കല്ലടിക്കോട്: പാലക്കാട്-കോഴിക്കോട് ദേശീയപാതയിൽ ഓട്ടോറിക്ഷകൾ കൂട്ടിയിടിച്ച് അഞ്ചുപേർക്ക് പരിക്കേറ്റു. ഞായറാഴ്ച വൈകീട്ട് മൂന്നരയോടെ തുപ്പനാട് വളവിൽ കല്ലടിക്കോട് ഭാഗത്ത് കരിമ്പ പഞ്ചായത്ത് ഗ്രൗണ്ടിനടുത്താണ് അപകടം. ഓട്ടോ ഡ്രൈവർ മഞ്ചേരി തൃക്കങ്ങോട് കിഴക്കെപ്പൊറ്റയിൽ വീട്ടിൽ കൃഷ്ണകുമാർ (47), മാതാവ് ശാരദ (70), ഭാര്യ രേഖ (38), ശാരദയുടെ മരുമകൾ പ്രജീഷ (38), മറ്റൊരു ഓട്ടോർ ഡ്രൈവർ മണ്ണാർക്കാട് പെരിമ്പടാരി മുകേഷ് (35) എന്നിവർക്കാണ് പരിക്കേറ്റത്. ഇവരിൽ കൃഷ്ണകുമാറിന് തലക്ക് സാരമായ പരിക്കേറ്റു.
മറ്റുള്ളവരുടെ പരിക്ക് ഗുരുതരമല്ല. പാലക്കാട് ഭാഗത്ത് മരണവീട് സന്ദർശിച്ച് മഞ്ചേരിയിലേക്ക് മടങ്ങവെ മണ്ണാർക്കാട്ടുനിന്ന് വന്ന ഓട്ടോയിടിച്ചാണ് അപകടം. പരിക്കേറ്റവരെ നാട്ടുകാർ തച്ചമ്പാറ സ്വകാര്യ ആശുപത്രിയിൽ പ്രവേശിപ്പിച്ചു.
പിന്നീട് വിദഗ്ധ ചികിത്സക്കായി ഇവരെ വട്ടമ്പലം സ്വകാര്യ ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.