പൊ​ന്നാ​നി ക​ട​ലോ​ര​ത്ത് തു​റ​മു​ഖ മ്യൂ​സി​യം നി​ർ​മി​ക്കാ​ൻ ആ​ലോ​ച​ന

പൊ​ന്നാ​നി: പ​ത്തേ​മാ​രി​ക​ളു​ടെ ഇ​ര​മ്പ​വും ക​ട​ൽ പാ​ട്ടു​ക​ളു​ടെ ഈ​ണ​വും നി​ര​വ​ധി ച​രി​ത്ര സം​ഭ​വ​ങ്ങ​ൾ​ക്ക് സാ​ക്ഷി​യു​മാ​യ പൊ​ന്നാ​നി​യു​ടെ ഗ​ത​കാ​ല ച​രി​ത്ര​ത്തെ പു​തു​ത​ല​മു​റ​ക്ക് പ​രി​ച​യ​പ്പെ​ടു​ത്താ​നാ​യി പൊ​ന്നാ​നി ക​ട​ലോ​ര​ത്ത് തു​റ​മു​ഖ മ്യൂ​സി​യം നി​ർ​മി​ക്കാ​ൻ ആ​ലോ​ച​ന. ഇ​തു​മാ​യി ബ​ന്ധ​പ്പെ​ട്ട് തു​റ​മു​ഖ മ​ന്ത്രി അ​ഹ​മ്മ​ദ് ദേ​വ​ർ​കോ​വി​ൽ പൊ​ന്നാ​നി​യി​ലെ​ത്തി ക​ട​ലോ​ര​ത്തെ ച​രി​ത്ര​സ്മാ​ര​ക​ങ്ങ​ളു​ൾ​പ്പെ​ടെ സ​ന്ദ​ർ​ശി​ച്ചു. നൂ​റ്റാ​ണ്ടു​ക​ൾ പ​ഴ​ക്ക​മു​ള്ള പൊ​ന്നാ​നി​യു​ടെ തീ​ര​ദേ​ശ ജീ​വി​ത​ത്തിെൻറ അ​ട​യാ​ള​ങ്ങ​ൾ പു​ന​രാ​വി​ഷ്ക​രി​ക്കു​ക​യെ​ന്ന ല​ക്ഷ്യ​ത്തോ​ടെ​യാ​ണ് തു​റ​മു​ഖ മ്യൂ​സി​യം നി​ർ​മി​ന്ന​ത്. പു​രാ​ത​ന കാ​ലം മു​ത​ൽ വി​ദേ​ശ രാ​ജ്യ​ങ്ങ​ളു​മാ​യി ക​ച്ച​വ​ട ബ​ന്ധ​മു​ണ്ടാ​യി​രു​ന്ന പൊ​ന്നാ​നി​യു​ടെ രേ​ഖ​ക​ളും പ​ത്തേ​മാ​രി ജീ​വി​ത​ങ്ങ​ളു​ടെ പ​ക​ർ​പ്പു​ക​ളും പ്ര​ദ​ർ​ശി​പ്പി​ക്കു​ന്ന ത​ര​ത്തി​ലാ​യി​രി​ക്കും മ്യൂ​സി​യം വി​ഭാ​വ​നം ചെ​യ്യു​ക. കൂ​ടാ​തെ പൊ​ന്നാ​നി​യു​മാ​യി ബ​ന്ധ​പ്പെ​ട്ട സ്വാ​ത​ന്ത്ര്യ​സ​മ​ര പോ​രാ​ട്ട​ങ്ങ​ൾ പൊ​ന്നാ​നി​യു​ടെ പ​ഴ​യ​കാ​ല ജീ​വി​ത​ത്തിെൻറ നേ​ർ​ചി​ത്ര​ങ്ങ​ൾ എ​ന്നി​വ​യും കോ​ർ​ത്തി​ണ​ക്കി​യാ​ണ് മ്യൂ​സി​യം നി​ർ​മി​ക്കു​ക.

എ​ട്ടു​കെ​ട്ട്, നാ​ലു​കെ​ട്ട് മാ​തൃ​ക​യി​ലു​ള്ള പൊ​ന്നാ​നി​യി​ലെ ത​റ​വാ​ട് വീ​ടു​ക​ളു​ടെ സം​ര​ക്ഷ​ണ​വും ഇ​തിെൻറ ഭാ​ഗ​മാ​യി ന​ട​ത്താ​നാ​ണ് ആ​ലോ​ച​ന​യെ​ന്ന് മ​ന്ത്രി അ​ഹ​മ്മ​ദ് ദേ​വ​ർ​കോ​വി​ൽ പ​റ​ഞ്ഞു. ഒ​രു നൂ​റ്റാ​ണ്ടി​ലേ​റെ പ​ഴ​ക്ക​മു​ള്ള പൊ​ന്നാ​നി കോ​ട​തി കെ​ട്ടി​ട​ത്തെ മ്യൂ​സി​യ​മാ​ക്കാ​നാ​ണ് ആ​ലോ​ച​ന​യു​ള്ള​ത്. നി​ല​വി​ൽ വി​വി​ധ ഓ​ഫി​സ് കെ​ട്ടി​ട​ങ്ങ​ൾ പ്ര​വ​ർ​ത്തി​ക്കു​ന്ന കോ​ട​തി സ​മു​ച്ച​യം ത​ക​ർ​ച്ച ഭീ​ഷ​ണി നേ​രി​ടു​ക​യാ​ണ്.

കെ​ട്ടി​ട​ത്തെ പ​ഴ​യ മാ​തൃ​ക​യി​ൽ ത​ന്നെ നി​ല​നി​ർ​ത്തി സം​ര​ക്ഷി​ക്കാ​നു​ള്ള പ​ദ്ധ​തി സ​ർ​ക്കാ​റി​ന് സ​മ​ർ​പ്പി​ച്ച് ര​ണ്ടു​വ​ർ​ഷം പി​ന്നി​ട്ടി​ട്ടും തീ​രു​മാ​ന​മാ​യി​ട്ടി​ല്ല. ഇ​ക്കാ​ര്യ​ത്തി​ൽ വേ​ഗ​ത്തി​ൽ ന​ട​പ​ടി​യു​ണ്ടാ​വു​ക​യും തു​ട​ർ​ന്ന് കോ​ട​തി കെ​ട്ടി​ട സ​മു​ച്ച​യം തു​റ​മു​ഖ മ്യൂ​സി​യ​മാ​ക്കി മാ​റ്റാ​നു​മാ​ണ് ആ​ലോ​ച​ന​യു​ള്ള​ത്.