സാ​മ്പ​ത്തി​ക ബു​ദ്ധി​മു​ട്ട് ചൂ​ഷ​ണം ചെ​യ്ത് അ​ന​ധി​കൃ​ത ചി​ട്ടി​ക​മ്പ​നി​ക​ൾ

 ദി​ലീ​പ് ​ചി​റ്റൂ​ർ

ചി​റ്റൂ​ർ: ചി​ട്ടി​ക​മ്പ​നി​ക​ളു​ടെ മ​റ​വി​ൽ അ​ന​ധി​കൃ​ത പ​ണ​മി​ട​പാ​ടു​ക​ളു​മാ​യി സം​സ്ഥാ​ന അ​തി​ർ​ത്തി കേ​ന്ദ്രീ​ക​രി​ച്ച് സ്ഥാ​പ​ന​ങ്ങ​ൾ വ്യാ​പ​കം. കേ​ര​ള​ത്തി​ലെ ചി​ട്ടി നി​യ​മ​ങ്ങ​ളെ മ​റി​ക​ട​ക്കാ​ൻ അ​തി​ർ​ത്തി​യോ​ട് ചേ​ർ​ന്ന് ത​മി​ഴ്നാ​ട്ടി​ൽ നി​ര​വ​ധി ക​മ്പ​നി​ക​ൾ മു​ള​ച്ചു​പൊ​ന്തു​ക​യാ​ണ്. കൊ​ള്ള​പ്പ​ലി​ശ​ക്ക് പ​ണം ക​ടം കൊ​ടു​ക്കു​ക​യും അ​ട​വി​ൽ വീ​ഴ്ച വ​രു​ത്തി​യാ​ൽ യാ​തൊ​രു ദാ​ക്ഷി​ണ്യ​വും കൂ​ടാ​തെ വീ​ടും ഭൂ​മി​യു​മൊ​ക്കെ ത​ട്ടി​യെ​ടു​ക്കു​ക​യും ചെ​യ്യു​ന്ന ഇ​വ​ർ​ക്കെ​തി​രെ ക​ർ​ശ​ന ന​ട​പ​ടി​യെ​ടു​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.

കേ​ര​ള-​ത​മി​ഴ്നാ​ട് അ​തി​ർ​ത്തി​യി​ൽ ഗോ​പാ​ല​പു​ര​ത്തി​ൽ ത​മി​ഴ്നാ​ട്ടി​ൽ സ്ഥാ​പ​നം ന​ട​ത്തു​ക​യും പ്ര​വ​ർ​ത്ത​ന​മേ​ഖ​ല പൂ​ർ​ണ​മാ​യും കേ​ര​ള​ത്തി​ൽ ന​ട​പ്പാ​ക്കു​ക​യും ചെ​യ്യു​ക​യാ​ണ് രീ​തി.ര​ജി​സ്ട്രേ​ഷ​ൻ പോ​ലു​മി​ല്ലാ​തെ​യാ​ണ് മി​ക്ക ചി​ട്ടി​ക​മ്പ​നി​ക​ളും പ്ര​വ​ർ​ത്തി​ക്കു​ന്ന​ത്. ഇ​വി​ടെ ചെ​റു​തും വ​ലു​തു​മാ​യ 20ലേ​റെ ക​മ്പ​നി​ക​ൾ പ്ര​വ​ർ​ത്തി​ക്കു​ന്നു​ണ്ട്. കേ​ര​ള​ത്തി​ൽ ചി​ട്ടി ന​ട​ത്താ​നു​ള്ള അ​നു​മ​തി​യോ ര​ജി​സ്ട്രേ​ഷ​നോ ഈ ​സ്ഥാ​പ​ന​ങ്ങ​ൾ​ക്കി​ല്ല.

