പാ​ലം ക​ട​ക്ക​ട്ടെ, പ​ട്ടാ​മ്പി​യു​ടെ സ്വ​പ്നം

സ​ഹ്യ​നോ​ളം ഉ​യ​ര​ത്തി​ലാ​ണ് പ​ട്ടാ​മ്പി​യി​ൽ പു​തി​യ പാ​ല​ത്തെ​ക്കു​റി​ച്ചു​ള്ള പ്ര​തീ​ക്ഷ. പ​തി​റ്റാ​ണ്ടു​ക​ളാ​യു​ള്ള ആ​വ​ശ്യ​വും ശ്ര​മ​ങ്ങ​ളും ല​ക്ഷ്യ​ത്തി​ല​ടു​ത്ത​താ​ണ് നാ​ടി​ന് പു​ത്ത​നു​ണ​ർ​വാ​കു​ന്ന​ത്. മൂ​ന്നു പ്ര​ള​യ​ങ്ങ​ളി​ൽ ഭാ​ര​ത​പ്പു​ഴ ച​വി​ട്ടി​ത്താ​ഴ്ത്തി ഒ​ഴു​കി​യി​ട്ടും കൈ​വ​രി​ക​ൾ ത​ക​ർ​ന്ന​ത​ല്ലാ​തെ പാ​ല​ത്തി​ന്റെ അ​ടി​ത്ത​റ​യി​ള​കി​യി​ല്ല. 2018, 2019 പ്ര​ള​യ​ത്തെ അ​പേ​ക്ഷി​ച്ച് 2024 പ​ട്ടാ​മ്പി​ക്ക് സ​മ്മാ​നി​ച്ച ദു​രി​തം വി​വ​രി​ക്കാ​നാ​വാ​ത്ത​താ​യി​രു​ന്നു. ക​ഴി​ഞ്ഞ ഒ​രു മാ​സം പ​ട്ടാ​മ്പി ടൗ​ണി​ലൂ​ടെ​യു​ള്ള യാ​ത്ര ഭീ​തി​ജ​ന​ക​മാ​യി​രു​ന്നു. കൈ​വ​രി ത​ക​ർ​ന്ന​തി​നാ​ൽ താ​ൽ​കാ​ലി​ക കൈ​വ​രി​യൊ​രു​ക്കി പാ​ല​ത്തി​ലൂ​ടെ​യു​ള്ള ഗ​താ​ഗ​തം ഒ​റ്റ​വ​രി​യാ​യി നി​യ​ന്ത്രി​ച്ചി​രു​ന്നു. സ്‌​കൂ​ൾ വാ​ഹ​ന​ങ്ങ​ളും ആം​ബു​ല​ൻ​സു​ക​ളും കു​രു​ക്കി​ൽ പെ​ട്ടു. ഒ​രു മാ​സം പൂ​ർ​ത്തി​യാ​വു​ന്ന ദി​വ​സ​മാ​ണ് കൈ​വ​രി നി​ർ​മ്മാ​ണം ആ​രം​ഭി​ച്ച​ത്. പ​ഴ​യ​പോ​ലെ ഗ​താ​ഗ​തം പു​നഃ​സ്ഥാ​പി​ച്ചെ​ങ്കി​ലും കാ​ല​ത്തി​ന​നു​സ​രി​ച്ചു​ള്ള റോ​ഡ്-​പാ​ലം വി​ക​സ​നം ന​ട​ക്കാ​ത്ത​തി​നാ​ൽ പ​ട്ടാ​മ്പി​ക്കി​ന്നും ശ്വാ​സം മു​ട്ട് ത​ന്നെ​യാ​ണ്.

