സി.പി.എം പ്രാദേശിക നേതാക്കൾക്കെതിരെ ആത്മഹത്യ കുറിപ്പ് ശ്രീകൃഷ്ണപുരം: ഗ്രാമപഞ്ചായത്ത് ഒമ്പതാം വാർഡ് ആശ പ്രവർത്തക തലയണക്കാട് കൂടത്തിങ്കൽ രവികുമാറിന്‍റെ ഭാര്യ ഷീജ ആസിഡ് കഴിച്ച് ആത്മഹത്യക്ക് ശ്രമിച്ചു. ഷീജ എഴുതിയതെന്ന് പറയുന്ന ആത്മഹത്യകുറിപ്പിൽ സി.പി.എം പ്രാദേശിക നേതാക്കൾക്കെതിരെ ഗുരുതര ആരോപണമാണ് ഉന്നയിച്ചത്. വനിതയായ പഞ്ചായത്തംഗം, അംഗൻവാടി ജീവനക്കാരി, രണ്ട് സി.പി.എം നേതാക്കൾ ഉൾപ്പെടെ നാല് പേർക്കെതിരെയാണ് ആത്മഹത്യ കുറിപ്പിൽ ആരോപണമുള്ളത്. മാനസിക പീഡനം സഹിക്കാനാവാതെയാണ് താൻ ആത്മഹത്യ ചെയ്യുന്നതെന്ന് കുറിപ്പിൽ പറയുന്നു. പെരിന്തൽമണ്ണയിലെ സ്വകാര്യ ആശുപത്രിയിൽ ചികിത്സയിൽ കഴിയുന്ന ഷീജയുടെ ആരോഗ്യനില ഗുരുതരമായി തുടരുകയാണ്. സംഭവത്തിലെ നിജസ്ഥിതി പുറത്തുകൊണ്ടുവരണമെന്നാവശ്യപ്പെട്ട് നാട്ടുകാരുടെ നേതൃത്വത്തിൽ ജനകീയ ആക്ഷൻ കമ്മിറ്റി രൂപവത്കരിച്ചു. സംഭവത്തിൽ വാർഡ് മെമ്പർ ഉൾപ്പെടെയുള്ള നേതാക്കളെ കൊള്ളാനോ തള്ളാനോ പറ്റാത്ത സ്ഥിതിയിലാണ് സി.പി.എം നേതൃത്വം. അതേസമയം തനിക്കെതിരെ ഉയർന്നുവന്ന ആരോപണങ്ങൾ അടിസ്ഥാനരഹിതമാണെന്ന് പഞ്ചായത്ത് അംഗം എസ്. രാജശ്രീ പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.