗ​ത്തെ കു​റി​ച്ചു​ള്ള പ​രാ​തി. റോ​ഡി​ൽ കു​ഴി​യ​ട​ക്കാ​ൻ വേ​ണ്ടി ദേ​ശീ​യ​പാ​ത ഓ​ഫി​സ് ഉ​പ​രോ​ധി​ച്ച​ത് തി​ങ്ക​ളാ​ഴ്ച​യാ​ണ്.