പ​ട്ടാ​മ്പി ഗ​താ​ഗ​ത​ക്കു​രു​ക്ക്; ന​ട​പ​ടി ഊ​ർ​ജി​ത​മാ​ക്കി പൊ​ലീ​സ്, പ്ര​തി​ഷേ​ധ​വു​മാ​യി വ്യാ​പാ​രി​ക​ൾ

പ​ട്ടാ​മ്പി: ടൗ​ണി​ലെ ഗ​താ​ഗ​ത​ക്കു​രു​ക്കി​ന് അ​റു​തി വ​രു​ത്താ​ൻ ഊ​ർ​ജി​ത ന​ട​പ​ടി​ക​ളു​മാ​യി പൊ​ലീ​സ്. പൊ​തു​വേ ഗ​താ​ഗ​ത സ്തം​ഭ​ന​മു​ണ്ടാ​യി​രു​ന്ന മേ​ഖ​ല​യാ​ണ് മേ​ലെ പ​ട്ടാ​മ്പി മു​ത​ൽ ബ​സ് സ്റ്റാ​ൻ​ഡ് വ​രെ​യു​ള്ള ഭാ​ഗം. റോ​ഡി​ലെ കു​ഴി​ക​ളും പാ​ല​ത്തി​ലെ നി​യ​ന്ത്ര​ണ​വും കൂ​ടി​യാ​യ​പ്പോ​ൾ സ്ഥി​തി ഗു​രു​ത​ര​മാ​യി. ഇ​തേ തു​ട​ർ​ന്ന് പൊ​ലീ​സ് നി​രീ​ക്ഷ​ണം ശ​ക്ത​മാ​ക്കു​ക​യും അ​ന​ധി​കൃ​ത പാ​ർ​ക്കി​ങ്ങി​നെ​തി​രെ ശി​ക്ഷ ന​ട​പ​ടി​യാ​രം​ഭി​ക്കു​ക​യും ചെ​യ്തു.

എ​ന്നാ​ൽ വ​ഴി​വി​ട്ട ന​ട​പ​ടി​യാ​ണ് പൊ​ലീ​സ് സ്വീ​ക​രി​ക്കു​ന്ന​തെ​ന്ന് ടൗ​ണി​ലെ വ്യാ​പാ​രി​ക​ൾ കു​റ്റ​പ്പെ​ടു​ത്തു​ന്നു. റോ​ഡ​രി​കി​ൽ വാ​ഹ​നം നി​ർ​ത്തി ക​ട​ക​ളി​ലേ​ക്ക് വ​രു​ന്ന​വ​ർ പോ​ലും അ​ന​ധി​കൃ​ത പാ​ർ​ക്കി​ങ്ങി​നെ​തി​രെ​യു​ള്ള ശി​ക്ഷാ​ന​ട​പ​ടി​ക്ക് വി​ധേ​യ​രാ​വു​ക​യാ​ണെ​ന്നാ​ണ് ആ​രോ​പ​ണം.

മേ​ലെ പ​ട്ടാ​മ്പി​യി​ൽ പാ​ല​ക്കാ​ട് റോ​ഡി​ൽ ഒ​രു​ഭാ​ഗ​ത്ത് പാ​ർ​ക്കി​ങ്ങി​ന് അ​നു​മ​തി​യു​ണ്ട്. മ​റു ഭാ​ഗ​ത്ത് നി​ർ​ത്തി​യി​ടു​ന്ന വാ​ഹ​ന​ങ്ങ​ൾ​ക്കാ​ണ് പി​ഴ ചു​മ​ത്തു​ന്ന​ത്.

പൊ​ലീ​സ് സ്റ്റേ​ഷ​ൻ, റെ​യി​ൽ​വേ സ്റ്റേ​ഷ​ൻ പ​രി​സ​ര​ങ്ങ​ളി​ലാ​ണ് ഏ​റെ തി​ര​ക്ക​്. ഇ​വി​ടെ പാ​ർ​ക്കി​ങ് സൗ​ക​ര്യ​മി​ല്ല. ഇ​വി​ട​ങ്ങ​ളി​ലെ​ല്ലാം അ​ല​സ​മാ​യി പാ​ർ​ക്ക് ചെ​യ്യു​ന്ന വാ​ഹ​ന​ങ്ങ​ളു​ണ്ട്. ഇ​തി​നെ​തി​രെ ന​ട​പ​ടി​യെ​ടു​ക്കു​മ്പോ​ൾ നി​ര​പ​രാ​ധി​ക​ളും പെ​ട്ടു പോ​കു​ന്നു​ണ്ട്.

