മഴ തിമിർത്തു ദുരിതം കനത്തു

അ​ക​ലൂ​രി​ൽ വീ​ട് ത​ക​ർ​ന്നു; എ​ട്ടം​ഗ കു​ടും​ബം ര​ക്ഷ​പ്പെ​ട്ട​ത് ത​ല​നാ​രി​ഴ​ക്ക്

അ​ക​ലൂ​ർ: ക​ന​ത്ത​മ​ഴ​യി​ൽ അ​ക​ലൂ​രി​ൽ എ​ട്ടം​ഗ കു​ടും​ബം താ​മ​സി​ക്കു​ന്ന വീ​ട് പൂ​ർ​ണ​മാ​യും ത​ക​ർ​ന്നു. ചൊ​വ്വാ​ഴ്ച പു​ല​ർ​ച്ചെ​യാ​ണ് വീ​ട് നി​ലം പൊ​ത്തി​യ​ത്. ത​ല​നാ​രി​ഴ​ക്കാ​ണ് കു​ടും​ബം ര​ക്ഷ​പ്പെ​ട്ട​ത്. അ​ക​ലൂ​ർ ല​ക്ഷം വീ​ട് കോ​ള​നി​യി​ൽ അ​ബ്ദു​ൽ ഹ​ക്കീ​മും ഭാ​ര്യ സു​ബൈ​ദ​യും ഉ​മ്മ നെ​ബീ​സ​യും മ​ക്ക​ളും പേ​ര​ക്കുട്ടി​ക​ളും താ​മ​സി​ക്കു​ന്ന ല​ക്ഷം​വീ​ട് കോ​ള​നി​യി​ലെ വീ​ടാ​ണ് നി​ലം പൊ​ത്തി​യ​ത്. ഏ​ക​ദേ​ശം 50 വ​ർ​ഷ​ത്തോ​ളം പ​ഴ​ക്ക​മു​ള്ള വീ​ടാ​ണി​ത്. വീ​ടി​ന​ക​ത്തു​ണ്ടാ​യി​രു​ന്ന അ​ടു​ക്ക​ള സാ​ധ​ന​ങ്ങ​ളും മ​റ്റ് ഉ​പ​ക​ര​ണ​ങ്ങ​ളും ന​ശി​ച്ചു.

കി​ട​പ്പാ​ടം ത​ക​ർ​ന്ന​തോ​ടെ അ​ന്തി​യു​റ​ങ്ങാ​ൻ സ​ഹോ​ദ​ര​ന്റെ വീ​ട്ടി​ലാ​ണ് കു​ടും​ബം അ​ഭ​യം തേ​ടി​യ​ത്. അ​ക​ലൂ​ർ ല​ക്ഷം വീ​ടു​ക​ളി​ലെ മു​ഴു​വ​ൻ വീ​ടു​ക​ളും ചോ​ർ​ന്നൊ​ലി​ക്കു​ന്ന അ​വ​സ്ഥ​യാ​ണ്. പ​ല വീ​ടു​ക​ളും നി​ലം പൊ​ത്താ​റാ​യ അ​വ​സ്ഥ​യി​ലാ​ണ്. പ​ല​രും ഭീ​തി​യി​ലാ​ണ് അ​ന്തി​യു​റ​ങ്ങു​ന്ന​ത്. നാ​ളി​തു​വ​രെ വീ​ട് ന​വീ​ക​രി​ക്കാ​ൻ അ​ധി​കാ​രി​ക​ളി​ൽ നി​ന്നും ഒ​രു ന​ട​പ​ടി​യും ഉ​ണ്ടാ​യി​ട്ടി​ല്ലെ​ന്നു വീ​ട്ടു​കാ​ർ പ​റ​ഞ്ഞു. വീ​ട് ന​വീ​ക​രി​ച്ച് ന​ൽ​ക​ണ​മെ​ന്നാ​ണ് ല​ക്ഷം വീ​ടുകളി​ലെ കു​ടും​ബാം​ഗ​ങ്ങ​ളു​ടെ ആ​വ​ശ്യം. സം​ഭ​വ​മ​റി​ഞ്ഞ് പൊ​തു​പ്ര​വ​ർ​ത്ത​ക​രാ​യ ദീ​പ​ക് കോ​ൽ​ക്കാ​ട്ടി​ൽ, ക​ബീ​ർ എ​ന്നി​വ​ർ സ്ഥ​ലം സ​ന്ദ​ർ​ശി​ച്ചു.

പി​രാ​യി​രി​യി​ൽ റോ​ഡ് ഇടിഞ്ഞു

പി​രാ​യി​രി: ക​ന​ത്ത​മ​ഴ​യി​ൽ ജ​ന​വാ​സ മേ​ഖ​ല​ക​ളെ ബ​ന്ധി​പ്പി​ക്കു​ന്ന റോ​ഡ് ഒ​ലി​ച്ചു​പോ​യി. പ​ഞ്ചാ​യ​ത്തി​ലെ ഒ​ന്നാം വാ​ർ​ഡി​ൽ ര​ണ്ട് പ്ര​ദേ​ശ​ങ്ങ​ളെ ത​മ്മി​ൽ ബ​ന്ധി​പ്പി​ക്കു​ന്ന ക​ല്ലേ​ക്കാ​ട് പ​റ​യം​പ​റ​മ്പ്-​വാ​രാം​മ്പ​ള്ളം റോ​ഡ്‌ ആ​ണ് തി​ങ്ക​ളാ​ഴ്ച പെ​യ്ത ശ​ക്ത​മാ​യ മ​ഴ​യി​ൽ ത​ക​ർ​ന്നു​ഒ​ലി​ച്ചു​പോ​യ​ത്. സ​ർ​ക്കാ​റി​ന്റെ അ​ടി​യ​ന്ത​ര ദു​രി​താ​ശ്വാ​സ ഫ​ണ്ടി​ൽ നി​ന്നും തു​ക അ​നു​വ​ദി​ച്ച് റോ​ഡ് സം​ര​ക്ഷി​ക്ക​ണ​മെ​ന്നാ​വ​ശ്യം ശ​ക്ത​മാ​യി.

വീ​ടി​ന് മു​ക​ളി​ല്‍ തെ​ങ്ങ് വീ​ണു

കൂ​റ്റ​നാ​ട്: ശ​ക്ത​മാ​യ മ​ഴ​യി​ലും കാ​റ്റി​ലും വീ​ടി​ന് മു​ക​ളി​ല്‍ തെ​ങ്ങ് വീ​ണു. നാ​ഗ​ല​ശ്ശേ​രി ഗ്രാ​മ​പ​ഞ്ചാ​യ​ത്തി​ലെ പ​ത്താം വാ​ർ​ഡി​ൽ താ​ഴ​ത്തെ പു​ര​ക്ക​ൽ ഷീ​ല​യു​ടെ വീ​ടി​നു മു​ക​ളി​ലേ​ക്കാ​ണ് തെ​ങ്ങ് ക​ട​പ്പു​ഴ​കി വീ​ണ​ത്. വീ​ടി​ന്റെ മേ​ൽ​ക്കൂ​ര ത​ക​ർ​ന്നി​ട്ടു​ണ്ട്. നാ​ഗ​ല​ശേ​രി വി​ല്ലേ​ജ് ഓ​ഫി​സി​ൽ വി​വ​രം അ​റി​യി​ച്ചി​ട്ടു​ണ്ട​ന്ന് വീ​ട്ടു​കാ​ർ അ​റി​യി​ച്ചു.