പുലിപ്പേടി; കല്ലേക്കാട്ടും പരിസരങ്ങളിലും നിരീക്ഷണ കാമറ സ്ഥാപിക്കുന്നു

പി​രാ​യി​രി: ദി​വ​സ​ങ്ങ​ളാ​യി പു​ലി​ഭീ​തി​യി​ൽ ക​ഴി​യു​ന്ന ക​ല്ലേ​ക്കാ​ടും പ​രി​സ​ര​ങ്ങ​ളി​ലും വ​നം വ​കു​പ്പ് അ​ധി​കൃ​ത​ർ നി​രീ​ക്ഷ​ണ കാ​മ​റ​ക​ൾ സ്ഥാ​പി​ക്കു​ന്നു.

ഈ ​ഭാ​ഗ​ങ്ങ​ളി​ൽ നാ​ട്ടു​കാ​ർ ക​ഴി​ഞ്ഞ ദി​വ​സ​ങ്ങ​ളി​ൽ പു​ലി​യെ ക​ണ്ടെ​ന്ന പ്ര​ചാ​ര​ണ​ത്തി​ന്റെ അ​ടി​സ്ഥാ​ന​ത്തി​ലാ​ണ് നി​രീ​ക്ഷ​ണ കാ​മ​റ​ക​ൾ സ്ഥാ​പി​ക്കു​ന്ന​ത്. പി​രാ​യി​രി ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് ഷെ​റീ​നാ ബ​ഷീ​റി​ന്റെ സാ​ന്നി​ധ്യ​ത്തി​ൽ വ​നം വ​കു​പ്പ് ഉ​ദ്യോ​ഗ​സ്ഥ​രും പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് സാ​ദി​ഖ്ബാ​ഷ, 17-ാം വാ​ർ​ഡ് അം​ഗം സു​രേ​ഷ്, ഫോ​റ​സ്റ്റ് ബീ​റ്റ് ഓ​ഫി​സ​ർ സു​രേ​ഷ് എ​ന്നി​വ​രും ചേ​ർ​ന്നു​ള്ള വി​ശ​ദ​മാ​യ പ​രി​ശോ​ധ​ന​ക്കും കൂ​ടി​യാ​ലോ​ച​ന​ക്കും ശേ​ഷ​മാ​ണ് സം​ശ​യ​മു​ള്ള ഭാ​ഗ​ങ്ങ​ളി​ൽ കാ​മ​റ​ക​ൾ സ്ഥാ​പി​ക്കാ​ൻ തീ​രു​മാ​നി​ച്ച​ത്.

പു​ലി വി​ഷ​യ​വു​മാ​യി ബ​ന്ധ​പ്പെ​ട്ട് കൃ​ത്രി​മ ഫോ​ട്ടോ, വീ​ഡി​യോ എ​ന്നി​വ ചേ​ർ​ത്തു​ള്ള വാ​ർ​ത്ത​ക​ൾ സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​പ്പി​ക്ക​രു​തെ​ന്ന് പ​ഞ്ചാ​യ​ത്ത് പ്ര​സി​ഡ​ന്റ് പ്ര​ദേ​ശ വാ​സി​ക​ളോ​ട് ആ​വ​ശ്യ​പ്പെ​ട്ടു.ആ​ശ​ങ്ക​പ്പെ​ടേ​ണ്ട സാ​ഹ​ച​ര്യം ഒ​ഴി​വാ​ക്കാ​നും ജാ​ഗ്ര​ത പാ​ലി​ക്കാ​നും നി​ർ​ദേ​ശി​ച്ചു.