മാ​ലി​ന്യ സം​സ്ക​ര​ണത്തി​ൽ വീ​ർ​പ്പു​മു​ട്ടി പാലക്കാട് ജി​ല്ല ആ​ശു​പ​ത്രി

പാ​ല​ക്കാ​ട്: പ​ദ്ധ​തി​ക​ൾ ഒ​രു​പാ​ട് വ​രു​ന്നു​ണ്ടെ​ങ്കി​ലും പ​രി​മി​തി​ക​ളി​ൽ വീ​ർ​പ്പു​മു​ട്ടി ജി​ല്ല ആ​ശു​പ​ത്രി. മാ​ലി​ന്യ സം​സ്ക​ര​ണം മു​ത​ൽ വാ​ട്ട​ർ ട്രീ​റ്റ്​​മെ​ന്റ് പ്ലാ​ന്റ് വ​രെ ആ​ശു​പ​ത്രി​യു​ടെ ആ​വ​ശ്യ​ങ്ങ​ൾ പ​ല​താ​ണ്. ഉ​ട​ൻ ശ​രി​യാ​കു​മെ​ന്ന് അ​ധി​കൃ​ത​ർ ആ​വ​ർ​ത്തി​ക്കു​പ്പോ​ഴും എ​പ്പോ​ൾ ശ​രി​യാ​കു​മെ​ന്ന് നാ​ട്ടു​ക​ാരു​ടെ ചോ​ദ്യ​ത്തി​ന് കൃ​ത്യ​മാ​യ മ​റു​പ​ടി​യി​ല്ല. അ​വ​സാ​നം പു​തി​യ കെ​ട്ടി​ടം നി​ർ​മി​ച്ചു ന​വീ​ക​ര​ണം പൂ​ർ​ത്തി​യാ​ക്കു​ന്ന​തോ​ടെ പ​ല പ്ര​ധാ​ന പ്ര​ശ്ന​ങ്ങ​ൾ​ക്ക് പ​രി​ഹാ​ര​മാ​കു​മെ​ന്ന് ആ​ശു​പ​ത്രി അ​ധി​കൃ​ത​ർ അ​റി​യി​ക്കു​ന്ന​ത്. എ​ങ്കി​ൽ ഇ​ൻ​സി​നറേറ്റർ അ​ട​ക്ക​മു​ള്ള പ​ദ്ധ​തി മാ​സ്റ്റ​ർ പ്ലാ​നി​ലൂ​ടെ കൃ​ത്രി​മ​മാ​യ ആ​സൂ​ത്ര​ണ​വും രാ​ഷ്ട്രീ​യ നേ​തൃ​ത്വ​ത്തി​ന്റെ ക്രി​യാ​ത്മ​മാ​യ ഇ​ട​പെ​ട​ൽ ആ​വ​ശ്യ​മാ​ണ്.

വാ​ട്ട​ർ ട്രീ​റ്റ്​​മെ​ന്റ് പ്ലാ​ന്റ് അ​ന​ന്ത​മാ​യി നീ​ളു​ന്നു

ആ​ശു​പ​ത്രി​യി​ലെ മാ​ലി​ന​ജ​ലം സം​സ്ക​രി​ക്കാൻ വാ​ട്ട​ർ ​ട്രീ​റ്റ്മെ​ന്റ് പ്ലാ​ന്റ് സ്ഥാ​പി​ക്കു​മെ​ന്ന് അ​റി​യി​ച്ചി​ട്ടും ഇ​തു​വ​രെ അ​ധി​കൃ​ത​ർ​ക്ക് ക​ഴി​ഞ്ഞി​ട്ടി​ല്ല. പ​ഴ​യ ടി.​ബി വാ​ർ​ഡും പൊ​ളി​ച്ച് പു​തി​യ കെ​ട്ടി​ടം നി​ർ​മാ​ണം ന​ട​ക്കു​ന്ന​തു​​കൊ​ണ്ട് സ്ഥ​ല​മി​ല്ലാ​ത്ത​താ​ണ് കാ​ര​ണ​മാ​യി പ​റ​യു​ന്ന​ത്. കി​ഫ്ബി 2.50 കോ​ടി​രൂ​പ വാ​ട്ട​ർ ട്രീ​റ്റ്​​മെ​ന്റ് പ്ലാ​ന്റി​നു​വേ​ണ്ടി അ​നു​വ​ദി​ച്ചി​ട്ടു​ണ്ടെ​ന്നും കെ​ട്ടി​ട നി​ർ​മാ​ണ​​ത്തോ​ടൊ​പ്പം വാ​ട്ട​ർ ട്രീ​റ്റ്​​മെ​ന്റ് പ്ലാ​ന്റ് സ്ഥാ​പി​ക്കു​മെ​ന്ന് ജി​ല്ല ആ​ശു​പ​ത്രി അ​ധി​കൃ​ത​ർ അ​റി​യി​ച്ചു.