ഇ​തി​നു​ള്ള ഏ​ക പ​രി​ഹാ​രം പു​തി​യ പാ​ല​മാ​ണ്. 1966ൽ ​നി​ർ​മി​ച്ച കോ​സ്‌​വേ​യാ​ണ് നി​ല​വി​ലെ പാ​ലം. പാ​ല​ക്കാ​ട്, മ​ല​പ്പു​റം, തൃ​ശൂ​ർ ജി​ല്ല​ക​ൾ​ക്ക് പ്ര​യോ​ജ​ന​പ്പെ​ടു​ന്ന​തും ആ​യി​ര​ക്ക​ണ​ക്കി​ന് വാ​ഹ​ന​ങ്ങ​ൾ ക​ട​ന്നു പോ​കു​ന്ന​തു​മാ​യ കോ​സ്‌​വേ കാ​ല​ഹ​ര​ണ​പ്പെ​ട്ട​താ​ണെ​ന്ന​തി​ന് ആ​ർ​ക്കു​മി​ല്ല സം​ശ​യം. പു​തി​യ പാ​ല​ത്തി​ന് അ​നു​മ​തി ല​ഭി​ച്ച് തു​ക വ​ക​യി​രു​ത്തി​യി​ട്ടും വ​ർ​ഷ​ങ്ങ​ളു​ടെ കാ​ത്തി​രി​പ്പാ​ണ് നി​ർ​വ​ഹ​ണ​ത്തി​ന് വേ​ണ്ടി​വ​രു​ന്ന​ത്. ക​ഴി​ഞ്ഞ മാ​സം ന​ട​ന്ന സ്ഥ​ല​മു​ട​മ​ക​ളു​ടെ യോ​ഗ​ത്തി​ൽ എ​ല്ലാ​വ​രെ​യും തൃ​പ്തി​പ്പെ​ടു​ത്തി​യും മോ​ഹ​വി​ല ന​ൽ​കി​യും മാ​ത്ര​മേ സ്ഥ​ല​മേ​റ്റെ​ടു​ക്കൂ എ​ന്ന് എം.​എ​ൽ.​എ ഉ​റ​പ്പ് ന​ൽ​കി​യ​ത് പ്ര​തീ​ക്ഷ​യോ​ടെ​യാ​ണ് സ്വീ​ക​രി​ക്ക​പ്പെ​ട്ട​ത്. 2020ൽ 30.86 ​കോ​ടി രൂ​പ​യു​ടെ കി​ഫ്ബി അം​ഗീ​കാ​ര​മാ​ണ് പു​തി​യ പാ​ല​ത്തി​ന് ല​ഭി​ച്ച​ത്. ഇ​ത് 52.45 കോ​ടി രൂ​പ​യാ​യി വ​ർ​ധി​പ്പി​ച്ചി​ട്ടു​ണ്ട്.

രൂ​പ​രേ​ഖ​യി​ലെ മാ​റ്റ​മാ​ണ് പു​തി​യ പാ​ലം നി​ർ​മാണ​ന​ട​പ​ടി​ക​ൾ വൈ​കാ​നു​ള്ള മ​റ്റൊ​രു കാ​ര​ണം. പ​ട്ടാ​മ്പി ക​മാ​ന​ത്തി​ന​ടു​ത്തു​ള്ള പ​ഴ​യ ക​ട​വി​ൽ നി​ന്നാ​ണ് പാ​ലം തു​ട​ങ്ങു​ന്ന​ത്. തീ​ര​ദേ​ശ റോ​ഡ് പ​ട്ടാ​മ്പി​യി​ൽ നി​ന്നും തു​ട​ങ്ങു​ന്ന കി​ഴാ​യൂ​ർ ന​മ്പ്രം പാ​ത​യു​ള്ള​തും ഇ​വി​ടെ​യാ​ണ്. പ​ഴ​യ രൂ​പ​രേ​ഖ പ്ര​കാ​ര​മു​ള്ള പാ​ലം നി​ർ​മാ​ണം തീ​ര​ദേ​ശ​റോ​ഡ് നി​ർ​മാ​ണ​ത്തി​ന് ത​ട​സ്സ​മാ​വും. ഒ​രു ജ​ങ്ഷ​നു​ള്ള സ്ഥ​ലം അ​ധി​ക​മാ​യി ക​ണ്ടെ​ത്താ​ൻ നി​ർ​ബ​ന്ധ​മാ​യി. അ​തി​നാ​ൽ രൂ​പ​രേ​ഖ മാ​റ്റി ത​യ്യാ​റാ​ക്കി​യാ​ണ് പാ​ലം നി​ർ​മി​ക്കു​ന്ന​ത്. 370.90 മീ​റ്റ​ര്‍ സ്പാ​ന്‍ വ​രു​ന്ന പാ​ല​ത്തി​ന് 11 മീ​റ്റ​ര്‍ വീ​തി​യു​ണ്ടാ​വും. ഇ​രു​വ​ശ​ങ്ങ​ളി​ലും 1.50 മീ​റ്റ​ര്‍ വീ​തി​യി​ലു​ള്ള ന​ട​പ്പാ​ത​യും 7.50 മീ​റ്റ​ര്‍ വീ​തി​യി​ലു​ള്ള ക​രി​യേ​ജ് വേ​യും ഉ​ള്‍പ്പെ​ടു​ത്തി​യി​ട്ടു​ണ്ട്. കേ​ര​ള​ഫ​ണ്ട് ബോ​ർ​ഡി​നാ​ണ് നി​ർ​മാണ ചു​മ​ത​ല. പു​തു​വ​ർ​ഷ സ​മ്മാ​ന​മാ​യി പു​ത്ത​ൻ പാ​ല​ത്തി​ന്റെ നി​ർ​മാ​ണ​ത്തു​ട​ക്കം സാ​ധ്യ​മാ​വു​മെ​ന്ന പ്ര​തീ​ക്ഷ​യി​ലാ​ണ് പ​ട്ടാ​മ്പി.

