ആധി വിതച്ച് ആനക്കൂട്ടം

ടാ​പ്പി​ങ് തൊ​ഴി​ലാ​ളി​ക​ൾ ഭീ​തി​യി​ൽ

നെ​ന്മാ​റ: അ​യി​ലൂ​ർ പ​ഞ്ചാ​യ​ത്തി​ലെ ക​ൽ​ച്ചാ​ടി​യി​ൽ റ​ബ്ബ​ർ തോ​ട്ട​ങ്ങ​ളി​ൽ പ​ട്ടാ​പ്പ​ക​ലും കാ​ട്ടാ​ന വി​ള​യാ​ട്ടം. വെ​ള്ളി​യാ​ഴ്ച രാ​വി​ലെ ക​ൽ​ച്ചാ​ടി​യി​ലെ റ​ബ്ബ​ർ തോ​ട്ട​ത്തി​ൽ ടാ​പ്പി​ങ് ജോ​ലി​ക്കെ​ത്തി​യ ചേ​വി​ണി ബാ​ബു-മ​ഞ്ജു ദ​മ്പ​തി​ക​ളാ​ണ് രാ​വി​ലെ 7.30യോ​ടെ കാ​ട്ടാ​ന​ക്കൂ​ട്ട​ത്തെ ക​ണ്ട​ത്.

കാ​ട്ടാ​ന​ക​ൾ റ​ബ്ബ​ർ തോ​ട്ട​ത്തി​ൽ നി​ൽ​ക്കു​ന്ന​തു​ക​ണ്ട് തൊ​ഴി​ലാ​ളി​ക​ൾ ഒ​ച്ച വ​ച്ച​തോ​ടെ സ​മീ​പ​ത്തെ പു​ഴ​യു​ടെ വ​ശ​ത്തു​കൂ​ടി വ​ന​ത്തി​ലേ​ക്ക് ക​യ​റി​പ്പോ​യി. ക​ൽ​ച്ചാ​ടി​യി​ലെ റ​ബ്ബ​ർ തോ​ട്ടം ഉ​ട​മ​യാ​യ എം. ​അ​ബ്ബാ​സ് ഒ​റ​വ​ഞ്ചി​റ​യു​ടെ തോ​ട്ട​ത്തി​ലാ​ണ് കാ​ട്ടാ​ന​ക്കൂ​ട്ടം പ​ക​ൽ നി​ല​യു​റ​പ്പി​ച്ച​ത്.

മു​മ്പ് രാ​ത്രി​ക​ളി​ൽ മാ​ത്രം കൃ​ഷി​യി​ട​ങ്ങ​ളി​ൽ വ​ന്നി​രു​ന്ന കാ​ട്ടാ​ന​ക​ൾ ഇ​പ്പോ​ൾ പ​ക​ൽ സ​മ​യ​ത്തും എ​ത്തു​ന്ന​ത് തൊ​ഴി​ലാ​ളി​ക​ൾ​ക്ക് ഭീ​ഷ​ണി​യാ​യി. കാ​ട്ടാ​ന പേ​ടി കാ​ര​ണം കു​റ​ച്ചു വ​ർ​ഷ​ങ്ങ​ളാ​യി മേ​ഖ​ല​യി​ൽ റ​ബ്ബ​ർ ടാ​പ്പി​ങ് ഏ​ഴോ​ടെ മാ​ത്ര​മാ​ണ് ആ​രം​ഭി​ക്കാ​റു​ള്ള​ത്.

പ​ക​ൽ സ​മ​യ​ങ്ങ​ളി​ൽ തു​ട​ർ​ന്നും തോ​ട്ട​ങ്ങ​ളി​ൽ കാ​ട്ടാ​ന​യു​ടെ സാ​ന്നി​ധ്യം ഉ​ണ്ടാ​യാ​ൽ റ​ബ്ബ​ർ ടാ​പ്പി​ങ് നി​ല​ക്കു​മെ​ന്ന് പ്ര​ദേ​ശ​വാ​സി​ക​ൾ പ​രാ​തി പ​റ​ഞ്ഞു. കാ​ട്ടാ​ന ഭീ​തി​യി​ൽ ക​ൽ​ച്ചാ​ടി മേ​ഖ​ല​യി​ൽ താ​മ​സി​ച്ചി​രു​ന്ന ക​ർ​ഷ​ക​ർ പ​ല​രും പ്ര​ദേ​ശ​ത്തു​നി​ന്ന് മാ​റി​ത്താ​മ​സി​ക്കാ​ൻ തു​ട​ങ്ങി​യി​ട്ട് വ​ർ​ഷ​ങ്ങ​ളാ​യി.