പ​ണിതി​ട്ടും തീ​രാ​ത്ത അ​ഴു​ക്കു​ചാ​ൽ

ജി​ല്ല ആ​ശു​പ​ത്രി​ക്ക് എ​ന്നും ത​ല​വേ​ദ​ന​യാ​ണ് അ​ഴു​ക്കു​ചാ​ൽ. ആ​ശു​പ​ത്രി​യി​ലെ മ​ലി​ന​ജ​ലം ​അ​ഴു​ക്കു​ചാ​ൽ​വ​ഴി പൊ​തു​സ്ഥ​ല​ങ്ങ​ളി​ലേ​ക്ക് ഒ​​ഴു​ക്കു​ന്ന​താ​യി ജ​ന​ങ്ങ​ൾ പ​റ​ഞ്ഞു. ജി​ല്ല പ​ഞ്ചാ​യ​ത്ത് ​ല​ക്ഷ​ങ്ങ​ൾ ചെ​ല​വ​ഴി​ച്ചി​ട്ടും നി​ര​വ​ധി ത​വ​ണ അ​റ്റ​കു​റ്റ​പ​ണി ന​ട​ത്തി​യി​ട്ടും ഈ ​പ്ര​ശ്നം പ​രി​ഹ​രി​ക്കാ​ൻ ക​ഴി​ഞ്ഞി​ട്ടി​ല്ല.  

എ​ന്നു​വ​രും ഇ​ൻ​സി​നറേറ്റ​ർ ?

വ​ർ​ഷ​ങ്ങ​ൾ​ക്കു​മു​മ്പ് പു​ക​ക്കു​ഴ​ൽ ഒ​ടി​ഞ്ഞ​തു​മൂ​ലം പ്ര​വ​ർ​ത്ത​നം നി​ർ​ത്തി​യ ഇ​ൻ​സി​നറേറ്റർ പു​നഃ​സ്ഥാ​പി​ച്ചി​ട്ടി​ല്ല. ഇതുകാരണം മാ​ലി​ന്യം പു​റ​ത്ത് പ്ലാ​ന്റി​ൽ കൊ​ണ്ടു​പോ​യി സം​സ്ക​രി​ക്കേ​ണ്ട അ​വ​സ്ഥ​യാ​ണ്. ഇ​തു​മൂ​ലം ആ​ശു​പ​ത്രി​ക്ക് അ​ധി​കം സാ​മ്പ​ത്തി​ക ബാ​ധ്യ​ത​വ​രും. ഇ​ൻ​സി​നറേറ്റർ പ്ര​വ​ർ​ത്തി​ക്കു​ന്ന​തു​മൂ​ലം ന​വ​ജാ​ത​ശി​ശു​ക്ക​ളു​ടെ വാ​ർ​ഡി​ൽ പു​ക ശ്വ​സി​ച്ച് ശി​ശു​ക്ക​ൾ ശ്വാ​സം​മു​ട്ട​ൽ അ​നു​ഭ​വ​പ്പെ​ട്ട​തോ​ടെ മ​ലി​നീ​ക​ര​ണം അ​തോ​റി​റ്റി ഇ​ൻ​സി​നറേറ്റർ സ്ഥാ​പി​ക്കാ​ൻ പാ​ടി​​ല്ലെ​ന്ന് അ​റി​യി​ച്ച​താ​യി ജി​ല്ല ആ​ശു​പ​ത്രി സൂ​പ്ര​ണ്ട് ജ​യ​ശ്രീ പ​റ​ഞ്ഞു.