ചി​ല വ​ലി​യ ചി​ട്ടി​ക​മ്പ​നി​ക​ൾ പ്രൈ​വ​റ്റ് ലി​മി​റ്റ​ഡ് ക​മ്പ​നി​ക​ളാ​യി ര​ജി​സ്റ്റ​ർ ചെ​യ്തി​ട്ടു​ണ്ടെ​ങ്കി​ലും കേ​ര​ള​ത്തി​ൽ ചി​ട്ടി​ക​ൾ ന​ട​ത്താ​ൻ ഇ​ത് പ​ര്യാ​പ്ത​മ​ല്ല. കേ​ര​ള​ത്തി​ലെ ചി​ട്ടി നി​യ​മ​പ്ര​കാ​രം ആ​രം​ഭി​ക്കു​ന്ന ഓ​രോ ചി​ട്ടി​യു​ടെ​യും തു​ക​ക്ക് തു​ല്യ​മാ​യ തു​ക ചി​ട്ടി കാ​ലാ​വ​ധി അ​വ​സാ​നി​ക്കു​ന്ന കാ​ല​യ​ള​വു​വ​രെ അ​സി. ര​ജി​സ്ട്രാ​റു​ടെ പേ​രി​ൽ സ്ഥി​ര​നി​ക്ഷേ​പം ന​ട​ത്ത​ണം. മാ​ത്ര​മ​ല്ല നി​ശ്ചി​ത തു​ക നി​കു​തി​യാ​യും അ​ട​ക്ക​ണം. ഈ ​നി​കു​തി​യു​മ​ട​ക്കാ​തെ​യാ​ണ് ഇ​ത്ത​രം ക​മ്പ​നി​ക​ളു​ടെ പ്ര​വ​ർ​ത്ത​നം. ന​ട​പ​ടി​യെ​ടു​ക്കേ​ണ്ട പൊ​ലീ​സോ മ​റ്റ് സ​ർ​ക്കാ​ർ സം​വി​ധാ​ന​ങ്ങ​ളോ ന​ട​പ​ടി​യെ​ടു​ക്കു​ന്നി​ല്ലെ​ന്ന​താ​ണ് വാ​സ്ത​വം. രാ​ഷ്ട്രീ​യ ഉ​ദ്യോ​ഗ​സ്ഥ ത​ല​ങ്ങ​ളി​ലെ ഇ​വ​രു​ടെ സ്വാ​ധീ​നം മൂ​ല​മാ​ണി​തെ​ന്നാ​ണ് ആ​രോ​പ​ണം. ജീ​വ​ന​ക്കാ​ർ​ക്ക് യൂ​നി​ഫോ​മും ഇ​രു​ച​ക്ര​വാ​ഹ​ന​ങ്ങ​ളും ന​ൽ​കി നി​ര​വ​ധി പേ​രെ​യാ​ണ് ചി​ട്ടി പി​രി​വി​നി​റ​ങ്ങു​ന്ന​ത്.

ജ​ന​ങ്ങ​ളു​ടെ ബു​ദ്ധി​മു​ട്ട് മു​ത​ലെ​ടു​ത്ത് പി​രി​ക്കു​ന്ന തു​ക വ​ട്ടി പ​ലി​ശ​ക്ക് ന​ൽ​കി കൊ​ള്ള​യ​ടി​ക്കു​ക​യാ​ണ് ഇ​വ​ർ. കോ​വി​ഡി​ന് ശേ​ഷം ഈ ​സം​ഘ​ങ്ങ​ൾ വീ​ണ്ടും സ​ജീ​വ​മാ​ണ്. എ​ത്ര താ​ഴ്ത്തി​യും തു​ക വി​ളി​ച്ചെ​ടു​ക്കാ​മെ​ന്ന​തി​നാ​ൽ പ​ണ​ത്തി​ന് അ​ത്യാ​വ​ശ്യ​മു​ള്ള​വ​ർ വ​ലി​യ തു​ക കു​റ​ച്ച് വി​ളി​ക്കു​ക​യാ​ണ്. യാ​തൊ​രു സു​താ​ര്യ​ത​യു​മി​ല്ലാ​ത്ത ഇ​ത്ത​രം ചി​ട്ടി​ക​മ്പ​നി​ക​ൾ എ​പ്പോ​ൾ പൂ​ട്ടു​മെ​ന്നോ എ​ത്ര ആ​ളു​ക​ൾ വ​ഞ്ചി​ക്ക​പ്പെ​ടു​മെ​ന്നോ പ​റ​യാ​നാ​വാ​ത്ത അ​വ​സ്ഥ​യാ​ണ്.