ആർ.പി.എഫ് ക്രൈം ഇന്റലിജൻസ് ബ്രാഞ്ചും പാലക്കാട് എക്സൈസ് റേഞ്ചും ചേർന്നു നടത്തിയ പരിശോധനയിൽ കഞ്ചാവുമായി പിടിയിലായവരുമായി ഉദ്യോഗസ്ഥർ
പാലക്കാട്: ആർ.പി.എഫ് ക്രൈം ഇന്റലിജൻസ് ബ്രാഞ്ചും പാലക്കാട് എക്സൈസ് റേഞ്ചും സംയുക്തമായി പാലക്കാട് ജങ്ഷൻ റെയിൽവേ സ്റ്റേഷനിൽ നടത്തിയ പരിശോധനയിൽ നാലര കിലോ കഞ്ചാവുമായി രണ്ട് യുവാക്കളെ പിടികൂടി.
കോട്ടയം മീനച്ചിൽ സ്വദേശികളായ എബിൻ ജോൺ (24), ജോജി സജി (19) എന്നിവരെയാണ് അറസ്റ്റ് ചെയ്തത്. കാട്യാർ-തിരുവനന്തപുരം എക്സ്പ്രസിൽ കഞ്ചാവ് കടത്തുന്നതിനിടെ പരിശോധന ഭയന്ന് പ്ലാറ്റ്ഫോമിൽനിന്ന് രക്ഷപ്പെടാൻ ശ്രമിക്കുന്നതിനിടെയാണ് പിടിയിലാ‍യത്. ട്രെയിനിലെ പരിശോധന കർശനമായി തുടരുമെന്ന് ആർ.പി.എഫ് കമാൻഡന്റ് ജെതിൻ ബി. രാജ് പറഞ്ഞു.
ആർ.പി.എഫ് എസ്.ഐമാരായ എ.പി. ദീപക്, എ.പി. അജിത് അശോക്, എക്സൈസ് റേഞ്ച് ഇൻസ്‌പെക്ടർ നിഷാന്ത്, ആർ.പി.എഫ് എ.എസ്.എമാരായ കെ. സജു, എസ്.എം. രവി, ഹെഡ്കോൺസ്റ്റബിൾമാരായ എൻ. അശോക്, അബ്ദുൽ സത്താർ, ഷിബു, സിവിൽ ഓഫിസർമാരായ നൗഫൽ, ഹരിദാസ്, ബിജുലാൽ എന്നിവർ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.