കൂ​ടു​ത​ൽ പാ​ർ​ക്കി​ങ് പോ​യി​ന്‍റു​ക​ൾ ഏ​ർ​പ്പെ​ടു​ത്തി പ്ര​ശ്‍നം പ​രി​ഹ​രി​ക്കാ​ൻ ന​ഗ​ര​സ​ഭ​യും പൊ​ലീ​സും മോ​ട്ടോ​ർ വാ​ഹ​ന​വ​കു​പ്പും ശ്ര​മി​ക്ക​ണ​മെ​ന്നാ​ണ് പൊ​തു​ആ​വ​ശ്യം. ബ​സ് സ്റ്റാ​ൻ​ഡി​ന് അ​ടു​ത്തു​ള്ള ന​ഗ​ര​സ​ഭ​യു​ടെ സ്ഥ​ല​ത്തും പ​ഴ​യ ബ​സ് സ്റ്റാ​ൻ​ഡി​ലും സൗ​ജ​ന്യ പാ​ർ​ക്കി​ങ് ഏ​ർ​പ്പെ​ടു​ത്താ​വു​ന്ന​താ​ണ്. പ​ഴ​യ ബ​സ് സ്റ്റാ​ൻ​ഡി​ൽ പേ ​പാ​ർ​ക്കി​ങ്ങാ​ണ്. വ്യാ​പാ​രി​ക​ളു​ടെ കൂ​ടി സ​ഹാ​യ​ത്തോ​ടെ ഇ​ത് സൗ​ജ​ന്യ​മാ​ക്കി​യാ​ൽ കൂ​ടു​ത​ൽ വാ​ഹ​ന​ങ്ങ​ൾ​ക്ക് പാ​ർ​ക്ക് ചെ​യ്യാം.

സം​യു​ക്ത സ​ഹ​ക​ര​ണ​ത്തോ​ടെ പൊ​ലീ​സ് സ്റ്റേ​ഷ​ന് എ​തി​ർ​വ​ശ​ത്തു​ള്ള സ്വ​കാ​ര്യ​സ്ഥ​ല​ത്തും പാ​ർ​ക്കി​ങ്ങി​ന് സൗ​ക​ര്യം ഏ​ർ​പ്പെ​ടു​ത്താ​ൻ ക​ഴി​യും. ഓ​ണ​ക്കാ​ലം കൂ​ടി വ​രു​ന്ന​തോ​ടെ ടൗ​ണി​ലെ തി​ര​ക്ക് ഇ​നി​യും വ​ർ​ധി​ക്കും. ട്രാ​ഫി​ക് ക​മ്മി​റ്റി വി​ളി​ച്ചു​ചേ​ർ​ത്ത് പൊ​തു​ജ​ന​ങ്ങ​ൾ​ക്ക് വാ​ഹ​ന​ങ്ങ​ൾ പാ​ർ​ക്ക് ചെ​യ്യാ​നു​ള്ള സൗ​ക​ര്യം ഉ​റ​പ്പു​വ​രു​ത്തി അ​ന​ധി​കൃ​ത പാ​ർ​ക്കി​ങ്ങി​നെ​തി​രെ ന​ട​പ​ടി ശ​ക്ത​മാ​ക്കു​ക​യാ​ണ് അ​ഭി​കാ​മ്യം.

നാ​ളെ ക​ട​ക​ള​ട​ച്ച് പ്ര​തി​ഷേ​ധം

പ​ട്ടാ​മ്പി: ടൗ​ണി​ൽ പാ​ർ​ക്കി​ങ്ങി​ന്റെ പേ​രി​ൽ പൊ​ലീ​സ് അ​നാ​വ​ശ്യ പി​ഴ ചു​മ​ത്തു​ന്ന​തി​ൽ പ്ര​തി​ഷേ​ധി​ച്ച് തി​ങ്ക​ളാ​ഴ്‌​ച ക​ട​യ​ട​ച്ച് പ്ര​തി​ഷേ​ധി​ക്കു​മെ​ന്ന് വ്യാ​പാ​രി സം​ഘ​ട​ന നേ​താ​ക്ക​ൾ വാ​ർ​ത്ത സ​മ്മേ​ള​ന​ത്തി​ൽ അ​റി​യി​ച്ചു. ഉ​ച്ച​ക്ക് 12 വ​രെ​യാ​ണ് സ​മ​രം. തു​ട​ർ​ന്ന് മേ​ലേ പ​ട്ടാ​മ്പി​യി​ൽ പ്ര​തി​ഷേ​ധ​യോ​ഗം ചേ​രും.

