ഇ​നി​യി​ല്ല ആ ​ചി​രി, സാ​ന്ത്വ​ന​വും

പ​ട്ടാ​മ്പി: ഡോ. ​ജോ​സ് പു​ളി​ക്ക​​ന്റെ വി​യോ​ഗ​ത്തോ​ടെ ഓ​ർ​മ​യാ​യ​ത് 40 വ​ർ​ഷ​മാ​യി പ​ട്ടാ​മ്പി​യു​ടെ ജ​ന​കീ​യ ഡോ​ക്ട​റു​ടെ മു​ഖം. 2005ൽ ​വി​ര​മി​ച്ച ശേ​ഷ​വും മേ​ലെ പ​ട്ടാ​മ്പി​യി​ലെ വ​സ​തി​യി​ൽ ജോ​സ് പു​ളി​ക്ക​ൻ രോ​ഗി​ക​ൾ​ക്ക് സാ​ന്ത്വ​നം പ​ക​ർ​ന്നി​രു​ന്നു. ചി​രി​ച്ചു​കൊ​ണ്ട​ല്ലാ​തെ ജോ​സ് ഡോ​ക്ട​റെ ക​ണ്ടി​ട്ടി​ല്ല. രോ​ഗി​ക​ൾ​ക്ക് ആ ​ചി​രി മ​തി, പ​കു​തി ആ​ശ്വാ​സ​ത്തി​ന്. പി​ന്നെ പ​രി​ശോ​ധ​ന​ക്കി​ടെ പേ​ര് ചോ​ദി​ക്കും, രോ​ഗ​ത്തെ​ക്കു​റി​ച്ച് ഭ​യ​പ്പെ​ടു​ത്താ​തെ സ​മാ​ധാ​നി​പ്പി​ക്കും. ക​ണ​ക്ക് പ​റ​ഞ്ഞു ഫീ​സ് വാ​ങ്ങു​ന്ന ഡോ​ക്ട​ർ​മാ​രി​ൽ വ്യ​ത്യ​സ്ത​നാ​യി​രു​ന്നു ഡോ​ക്ട​ർ. കൊ​ടു​ക്കു​ന്ന​തെ​ത്ര​യെ​ന്ന് നോ​ക്കാ​തെ മേ​ശ​യി​ലി​ടും. അ​നാ​വ​ശ്യ ടെ​സ്റ്റു​ക​ളി​ല്ലാ​തെ​യാ​ണ് രോ​ഗ നി​ർ​ണ​യം ന​ട​ത്തി​യി​രു​ന്ന​ത്.

പി​ങ്ക്, വ​യ​ല​റ്റ് മ​ഷി നി​റ​ച്ച വ​ലി​യ ഫൗ​ണ്ട​ൻ പേ​ന കൊ​ണ്ട് നീ​ട്ടി വ​ലി​ച്ചെ​ഴു​തു​ന്ന മ​രു​ന്ന് ചീ​ട്ട് ഡോ​ക്ട​റു​ടെ പ്ര​ത്യേ​ക​ത​യാ​യി​രു​ന്നു. പ​ട്ടാ​മ്പി ക​രു​ണ സ്റ്റോ​റി​ൽ ഏ​ൽ​പ്പി​ക്കു​ന്ന അ​ര​ഡ​സ​നോ​ളം പേ​ന​ക​ളി​ൽ മ​ഷി നി​റ​ച്ചു​ന​ൽ​കി​യി​രു​ന്ന​ത് ജീ​വ​ന​ക്കാ​രി ഇ​ന്ദി​ര​യാ​യി​രു​ന്നു. അ​ർ​ബു​ദം ബാ​ധി​ച്ച് കൊ​ച്ചി ആ​സ്റ്റ​ർ മെ​ഡി​സി​റ്റി​യി​ൽ ചി​കി​ത്സ​യി​ലി​രി​ക്കെ ഞാ​യ​റാ​ഴ്ച പു​ല​ർ​ച്ചെ പ​ന്ത്ര​ണ്ട​ര​യോ​ടെ​യാ​യി​രു​ന്നു അ​ന്ത്യം. വൈ​കീ​ട്ട് നാ​ല് മു​ത​ൽ എ​ട്ടു വ​രെ മേ​ലെ പ​ട്ടാ​മ്പി​യി​ലെ വ​സ​തി​യി​ൽ പൊ​തു​ദ​ർ​ശ​ന​ത്തി​നു വെ​ച്ച ഭൗ​തി​ക ശ​രീ​ര​ത്തി​ൽ അ​ന്ത്യാ​ഞ്ജ​ലി അ​ർ​പ്പി​ക്കാ​ൻ സ​മൂ​ഹ​ത്തി​ന്റെ നാ​നാ തു​റ​ക​ളി​ൽ​പെ​ട്ട നി​ര​വ​ധി പേ​രെ​ത്തി. തി​ങ്ക​ളാ​ഴ്ച സ്വ​ദേ​ശ​മാ​യ തൃ​ശൂ​ർ മ​ണ്ണ​മ്പ​റ്റ​യി​ൽ പൊ​തു​ദ​ർ​ശ​ന​ത്തി​ന് ശേ​ഷം പ​ത്ത​ര​ക്ക് സം​സ്കാ​രം ന​ട​ക്കും.