പൊന്നാനി ഹാപ്പിനസ് സെൻററിന്‍റെ തണലിൽ വീടണയുന്നു; ആന്ധ്രപ്രദേശിലെ പൊലീസുകാരനും

പൊ​ന്നാ​നി: പൊ​ന്നാ​നി​യി​ലെ ഹാ​പ്പി​ന​സ് സെ​ന്റ​റി​ന്‍റെ ത​ണ​ലി​ൽ ആ​ന്ധ്ര​പ്ര​ദേ​ശി​ലെ പൊ​ലീ​സു​കാ​ര​നും വീ​ട​ണ​യു​ന്നു. ആ​ന്ധ്ര​പ്ര​ദേ​ശി​ലെ നെ​ല്ലൂ​ർ സ്വ​ദേ​ശി​യാ​യ ശി​വ​കു​മാ​റാ​ണ് കാ​ല​ങ്ങ​ൾ​ക്കു ശേ​ഷം ബ​ന്ധു​ക്ക​ൾ​ക്ക​രി​കി​ലേ​ക്ക് മ​ട​ങ്ങു​ന്ന​ത്. വ​ർ​ഷ​ങ്ങ​ളാ​യി തെ​രു​വി​ലെ അ​നാ​ഥ​ത്വ​ത്തി​നൊ​പ്പം അ​ല​ഞ്ഞ ശി​വ​കു​മാ​ർ ക​ഴി​ഞ്ഞ ജൂ​ലൈ​യി​ലാ​ണ് സെ​ന്റ​റി​ലെ​ത്തി​യ​ത്.

പൊ​ന്നാ​നി ച​ന്ത​പ്പ​ടി​യി​ൽ അ​ല​ഞ്ഞു​ന​ട​ക്കു​ക​യാ​യി​രു​ന്ന ശി​വ​കു​മാ​റി​നെ ഹാ​പ്പി​ന​സ് സെ​ന്റ​റി​ലേ​യും ശാ​ന്തി പെ​യി​ൻ ആ​ൻ​ഡ് പാ​ലി​യേ​റ്റി​വ് ക്ലി​നി​ക്കി​ലേ​യും വ​ള​ന്റി​യ​ർ​മാ​ർ ചേ​ർ​ന്ന് തൃ​ക്കാ​വി​ലെ സെ​ന്റ​റി​ലേ​ക്കെ​ത്തി​ക്കു​ക​യാ​യി​രു​ന്നു. വൃ​ത്തി​ഹീ​ന​മാ​യ അ​വ​സ്ഥ​യി​ലാ​യി​രു​ന്നു ഇ​യാ​ൾ. അ​ൽ​ഷൈ​മേ​ഴ്സി​നൊ​പ്പം മാ​ന​സി​ക വി​ഭ്രാ​ന്തി കൂ​ടി​യു​ണ്ടാ​യി​രു​ന്നു ഇ​യാ​ൾ​ക്ക്. കൃ​ത്യ​മാ​യ ചി​കി​ത്സ​യും പ​രി​ച​ര​ണ​വും ന​ൽ​കി. തെ​ലു​ങ്ക് ഭാ​ഷ​യാ​ണ് സം​സാ​രി​ക്കു​ന്ന​തെ​ന്ന് മ​ന​സ്സി​ലാ​ക്കി​യ പ്ര​വ​ർ​ത്ത​ക​ർ തെ​ലു​ങ്ക് അ​റി​യാ​വു​ന്ന​വ​രെ കൊ​ണ്ടു​വ​ന്ന് വി​വ​ര​ങ്ങ​ൾ ആ​രാ​ഞ്ഞു.

ശി​വ​കു​മാ​ർ നെ​ല്ലൂ​രി​ൽ പൊ​ലീ​സ് ഓ​ഫി​സ​റാ​യി​രു​ന്നു​വെ​ന്ന് സം​സാ​ര​ത്തി​നൊ​ടു​വി​ൽ തി​രി​ച്ച​റി​ഞ്ഞു. ഇ​തേ​തു​ട​ർ​ന്ന് ഹാ​പ്പി​ന​സ് സെ​ന്റ​ർ ന​ട​ത്തി​പ്പ് പ​ങ്കാ​ളി​ക​ളാ​യ ദി ​ബാ​നി​യ​ന്‍റെ സ​ഹ​ക​ര​ണ​ത്തോ​ടെ നെ​ല്ലൂ​രി​ൽ ശി​വ​കു​മാ​റി​നെ​ക്കു​റി​ച്ച് വി​ശ​ദ​മാ​യി അ​ന്വേ​ഷി​ച്ചു. ശി​വ​കു​മാ​റി​നെ ഈ ​മാ​സം 28ന് ​നെ​ല്ലൂ​ർ എ​സ്.​പി ഓ​ഫി​സി​ലെ​ത്തി​ക്കും. ഇ​വി​ടെ​നി​ന്ന് കു​ടും​ബ​ത്തി​ന് കൈ​മാ​റും. പൊ​ന്നാ​നി ന​ഗ​ര​സ​ഭ​യു​ടെ കീ​ഴി​ൽ ദി ​ബാ​നി​യ​ന്‍റെ​യും ശാ​ന്തി പെ​യി​ൻ ആ​ൻ​ഡ് പാ​ലി​യേ​റ്റി​വ് ക്ലി​നി​ക്കി​ന്‍റെ​യും സ​ഹ​ക​ര​ണ​ത്തോ​ടെ ആ​റു​മാ​സം മു​മ്പ് ആ​രം​ഭി​ച്ച ഹാ​പ്പി​ന​സ് സെ​ന്റ​റി​ന്‍റെ പ​രി​ച​ര​ണ​ത്തി​ൽ നാ​ലാ​മ​ത്തെ​യാ​ളാ​ണ് തെ​രു​വി​ൽ​നി​ന്ന് വീ​ടി​ന്‍റെ സ​ന്തോ​ഷ​ത്തി​ലേ​ക്കെ​ത്തു​ന്ന​ത്.