പൊ​ന്നാ​നി ച​മ്ര​വ​ട്ടം ജ​ങ്ഷ​നി​ലെ ഭീ​മ​ൻ കു​ഴി​ക​ൾ താ​ൽകാ​ലി​ക​മാ​യി അ​ട​ച്ചു

പൊ​ന്നാ​നി: മ​നു​ഷ്യ​ജീ​വ​ന് ഭീ​ഷ​ണി ഉ​യ​ർ​ത്തു​ന്ന ത​ര​ത്തി​ൽ പൊ​ന്നാ​നി ച​മ്ര​വ​ട്ടം ജ​ങ്ഷ​നി​ൽ രൂ​പം കൊ​ണ്ട ഭീ​മ​ൻ കു​ഴി​ക​ൾ താ​ത്കാ​ലി​ക​മാ​യി അ​ട​ച്ചു. ജ​ങ്ഷ​നി​ലെ റോ​ഡ് ത​ക​ർ​ച്ച​യെ​ക്കു​റി​ച്ച് ‘മാ​ധ്യ​മം’​വാ​ർ​ത്ത പ്ര​സി​ദ്ധീ​ക​രി​ച്ചി​രു​ന്നു.

ഇ​തേ​ത്തു​ട​ർ​ന്നാ​ണ് അ​ടി​യ​ന്തി​ര ന​ട​പ​ടി. ദേ​ശീ​യ​പാ​ത അ​ധി​കൃ​ത​ർ വി​ഷ​യം ഗൗ​നി​ക്കാ​തി​രു​ന്ന​തോ​ടെ പൊ​ന്നാ​നി ന​ഗ​ര​സ​ഭ ചെ​യ​ർ​മാ​ൻ ശി​വ​ദാ​സ് ആ​റ്റു​പു​റം ഇ​ട​പെ​ട്ട് അ​മൃ​ത് പ​ദ്ധ​തി​യു​ടെ ഭാ​ഗ​മാ​യി റോ​ഡി​ൽ നി​ന്നും എ​ടു​ത്ത മ​ണ്ണി​ട്ടാ​ണ് താ​ൽ​ക്കാ​ലി​ക​മാ​യി കു​ഴി​ക​ള​ട​ച്ച​ത്.

മ​ണ്ണി​ട്ട​തോ​ടെ താ​ത്കാ​ലി​ക ആ​ശ്വാ​സ​മാ​യെ​ങ്കി​ലും മ​ഴ പെ​യ്താ​ൽ ഇ​തും ത​ക​രു​ന്ന സ്ഥി​തി​യാ​ണ്. അ​തേ​സ​മ​യം, പാ​ത​യി​ലെ മ​റ്റു കു​ഴി​ക​ൾ ഇ​തു​വ​രെ പു​ന​ർ​നി​ർ​മി​ക്കാ​നാ​യി​ട്ടി​ല്ല. ന​രി​പ്പ​റ​മ്പ് മു​ത​ൽ തേ​വ​ർ ക്ഷേ​ത്രം വ​രെ മ​നോ​ഹ​ര​മാ​യി ടാ​ർ ചെ​യ്തെ​ങ്കി​ലും ക​ട്ട വി​രി​ച്ച ഭാ​ഗ​ത്തെ റോ​ഡാ​ണ് പൊ​ട്ടി​പ്പൊ​ളി​ഞ്ഞ് വാ​ഹ​ന​ങ്ങ​ൾ​ക്ക് ക​ട​ന്ന് പോ​കാ​നാ​വാ​ത്ത വി​ധ​മാ​യ​ത്. ച​മ്ര​വ​ട്ടം ജ​ങ്ഷ​നി​ലും റോ​ഡി​ന്‍റെ സ്ഥി​തി ഏ​റെ പ​രി​താ​പ​ക​ര​മാ​ണ്. കു​ഴി ഒ​ഴി​വാ​ക്കി റോ​ഡ​രി​കി​ലൂ​ടെ വ​ലി​യ വാ​ഹ​ന​ങ്ങ​ൾ ക​ട​ന്ന് പോ​കു​മ്പോ​ൾ ഏ​റെ നേ​രം ഗ​താ​ഗ​ത സ്തം​ഭ​ന​വും പ​തി​വാ​ണ്.

ഇ​രു​ച​ക്ര വാ​ഹ​ന​ങ്ങ​ളും ചെ​റി​യ വാ​ഹ​ന​ങ്ങ​ളും കു​ഴി​യി​ൽ വീ​ണ് തെ​ന്നി മ​റി​യു​ന്ന​തും നി​ത്യ​കാ​ഴ്ച​യാ​യി മാ​റി. മ​ഴ പെ​യ്ത​തോ​ടെ വെ​ള്ളം കെ​ട്ടി നി​ൽ​ക്കു​ന്ന​തി​നാ​ൽ കു​ഴി​ക​ൾ കാ​ണാ​ത്ത​തും അ​പ​ക​ട​ങ്ങ​ൾ​ക്ക് വ​ഴി വെ​ക്കു​ന്നു​ണ്ട്.