ര​ണ്ട് സെ​ന്റ് ഭൂ​മി ത​രം​മാ​റ്റാ​ൻ വ​ർ​ഷ​ങ്ങ​ളു​ടെ കാ​ത്തി​രി​പ്പ്

പൊ​ന്നാ​നി: സ​ർ​ക്കാ​റി​ൽ​നി​ന്ന് സൗ​ജ​ന്യ​മാ​യി ല​ഭി​ച്ച ഭൂ​മി​യി​ൽ വീ​ട് നി​ർ​മാ​ണ​ത്തി​ന് അ​പേ​ക്ഷി​ച്ച പ​ട്ടി​ക​ജാ​തി കു​ടും​ബം ഭൂ​മി ത​രം​മാ​റ്റാ​നാ​കാ​തെ ഓ​ഫി​സു​ക​ൾ ക​യ​റി​യി​റ​ങ്ങു​ന്നു. നി​ർ​ധ​ന​രും നി​ത്യ​രോ​ഗി​ക​ളു​മാ​യ പൊ​ന്നാ​നി നൈ​ത​ല്ലൂ​ർ സ്വ​ദേ​ശി​ക​ളാ​യ ദ​മ്പ​തി​ക​ളാ​ണ് വീ​ടി​നാ​യി ഓ​ഫി​സു​ക​ൾ ക​യ​റി​യി​റ​ങ്ങി മ​ടു​ത്ത​ത്. സം​സാ​ര​ശേ​ഷി​യും കേ​ൾ​വി ശ​ക്തി​യു​മി​ല്ലാ​ത്ത അം​ബി​ക​യു​ടെ​യും വാ​ർ​ധ​ക്യ​സ​ഹ​ജ​മാ​യ അ​സു​ഖ​ങ്ങ​ളാ​ൽ വ​ല​യു​ന്ന അ​ച്യു​ത​ന്റെ​യും ഏ​റെ​നാ​ള​ത്തെ വീ​ടെ​ന്ന സ്വ​പ്ന​മാ​ണ് ഉ​ദ്യോ​ഗ​സ്ഥ​രു​ടെ അ​നാ​സ്ഥ മൂ​ലം അ​ന്യ​മാ​വു​ന്ന​ത്. കാ​ല​ങ്ങ​ളാ​യി വാ​ട​ക വീ​ട്ടി​ൽ താ​മ​സി​ക്കു​ന്ന ഈ ​കു​ടും​ബ​ത്തി​ന് സ​ർ​ക്കാ​റി​ൽ​നി​ന്ന് ല​ഭി​ച്ച ര​ണ്ട് സെ​ന്റ് ഭൂ​മി​യി​ൽ വീ​ട് വെ​ക്കാ​ൻ ക​ഴി​യാ​ത്ത സ്ഥി​തി​യാ​ണ്. വീ​ട് വെ​ക്കാ​ൻ അം​ബി​ക 2018ൽ ​പൊ​ന്നാ​നി ന​ഗ​ര​സ​ഭ​യി​ൽ അ​പേ​ക്ഷ സ​മ​ർ​പ്പി​ച്ച​പ്പോ​ഴാ​ണ് ഇ​ത് കൃ​ഷി ഭൂ​മി​യാ​ണെ​ന്നും വീ​ട് വെ​ക്കാ​ൻ ക​ഴി​യി​ല്ലെ​ന്നും മ​ന​സ്സി​ലാ​യ​ത്.

ഭൂ​മി ത​രം മാ​റ്റാ​നാ​യി ആ​ർ.​ഡി.​ഒ​യെ ഉ​ൾ​പ്പെ​ടെ സ​മീ​പി​ച്ചെ​ങ്കി​ലും അ​നു​കൂ​ല തീ​രു​മാ​ന​മു​ണ്ടാ​യി​ട്ടി​ല്ല. ര​ണ്ട് സെ​ന്റ് മാ​ത്ര​മു​ള്ള ഭൂ​മി ത​രം​മാ​റ്റാ​ൻ ന​ഗ​ര​സ​ഭ സെ​ക്ര​ട്ട​റി​യും വി​ല്ലേ​ജ് ഓ​ഫി​സ​റും കൃ​ഷി ഓ​ഫി​സ​റും അ​ട​ങ്ങു​ന്ന ക​മ്മി​റ്റി തീ​രു​മാ​നി​ച്ചാ​ൽ മാ​ത്രം മ​തി. എ​ന്നാ​ൽ, വ​ർ​ഷ​ങ്ങ​ളാ​യി​ട്ടും അ​ന​കൂ​ല തീ​രു​മാ​ന​മു​ണ്ടാ​യി​ട്ടി​ല്ല. സ്ഥ​ലം ഏ​റ്റെ​ടു​ക്കു​മ്പോ​ൾ ന​ട​ത്തേ​ണ്ട പ്രാ​ഥ​മി​ക പ​രി​ശോ​ധ​ന പോ​ലും ഉ​ദ്യോ​ഗ​സ്ഥ​ർ ന​ട​ത്തി​യി​ല്ല എ​ന്ന ആ​രോ​പ​ണ​വും ഉ​യ​രു​ന്നു​ണ്ട്.