ന​ഷ്ട​പ​രി​ഹാ​ര ന​ട​പ​ടി​ക​ൾ പു​രോ​ഗ​മി​ക്കു​ന്നു - മു​ഹ​മ്മ​ദ്‌ മു​ഹ്സി​ൻ എം. ​എ​ൽ. എ

​പ​ട്ടാ​മ്പി പു​തി​യ പാ​ല​ത്തി​ന്‍റെ നി​ർ​മാ​ണ​വു​മാ​യി ബ​ന്ധ​പ്പെ​ട്ട് അ​ന്തി​മ സാ​ങ്കേ​തി​ക അ​നു​മ​തി​ക്ക് മു​ന്നോ​ടി​യാ​യി പാ​ല​ത്തി​ന്റെ ഡി​സൈ​ൻ പ​രി​ശോ​ധി​ക്കു​ക​യും കി​ഫ്ബി ജ​ന​റ​ൽ മാ​നേ​ജ​രു​മാ​യി കൂ​ടി​ക്കാ​ഴ്ച ന​ട​ത്തു​ക​യും ചെ​യ്തു. നി​ല​വി​ൽ അ​മ്പ​തി​ല​ധി​കം വ​രു​ന്ന കു​ടും​ബ​ങ്ങ​ളു​ടെ​യും വ്യ​ക്തി​ക​ളു​ടെ​യും സ്ഥ​ല​ങ്ങ​ൾ ഏ​റ്റെ​ടു​ത്ത് അ​വ​ർ​ക്ക് മ​തി​യാ​യ ന​ഷ്ട​പ​രി​ഹാ​രം ന​ൽ​കു​ന്ന​തി​നു​ള്ള ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണ്. ഇ​തോ​ടൊ​പ്പം അ​ന്തി​മ സാ​ങ്കേ​തി​ക അ​നു​മ​തി പൂ​ർ​ത്തീ​ക​രി​ച്ചു പാ​ലം ടെ​ൻ​ഡ​ർ ചെ​യ്യു​ന്ന​തി​നും ന​ട​പ​ടി കൈ​ക്കൊ​ള്ളു​ന്നു. കി​ഫ്ബി വ​ഴി​യാ​ണ് ഇ​തി​ന് ഫ​ണ്ട് അ​നു​വ​ദി​ച്ചി​ട്ടു​ള്ള​ത്. 

നാടിന്‍റെ വളർച്ചക്ക് പാലം അനിവാര്യം - റാ​ഷി​ദ്‌ മു​ക്ക​ത്തി​ൽ (ഫൗ​ണ്ട​ർ & സി.​ഇ.​ഒ മെ​സോ​ൺ ഗ്ലോ​ബ​ൽ)

അ​നു​ദി​നം വ​ള​രു​ന്ന പ​ട്ടാ​മ്പി ന​ഗ​ര​ത്തി​ന് പു​തി​യ പാ​ലം വ​ള​രെ അ​ത്യ​ന്താ​പേ​ക്ഷി​ത​മാ​ണ്. മ​ല​പ്പു​റം-​തൃ​ശൂ​ർ ജി​ല്ല​ക​ളെ പാ​ല​ക്കാ​ടു​മാ​യി ബ​ന്ധി​പ്പി​ക്കു​ന്ന വ​ള​രെ സു​പ്ര​ധാ​ന​മാ​യ ക​ണ്ണി​യാ​ണ് പ​ട്ടാ​മ്പി പാ​ലം. പ​ല കോ​ർ​പ​റേ​റ്റ് സ്ഥാ​പ​ന​ങ്ങ​ളു​ടെ​യും ബ്രാ​ഞ്ചു​ക​ൾ വ​ന്നു​കൊ​ണ്ടി​രി​ക്കു​ന്ന സ​മ​യ​ത്ത് പ​ട്ടാ​മ്പി​യു​ടെ വി​ക​സ​ന​ത്തി​ന് പു​തി​യ​പാ​ലം മു​ത​ൽ​ക്കൂ​ട്ടാ​വും.

