പൊ​ന്നാ​നി മാ​തൃ​-ശി​ശു ആ​ശു​പ​ത്രി ബ്ല​ഡ് ബാ​ങ്ക്: ലൈ​സ​ൻ​സ് ല​ഭി​ച്ചി​ല്ല; ഉ​ദ്ഘാ​ട​നം വൈ​കു​ന്നു

പൊ​ന്നാ​നി: ആ​തു​ര​സേ​വ​ന രം​ഗ​ത്ത് പൊ​ന്നാ​നി​യു​ടെ നീ​ണ്ട​കാ​ല​ത്തെ കാ​ത്തി​രി​പ്പി​നൊ​ടു​വി​ൽ പൊ​ന്നാ​നി​യി​ൽ യാ​ഥാ​ർ​ഥ്യ​മാ​യ ബ്ല​ഡ് ബാ​ങ്കി​ന്റെ ഉ​ദ്ഘാ​ട​നം അ​ന​ന്ത​മാ​യി നീ​ളു​ന്നു. മാ​സ​ങ്ങ​ൾ​ക്ക് മു​മ്പ് നി​ർ​മാ​ണം പൂ​ർ​ത്തി​യാ​യെ​ങ്കി​ലും ലൈ​സ​ൻ​സ് ല​ഭി​ക്കാ​ത്ത​തി​നാ​ൽ ഉ​ദ്ഘാ​ട​നം ചെ​യ്യാ​ൻ ക​ഴി​യാ​ത്ത സ്ഥി​തി​യാ​ണ്. സം​സ്ഥാ​ന, കേ​ന്ദ്ര സ​ർ​ക്കാ​റു​ക​ളു​ടെ ലൈ​സ​ൻ​സ് ഇ​നി​യും ല​ഭി​ച്ചി​ട്ടി​ല്ല. ലൈ​സ​ൻ​സി​നാ​യു​ള്ള കേ​ന്ദ്ര പ​രി​ശോ​ധ​ന പൂ​ർ​ത്തി​യാ​യി മാ​സ​ങ്ങ​ൾ പി​ന്നി​ട്ടു. ഇ​നി സം​സ്ഥാ​ന ആ​രോ​ഗ്യ വ​കു​പ്പി​ന് കീ​ഴി​ലെ പ​രി​ശോ​ധ​ന പൂ​ർ​ത്തീ​ക​രി​ക്കാ​നു​ണ്ട്. പൊ​ന്നാ​നി സ്ത്രീ​ക​ളു​ടെ​യും കു​ട്ടി​ക​ളു​ടെ​യും ആ​ശു​പ​ത്രി കോ​മ്പൗ​ണ്ടി​ലാ​ണ് കെ​ട്ടി​ടം നി​ർ​മി​ച്ച​ത്.

ജി​ല്ല​യി​ൽ നി​ല​വി​ൽ മ​ഞ്ചേ​രി, പെ​രി​ന്ത​ൽ​മ​ണ്ണ, നി​ല​മ്പൂ​ർ എ​ന്നി​വി​ട​ങ്ങ​ളി​ൽ മാ​ത്ര​മാ​ണ് ബ്ല​ഡ് ബാ​ങ്ക് സൗ​ക​ര്യ​മു​ള്ള​ത്. പൊ​ന്നാ​നി​യി​ൽ ബ്ല​ഡ്ബാ​ങ്ക് വ​രു​ന്ന​തോ​ടു​കൂ​ടി ജി​ല്ല​യി​ലെ തീ​ര​മേ​ഖ​ല​ക്കും തൃ​ശൂ​ർ, പാ​ല​ക്കാ​ട് ജി​ല്ല​ക​ളി​ലു​ള്ള​വ​ർ​ക്കും ഏ​റെ ഗു​ണ​ക​ര​മാ​കും. പൊ​ന്നാ​നി താ​ലൂ​ക്കി​ൽ ഏ​റ്റ​വും കൂ​ടു​ത​ൽ പ്ര​സ​വം ന​ട​ക്കു​ന്ന പൊ​ന്നാ​നി മാ​തൃ-​ശി​ശു ആ​ശു​പ​ത്രി​യി​ൽ ബ്ല​ഡ് ബാ​ങ്ക് നി​ർ​മി​ക്ക​ണ​മെ​ന്ന ഏ​റെ​നാ​ളാ​യു​ള്ള ആ​വ​ശ്യ​ത്തി​നൊ​ടു​വി​ലാ​ണ് നി​ർ​മാ​ണം പൂ​ർ​ത്തി​യാ​യ​ത്. നാ​ഷ​ന​ൽ ഹെ​ൽ​ത്ത് മി​ഷ​ന്റെ 1.22 കോ​ടി രൂ​പ ചെ​ല​വി​ലാ​ണ് ഒ​രു​നി​ല കെ​ട്ടി​ടം യാ​ഥാ​ർ​ഥ്യ​മാ​യ​ത്.

ഡോ​ക്ടേ​ഴ്സ് റൂം, ​ക​മ്പോ​ണ​ന്റ് സ്റ്റോ​ർ, ക​മ്പോ​ണ​ന്റ് പ്രോ​സ​സി​ങ് റൂം, ​ഗ്രൂ​പ്പി​ങ് ആ​ൻ​ഡ് ക്രോ​സ് മാ​ച്ചി​ങ് റൂം ​ഉ​ൾ​പ്പെ​ടെ ആ​ധു​നി​ക സം​വി​ധാ​ന​ങ്ങ​ളോ​ടെ​യാ​ണ് ബ്ല​ഡ് ബാ​ങ്ക് നി​ർ​മി​ച്ച​ത്. നി​ല​വി​ൽ പൊ​ന്നാ​നി​യി​ൽ ബ്ല​ഡ് ബാ​ങ്കി​ല്ലാ​ത്ത​ത് രോ​ഗി​ക​ൾ​ക്ക് വ​ള​രെ പ്ര​യാ​സം സൃ​ഷ്ടി​ക്കു​ന്നു​ണ്ട്. തി​രൂ​ർ ജി​ല്ല ആ​ശു​പ​ത്രി​യി​ൽ നി​ന്നോ, എ​ട​പ്പാ​ളി​ലെ സ്വ​കാ​ര്യ ആ​ശു​പ​ത്രി​യി​ൽ നി​ന്നോ ര​ക്തം കൊ​ണ്ടു​വ​രേ​ണ്ട സ്ഥി​തി​യാ​ണ്.