പ​ട്ടാ​മ്പി ന​ഗ​ര​ത്തി​ൽ വ്യാ​പാ​രം ചെ​യ്ത‌്‌ ഉ​പ​ജീ​വ​നം ക​ണ്ടെ​ത്തു​ന്ന ചെ​റു​കി​ട ക​ച്ച​വ​ട​ക്കാ​ർ​ക്കും വി​വി​ധ ആ​വ​ശ്യ​ങ്ങ​ൾ​ക്ക് ന​ഗ​ര​ത്തെ ആ​ശ്ര​യി​ക്കേ​ണ്ടി വ​രു​ന്ന​വ​ർ​ക്കും വ​ലി​യ പ്ര​യാ​സ​ങ്ങ​ൾ ഉ​ണ്ടാ​ക്കു​ന്ന ന​ട​പ​ടി​യാ​ണ് ര​ണ്ടാ​ഴ്ച​യാ​യി പൊ​ലീ​സി​ന്റെ ഭാ​ഗ​ത്തു​നി​ന്നും ഉ​ണ്ടാ​കു​ന്ന​ത്. ട്രാ​ഫി​ക് ത​ട​സ്സ​മി​ല്ലാ​തെ പാ​ർ​ക്ക് ചെ​യ്യു​ന്ന വാ​ഹ​ന​ങ്ങ​ൾ​ക്ക് പോ​ലും പി​ഴ ചു​മ​ത്തു​ക​യാ​ണ്.

പ​ട്ടാ​മ്പി എം.​എ​ൽ.​എ ഉ​ൾ​പ്പെ​ടെ​യു​ള്ള ജ​ന​പ്ര​തി​നി​ധി​ക​ൾ മു​ഖേ​ന​യും പൗ​ര​പ്ര​മു​ഖ​ർ മു​ഖേ​ന​യും നി​ര​വ​ധി ത​വ​ണ നേ​രി​ട്ട് പൊ​ലീ​സ് സ്റ്റേ​ഷ​ൻ സ​ന്ദ​ർ​ശി​ച്ചും ചൂ​ണ്ടി​ക്കാ​ണി​ച്ചി​ട്ടും ന​ട​പ​ടി തു​ട​രു​ക​യാ​ണ്.

ത​ന്മൂ​ലം ക​ടു​ത്ത വ്യാ​പാ​ര​മാ​ന്ദ്യ​മാ​ണ് അ​നു​ഭ​വ​പ്പെ​ടു​ന്ന​ത്. കൃ​ത്യ​മാ​യ നോ​പാ​ർ​ക്കി​ങ് ബോ​ർ​ഡു​ക​ളോ പാ​ർ​ക്കി​ങ് സ്ഥ​ല​ങ്ങ​ളോ ടൗ​ണി​ലി​ല്ല. കൃ​ത്യ​മാ​യി പാ​ർ​ക്കി​ങ് സൗ​ക​ര്യ​ങ്ങ​ളി​ല്ലെ​ന്നി​രി​ക്കെ പൊ​ലീ​സ് ന​ട​പ​ടി പൊ​തു​ജ​ന​ദ്രോ​ഹ​മാ​യി മാ​റി​യി​രി​ക്കു​ക​യാ​ണെ​ന്നും നേ​താ​ക്ക​ൾ പ​റ​ഞ്ഞു.

വ്യാ​പാ​രി വ്യ​വ​സാ​യി ഏ​കോ​പ​ന​സ​മി​തി മ​ണ്ഡ​ലം ജ​ന​റ​ൽ സെ​ക്ര​ട്ട​റി എം. ​സി​ദ്ദീ​ഖ്, യൂ​നി​റ്റ് ജ​ന​റ​ൽ സെ​ക്ര​ട്ട​റി ആ​ർ. സ​ന്തോ​ഷ്‌, ചേം​ബ​ർ ഓ​ഫ് കോ​മ​ഴ്സ് കെ.​പി. ക​മാ​ൽ, കേ​ര​ള വ്യാ​പാ​രി വ്യ​വ​സാ​യി സ​മി​തി ട്ര​ഷ​റ​ർ എ.​കെ. അ​ഷ​റ​ഫ്, കെ.​സി. സു​ധാ​ക​ര​ൻ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.