സുരക്ഷക്ക് പ്രാധാന്യം നൽകണം - എം.​ടി. ഹാ​രി​സ് (മാ​നേ​ജി​ങ് ഡ​യ​റ​ക്ട​ർ, അ​ലി​ഫ് ഗ്ലോ​ബ​ൽ അ​ക്കാ​ദ​മി)

പാ​ല​ക്കാ​ട് ജി​ല്ല​യി​ലെ പ്ര​ധാ​ന പാ​ല​മാ​ണ് പ​ട്ടാ​മ്പി പാ​ലം. ജി​ല്ല​യു​ടെ വ​ട​ക്കും തെ​ക്കും ഭാ​ഗ​ങ്ങ​ളെ ബ​ന്ധി​പ്പി​ക്കു​ന്ന പ്ര​ധാ​ന ഗ​താ​ഗ​ത മാ​ർ​ഗ​മാ​ണി​ത്. പ​ട്ടാ​മ്പി പ്ര​ദേ​ശ​ത്തെ സാ​മൂ​ഹി​ക- സാ​മ്പ​ത്തി​ക വ​ള​ർ​ച്ച​യി​ൽ പാ​ല​ത്തി​ന് നി​ർ​ണാ​യ​ക പ​ങ്കു​ണ്ട്. ആ​റു പ​തി​റ്റാ​ണ്ടി​ലേ​റെ പ​ഴ​ക്ക​മു​ള്ള പാ​ലം ശ​ക്തി ക്ഷ​യി​ച്ച് വ​ലി​യ ആ​ശ​ങ്ക​യാ​ണ് ഉ​ണ്ടാ​ക്കു​ന്ന​ത്. ശാ​ശ്വ​ത​മാ​യ ന​വീ​ക​ര​ണ​ം ഉ​ട​ൻ ന​ട​ന്നി​ല്ലെ​ങ്കി​ൽ ദൂ​ര​വ്യാ​പ​ക​മാ​യ ന​ഷ്ട​മാ​യി​രി​ക്കും വ​രു​ത്തു​ക. ക​ക്ഷി​രാ​ഷ്ട്രീ​യ ത​ർ​ക്ക​ങ്ങ​ൾ​ക്ക​പ്പു​റം ജ​ന​ങ്ങ​ളു​ടെ സു​ര​ക്ഷ​ക്കാ​ക​ണം സ​ർ​ക്കാ​ർ മു​ൻ​ഗ​ണ​ന ന​ൽ​കേ​ണ്ട​ത്.

സ്വ​പ്നം പൂ​വ​ണി​യു​ന്നു, വാ​ടാ​നാം​കു​റു​ശ്ശി മേ​ൽ​പ്പാ​ല നി​ർ​മാണം അ​ന്തി​മഘ​ട്ട​ത്തി​ൽ

