നെ​ല്ലി​യാ​മ്പ​തി​യി​ൽ വി​നോ​ദ​സ​ഞ്ചാ​രി​ക​ൾ​ക്ക് നി​യ​ന്ത്ര​ണം

നെ​ന്മാ​റ: മ​ഴ ക​ന​ത്ത​തോ​ടെ നെ​ല്ലി​യാ​മ്പ​തി​യി​ൽ വി​നോ​ദ​സ​ഞ്ചാ​രി​ക​ൾ​ക്ക് ര​ണ്ടു​ദി​വ​സം നി​യ​ന്ത്ര​ണം ഏ​ർ​പ്പെ​ടു​ത്തി. പോ​ത്തു​ണ്ടി ചെ​ക്ക്പോ​സ്റ്റി​ൽ​നി​ന്ന് സ​ഞ്ചാ​രി​ക​ളെ ക​ട​ത്തി വി​ടു​ന്നി​ല്ല. മ​ഴ​യു​ടെ തീ​വ്ര​ത അ​നു​സ​രി​ച്ച് ഇ​ക്കാ​ര്യ​ത്തി​ൽ പു​നഃ​പ​രി​ശോ​ധ​ന ന​ട​ത്തും. തു​ട​ർ​ച്ച​യാ​യ ദി​വ​സ​ങ്ങ​ളി​ൽ നെ​ല്ലി​യാ​മ്പ​തി ചു​രം റോ​ഡി​ലും എ​സ്റ്റേ​റ്റ് റോ​ഡു​ക​ളി​ലും മ​ര​ങ്ങ​ളും കൊ​മ്പു​ക​ളും ഗ​താ​ഗ​ത ത​ട​സ്സം ഉ​ണ്ടാ​ക്കു​ന്നു. വ്യാ​ഴാ​ഴ്ച ചു​രം റോ​ഡി​ൽ ര​ണ്ടി​ട​ത്താ​യി പൊ​ട്ടി വീ​ണ മ​രം എ​സ്റ്റേ​റ്റു​ക​ളി​ലെ തൊ​ഴി​ലാ​ളി​ക​ളും ജീ​പ്പ് ഡ്രൈ​വ​ർ​മാ​രും ജോ​ലി​ക്ക് പോ​കു​ന്ന​വ​രും ചേ​ർ​ന്ന് വെ​ട്ടി​മാ​റ്റി​യാ​ണ് ഗ​താ​ഗ​തം പു​നഃ​സ്ഥാ​പി​ച്ച​ത്.

ക​ഴി​ഞ്ഞ ര​ണ്ടു ദി​വ​സ​ങ്ങ​ളി​ലും റോ​ഡി​ൽ വീ​ണ മ​ര​ങ്ങ​ൾ അ​ഗ്നി​ര​ക്ഷാ​സേ​ന എ​ത്തി​യാ​ണ് നീ​ക്കി​യ​ത്. നെ​ല്ലി​യാ​മ്പ​തി മേ​ഖ​ല​യി​ൽ മ​ഴ​മൂ​ലം വൈ​ദ്യു​തി, മൊ​ബൈ​ൽ ക​വ​റേ​ജ്, ഇ​ന്റ​ർ​നെ​റ്റ് എ​ന്നി​വ​ക്ക് ത​ട​സ്സ​വും അ​നു​ഭ​വ​പ്പെ​ട്ടു. ഇ​തു​മൂ​ലം റോ​ഡ് ത​ട​സ്സം, മ​റ്റ് അ​ത്യാ​ഹി​ത​ങ്ങ​ൾ എ​ന്നി​വ നെ​ല്ലി​യാ​മ്പ​തി​ക്ക് പു​റ​ത്തേ​ക്ക് അ​റി​യി​ക്കാ​ൻ ത​ട​സ്സം നേ​രി​ടു​ന്ന​താ​യി പ്ര​ദേ​ശ​വാ​സി​ക​ൾ പ​റ​ഞ്ഞു.