നവീകരണത്തിന് പദ്ധതിയൊരുങ്ങുന്നു; കൊടുവായൂർ മാർക്കറ്റിലെ മാലിന്യം നീക്കി

കൊ​ടു​വാ​യൂ​ർ: കൊ​ടു​വാ​യൂ​ർ മാ​ർ​ക്ക​റ്റി​ലെ മാ​ലി​ന്യം നീ​ക്കി. മാ​ലി​ന്യം കു​ന്നു​കൂ​ടി ദു​ർ​ഗ​ന്ധം വ​മി​ക്കു​ന്ന​ത് ക​ഴി​ഞ്ഞ ദി​വ​സം ‘മാ​ധ്യ​മം’ റി​പ്പോ​ർ​ട്ട് ചെ​യ്തി​രു​ന്നു. തു​ട​ർ​ന്നാ​ണ് പ​ഞ്ചാ​യ​ത്ത് അ​ധി​കൃ​ത​രെ​ത്തി നീ​ക്കം ചെ​യ്ത​ത്. മാ​ലി​ന്യം ത​ള്ളു​ന്ന​തി​നെ​തി​രെ സി.​സി.​ടി.​വി കാ​മ​റ​ക​ൾ മാ​ർ​ക്ക​റ്റി​ൽ സ്ഥാ​പി​ക്ക​ണ​മെ​ന്ന് മാ​ർ​ക്ക​റ്റി​ലെ വ്യാ​പാ​രി​ക​ൾ ആ​വ​ശ്യ​പ്പെ​ട്ടു.

ഇതോടൊപ്പം അ​ഞ്ച് രൂ​പ ചി​ല​വി​ൽ കൊ​ടു​വാ​യൂ​ർ മാ​ർ​ക്ക​റ്റ് ന​വീ​ക​ര​ണ​ത്തി​ന് പ​ദ്ധ​തി ത​യാ​റാ​കു​ന്നു. കൊ​ല്ല​ങ്കോ​ട് ബ്ലോ​ക്ക് പ​ഞ്ചാ​യ​ത്ത് ന​ബാ​ർ​ഡി​ന്റെ സ​ഹാ​യ​ത്തോ​ടെ​യാ​ണ് കൊ​ടു​വാ​യു​ർ ന​ഗ​ര​മ​ധ്യ​ത്തി​ലു​ള്ള മാ​ർ​ക്ക​റ്റ് പൂ​ർ​ണ​മാ​യും പൊ​ളി​ച്ചു​മാ​റ്റി ഷോ​പ്പു​ക​ൾ, കോം​പ്ല​ക്സ്, ഹാ​ൾ എ​ന്നി​വ നി​ർ​മി​ക്കു​ന്ന​ത്. മൂ​ന്ന് പ​തി​റ്റാ​ണ്ടി​ല​ധി​കം പ​ഴ​ക്ക​മു​ള്ള മാ​ർ​ക്ക​റ്റി​ൽ 32 ക​ട​മു​റി​ക​ളാ​ണ് ഉ​ണ്ടാ​യി​രു​ന്ന​ത്. ആ​ഴ്ച്ച​ന്ത​യാ​യി പ്ര​വ​ർ​ത്തി​ച്ചു വ​ന്ന മാ​ർ​ക്ക​റ്റി​ലെ കെ​ട്ടി​ടം ജീ​ർ​ണാ​വ​സ്ഥ​യി​ലാ​യ​തോ​ടെ ആ​ഴ്ച്ച​ന്ത നി​ല​ച്ചു.

നി​ല​വി​ൽ മാ​ർ​ക്ക​റ്റി​ന് മു​ൻ​വ​ശ​ത്തു​ള്ള ഏ​താ​നും ചി​ല വ്യാ​പാ​രി​ക​ൾ ത​ക​ർ​ന്ന കെ​ട്ടി​ടം സ്വ​ന്തം നി​ല​യി​ൽ താ​ൽ​ക്കാ​ലി​ക​മാ​യി അ​റ്റ​കു​റ്റ​പ​ണി​ക​ൾ ന​ട​ത്തി​യാ​ണ് പ​ച്ച​ക്ക​റി ക​ച്ച​വ​ടം ന​ട​ത്തു​ന്ന​ത്. ന​വീ​ക​ര​ണ പ​ദ്ധ​തി ന​ട​പ്പി​ലാ​കു​ന്ന​തോ​ടെ മാ​ർ​ക്ക​റ്റി​ലെ പ​ച്ച​ക്ക​റി​ക​ച്ച​വ​ട​ത്തി​ന് പ​ഴ​യ പ്ര​താ​പം തി​രി​ച്ചു ല​ഭി​ക്കു​മെ​ന്ന പ്ര​തീ​ക്ഷ​യി​ലാ​ണ് നാ​ട്ടു​കാ​ർ. ജി​ല്ല​യി​ലെ ഏ​റ്റ​വും കൂ​ടു​ത​ൽ പ​ച്ച​ക്ക​റി വാ​ണി​ഭം ന​ട​ക്കു​ന്ന കേ​ന്ദ്ര​ങ്ങ​ളി​ൽ ഒ​ന്നാ​ണ് കൊ​ടു​വാ​യൂ​ർ മാ​ർ​ക്ക​റ്റ്.