കലി തീരാതെ പി.ടി ഏഴാമൻ; ആധി മൂത്ത് ജനം

അ​ക​ത്തേ​ത്ത​റ: പി.​ടി ഏ​ഴ് (പാ​ല​ക്കാ​ട് ട​സ്ക​ർ) ആ​ന​യു​ടെ സ​ഞ്ചാ​രം ജ​ന​വാ​സ മേ​ഖ​ല​യി​ൽ പ​തി​വാ​യ​തോ​ടെ വ​നം വ​കു​പ്പ് ഉ​ദ്യോ​ഗ​സ്ഥ​രു​ടെ​യും നാ​ട്ടു​കാ​രു​ടെ​യും പെ​ടാ​പ്പാ​ടി​ന് അ​റു​തി​യാ​യി​ല്ല. അ​ക്ര​മാ​സ​ക്ത​നാ​യ പി.​ടി ഏ​ഴാ​മ​ന്റെ ക​ലി തീ​രു​ന്നി​ല്ലെ​ന്ന​താ​ണ് കൃ​ഷി നാ​ശ​ത്തി​ന്റെ വ്യാ​പ്തി സൂ​ചി​പ്പി​ക്കു​ന്ന​ത്. ചൊ​വ്വാ​ഴ്ച പു​ല​ർ​ച്ചെ​യും തി​ങ്ക​ളാ​ഴ്ച അ​ർ​ധ​രാ​ത്രി​യി​ലും പി.​ടി ഏ​ഴാ​മ​ൻ ധോ​ണി​യി​ലെ നാ​ട്ടു​പാ​ത​ക​ളി​ലൂ​ടെ ക​റ​ങ്ങി. വീ​ടു​ക​ളു​ടെ മു​ക​ളി​ലി​രു​ന്ന് പ​ട​ക്കം പൊ​ട്ടി​ച്ചും ഉ​യ​ർ​ന്ന ക്ഷ​മ​ത​യു​ള്ള വൈ​ദ്യു​തി ടോ​ർ​ച്ച് തെ​ളി​ച്ചു​മാ​ണ് നാ​ട്ടു​കാ​ർ കൊ​മ്പ​നെ അ​ക​റ്റി​യ​ത്. ധോ​ണി സെൻറ് തോ​മ​സ് ന​ഗ​റി​ലാ​ണ് കാ​ട്ടു​കൊ​മ്പ​ൻ രാ​ത്രി ഇ​റ​ങ്ങി​യ​ത്.

ദ്രു​ത പ്ര​തി​ക​ര​ണ സേ​ന കാ​ട്ടാ​ന വ​രാ​ൻ സാ​ധ്യ​ത​യു​ള്ള പ്ര​ദേ​ശ​ങ്ങ​ളി​ൽ റോ​ന്ത് ചു​റ്റു​ന്നു​ണ്ട്. ആ​ൾ​പെ​രു​മാ​റ്റം തി​രി​ച്ച​റി​ഞ്ഞാ​ൽ ജ​ന​ങ്ങ​ൾ​ക്ക് പ​രി​ച​യ​മി​ല്ലാ​ത്ത കാ​ട്ടു​വ​ഴി​ക​ളി​ലൂ​ടെ ജ​ന​വാ​സ മേ​ഖ​ല​യി​ലേ​ക്ക് ഇ​റ​ങ്ങു​ക​യാ​ണ്. ധോ​ണി ജ​ന​വാ​സ മേ​ഖ​ല​യും വ​നാ​തി​ർ​ത്തി​യും ത​മ്മി​ൽ അ​ധി​കം ദൂ​ര​മി​ല്ലാ​ത്ത​തും കാ​ട്ടാ​ന​ക​ൾ​ക്ക് പ്ര​ദേ​ശ​ത്ത് ഇ​റ​ങ്ങു​ന്ന​തി​ന് എ​ളു​പ്പ​മാ​വു​ന്നു. ഒ​രു ഭാ​ഗ​ത്ത് ഇ​റ​ങ്ങി​യ ആ​ന​യെ വി​ര​ട്ടി​യാ​ൽ തൊ​ട്ട​ടു​ത്ത സ്ഥ​ല​ത്ത് എ​ത്തും. വി​ള​ക​ൾ തി​ന്നും ന​ശി​പ്പി​ച്ചും തൊ​ട്ട​ടു​ത്ത കാ​ട്ടി​ൽ ക​യ​റി നി​ൽ​ക്കും. ആ​ളും ആ​ര​വ​വും ഒ​ഴി​ഞ്ഞാ​ൽ മ​റ്റൊ​രു വ​ഴി​യി​ലൂ​ടെ ഇ​റ​ങ്ങും. ഇ​താ​ണ് ര​ണ്ടാ​ഴ്ച​ക്കാ​ല​മാ​യി ധോ​ണി​യി​ലും പ​രി​സ​ര പ്ര​ദേ​ശ​ങ്ങ​ളി​ലും കൊ​മ്പ​ന്റെ രീ​തി.

ത​നി​ച്ചും കൂ​ട്ടാ​യും ചേ​ർ​ന്ന് വി​ല​സു​ന്ന കൊ​മ്പ​ൻ ര​ണ്ട് ദി​വ​സ​മാ​യി ഒ​റ്റ​ക്കാ​ണ് നാ​ട്ടി​ലി​റ​ങ്ങി​യ​ത്. ചൊ​വ്വാ​ഴ്ച​യും കു​ങ്കി​യാ​ന​ക​ളെ ഉ​പ​യോ​ഗി​ച്ചു​ള്ള പ​രി​ശോ​ധ​ന​യും ദ്രു​ത പ്ര​തി​ക​ര​ണ സേ​ന​യു​ടെ നി​രീ​ക്ഷ​ണ​വും തു​ട​ർ​ന്നു. വ​യ​നാ​ട് നി​ന്ന് ചീ​ഫ് വെ​റ്റ​റി​ന​റി ഓ​ഫി​സ​ർ ഡോ. ​അ​രു​ൺ സ​ക്ക​റി​യ​യും 20 അം​ഗ എ​ലി​ഫ​ൻ​റ് സ്ക്വാ​ഡും ബു​ധ​നാ​ഴ്ച വൈ​കീ​ട്ട് ധോ​ണി​യി​ലെ​ത്തും. തു​ട​ർ​ന്ന് മ​യ​ക്കു​വെ​ടി​വെ​ച്ച് പി​ടി​കൂ​ടു​ന്ന​തി​ന് ആ​ന​യു​ടെ നീ​ക്ക​ങ്ങ​ൾ നി​രീ​ക്ഷി​ച്ച് വി​ശ​ക​ല​നം ചെ​യ്യും. പി​ടി​കൂ​ട​ൽ ദൗ​ത്യ​ത്തി​ന്റെ രൂ​പ​രേ​ഖ ഉ​രു​ത്തി​രി​യു​ന്ന​തോ​ടെ ദൗ​ത്യം പൂ​ർ​ത്തി​യാ​ക്കു​ന്ന പ്ര​വ​ർ​ത്ത​നം ആ​രം​ഭി​ക്കു​മെ​ന്ന് അ​സി​സ്റ്റ​ൻ​റ് വ​നം ക​ൺ​സ​ർ​വേ​റ്റ​ർ ബി. ​ര​ഞ്ജി​ത്ത് പ​റ​ഞ്ഞു.