പ​ട്ടാ​മ്പി-​കു​ള​പ്പു​ള്ളി യാ​ത്രാ ത​ട​സ്സ​ത്തി​ന് പ​രി​ഹാ​ര​മാ​യ വാ​ടാ​നാം​കു​റു​ശ്ശി മേ​ൽ​പ്പാ​ല​നി​ർ​മാ​ണം അ​ന്തി​മ ഘ​ട്ട​ത്തി​ൽ. ഷൊ​ർ​ണൂ​ർ-​നി​ല​മ്പൂ​ർ റെ​യി​ൽ​പ്പാ​ത​യി​ൽ വാ​ടാ​നാം​കു​റു​ശ്ശി​യി​ലു​ള്ള റെ​യി​ൽ​വേ ഗേ​റ്റ് അ​ട​ച്ചി​ടു​ന്ന​ത് പ​ട്ടാ​മ്പി-​കു​ള​പ്പു​ള്ളി റൂ​ട്ടി​ലെ യാ​ത്ര​ക്ക് വ​ലി​യ തോ​തി​ലു​ള്ള ത​ട​സ്സം സൃ​ഷ്ടി​ച്ചി​രു​ന്നു. പ​ട്ടാ​മ്പി ഭാ​ഗ​ത്തു​നി​ന്ന് വി​ദ​ഗ്‌​ധ ചി​കി​ത്സ​ക്കു​ള്ള രോ​ഗി​ക​ളു​മാ​യി തൃ​ശൂ​രി​ലേ​ക്ക് പോ​വു​ന്ന ആം​ബു​ല​ൻ​സു​ക​ൾ പ​ല​പ്പോ​ഴും റെ​യി​ൽ​വേ​ക്കു​രു​ക്കി​ൽ അ​ക​പ്പെ​ടാ​റു​ണ്ട്. കാ​ല​ങ്ങ​ളാ​യു​ള്ള ആ​വ​ശ്യ​മാ​ണ് മേ​ൽ​പ്പാ​ലം പൂ​ർ​ത്തി​യാ​വു​ന്ന​തോ​ടെ പ​രി​ഹ​രി​ക്ക​പ്പെ​ടു​ന്ന​ത്. 32.49 കോ​ടി രൂ​പ ചെ​ല​വി​ട്ട് 13 തൂ​ണു​ക​ളു​ള്ള നി​ർ​മി​ക്കാ​നി​രി​ക്കു​ന്ന മേ​ൽ​പ്പാ​ല​ത്തി​ന് 680 മീ​റ്റ​ർ നീ​ള​വും 10.15 വീ​തി​യും ന​ട​പ്പാ​ത​യു​മു​ണ്ട്.

പാ​ല​ത്തി​നാ​യി 17 ഭൂ​വു​ട​മ​ക​ളി​ൽ​നി​ന്ന് സ്ഥ​ലം ഏ​റ്റെ​ടു​ത്തി​രു​ന്നു. റെ​യി​ൽ​വേ​യു​ടെ ഭാ​ഗ​ത്തു​നി​ന്നു​ള്ള പ്ര​വൃ​ത്തി ന​ട​ത്താ​ൻ താ​മ​സം നേ​രി​ട്ട​ത് നി​ർ​മാ​ണ​ത്തി​ൽ പ്ര​തി​സ​ന്ധി സൃ​ഷ്ടി​ച്ചു. മു​റ​വി​ളി​ക്കൊ​ടു​വി​ൽ ക​ഴി​ഞ്ഞ മാ​സം ആ​ദ്യം പാ​ല​ത്തി​ന്റെ ഗ​ർ​ഡ​ർ സ്ഥാ​പി​ക്കു​ന്ന പ്ര​വൃ​ത്തി റെ​യി​ൽ​വേ ആ​രം​ഭി​ച്ചു. ഗ​ർ​ഡ​ർ സ്ഥാ​പി​ച്ച ശേ​ഷം റോ​ഡ് കോ​ൺ​ക്രീ​റ്റി​ങും അ​പ്രോ​ച്ച് റോ​ഡ് നി​ർ​മാ​ണ​വും ന​ട​ത്തേ​ണ്ട​തു​ണ്ട്.

2016ൽ ​അ​നു​മ​തി ല​ഭി​ച്ച പാ​ല​ത്തി​ന്റെ നി​ർ​മാ​ണ​ച്ചു​മ​ത​ല​യു​ള്ള ആ​ർ.​ബി.​ഡി.​സി.​കെ സാ​ങ്കേ​തി​ക​പ​ഠ​നം ന​ട​ത്തി സ​മ​ർ​പ്പി​ച്ച പ​ദ്ധ​തി രേ​ഖ​ക്ക് കി​ഫ്‌​ബി അം​ഗീ​കാ​ര​മാ​യ​ത് അ​ഞ്ചു വ​ർ​ഷ​ത്തെ കാ​ത്തി​രി​പ്പി​ന് ശേ​ഷ​മാ​ണ് . 2021 ജ​ന​വ​രി​യി​ൽ ഉ​ത്സ​വ​ച്ഛാ​യ​യി​ൽ രാ​ജ്യ​ത്തെ മ​റ്റു മേ​ൽ​പ്പാ​ല​ങ്ങ​ൾ​ക്കൊ​പ്പം മു​ഖ്യ​മ​ന്ത്രി പി​ണ​റാ​യി വി​ജ​യ​നാ​ണ് ഇ​തി​ന്‍റെ​യും നി​ർ​മാ​ണോ​ദ്‌​ഘാ​ട​നം ന​ട​ത്തി​യ​ത്.