കാറും ഓട്ടോയുമിടിച്ച്​ ഡ്രൈവറടക്കം രണ്ടുപേർക്ക് പരിക്ക്

കോങ്ങാട്: കാറും ഓട്ടോയും കൂട്ടിയിടിച്ച് ഓട്ടോ ഡ്രൈവറടക്കം രണ്ട് യാത്രക്കാർക്ക് പരിക്കേറ്റു. ഓട്ടോ ഡ്രൈവർ കോങ്ങാട് പച്ചാനി ലക്ഷം വീട് സുലൈമാൻ (51), യാത്രക്കാരി കോങ്ങാട് ചാത്തംകുളം വിനോദി​ൻെറ ഭാര്യ ശ്രീദേവി (30) എന്നിവർക്കാണ് പരിക്ക്. ഇവരെ പാലക്കാട് സ്വകാര്യ ആശുപത്രിയിൽ പ്രവേശിപ്പിച്ചു. ഡ്രൈവർക്ക് നെഞ്ചിനും യാത്രക്കാരിയുടെ കാലിനുമാണ് പരിക്ക്. കാഞ്ഞിക്കുളം -കോങ്ങാട് റോഡിൽ കോങ്ങാട് നിന്ന് വരുന്ന ഓട്ടോയും എതിരെ വന്ന കാറും കോൽപ്പാടം കുളത്തിനടുത്തു വെച്ച് ശനിയാഴ്ച ഉച്ച 12.30ഓടെയാണ് കുട്ടിയിടിച്ചത്. ഇടിയുടെ ആഘാതത്തിൽ ഓട്ടോ തകർന്നു. കാറിനും കേടുപാട് സംഭവിച്ചു. പടം) KLKD Kongad accident കോൽപ്പാടത്ത് കാറും ഓട്ടോയും കൂട്ടിയിടിച്ച നിലയിൽ