സൗ​രോ​ർ​ജ വേ​ലി രാ​ത്രി​ക​ളി​ൽ ഏ​താ​നും മ​ണി​ക്കൂ​റു​ക​ൾ​ക്കു ശേ​ഷം പ്ര​വ​ർ​ത്ത​ന​ര​ഹി​ത​മാ​കു​ന്ന​താ​ണ് കാ​ട്ടാ​ന​ക​ൾ അ​തി​രാ​വി​ലെ​യും പ​ക​ൽ സ​മ​യ​ത്തും കാ​ർ​ഷി​ക ജ​ന​വാ​സ മേ​ഖ​ല​യി​ൽ വ​രു​ന്ന​തി​ന് കാ​ര​ണം. നെ​ന്മാ​റ, അ​യി​ലൂ​ർ, വ​ണ്ടാ​ഴി പ​ഞ്ചാ​യ​ത്തു​ക​ളി​ലാ​യി 27.5 കി​ലോ​മീ​റ്റ​ർ ദൂ​ര​ത്ത് വ​നം വ​കു​പ്പ് മു​ഖേ​ന സ്ഥാ​പി​ക്കാ​ൻ നി​ർ​ദേ​ശി​ച്ച സൗ​രോ​ർ​ജ തൂ​ക്കു​വേ​ലി​യു​ടെ നി​ർ​മാ​ണം മേ​ഖ​ല​യി​ൽ ആ​രം​ഭി​ച്ചി​ട്ടി​ല്ല.

ടെ​ൻ​ഡ​ർ ന​ട​പ​ടി​ക​ൾ​ക്ക് മു​ന്നോ​ടി​യാ​യു​ള്ള പ്ര​വ​ർ​ത്ത​ന​ങ്ങ​ൾ തി​രു​വ​ന​ന്ത​പു​ര​ത്ത് ന​ട​ക്കു​ക​യാ​ണെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്. സ​മാ​ന രീ​തി​യി​ലു​ള്ള തൂ​ക്കു​വേ​ലി നി​ർ​മാ​ണം മ​ണ്ണാ​ർ​ക്കാ​ട് മേ​ഖ​ല​യി​ൽ ആ​രം​ഭി​ക്കു​ക​യും ചെ​യ്തു. 10 ദി​വ​സം മു​മ്പ് കാ​ട്ടാ​ന​ക്കൂ​ട്ടം മേ​ഖ​ല​യി​ലെ വി​വി​ധ കൃ​ഷി​യി​ട​ങ്ങ​ളി​ൽ എ​ത്തി ഫ​ല​വൃ​ക്ഷ​ങ്ങ​ളും ക​മു​കു​ക​ളും ഉ​ൾ​പ്പെ​ടെ ന​ശി​പ്പി​ച്ചി​രു​ന്നു.

മൂ​ന്നേ​ക്ക​റി​ൽ പരക്കെ നാ​ശം; 12 തെ​ങ്ങ് ന​ശി​പ്പി​ച്ചു

ക​ല്ല​ടി​ക്കോ​ട്: ക​രി​മ്പ ഗ്രാ​മ​പ​ഞ്ചാ​യ​ത്തി​ലെ മ​ല​മ്പ്ര​ദേ​ശ​മാ​യ മൂ​ന്നേ​ക്ക​റി​ലും പ​രി​സ​ര​ങ്ങ​ളി​ലും ഒ​റ്റ​യാ​ൻ ക​റ​ങ്ങു​ന്നു. മൂ​ന്നേ​ക്ക​ർ ജ​ന​വാ​സ മേ​ഖ​ല​യി​ലി​റ​ങ്ങി​യ കാ​ട്ടാ​ന ര​ണ്ട് ക​ർ​ഷ​ക​രു​ടെ ഒ​രു ഡ​സ​നി​ൽ പ​രം തെ​ങ്ങ് പി​ഴു​തി​ട്ട് ച​വി​ട്ടി​മെ​തി​ച്ചു ന​ശി​പ്പി​ച്ചു.

ശ​നി​യാ​ഴ്ച പു​ല​ർ​ച്ച​യാ​ണ് സം​ഭ​വം. മൂ​ന്നേ​ക്ക​ർ പ്ര​ധാ​ന പാ​ത​വ​ക്കി​ലു​ള്ള കൃ​ഷി​സ്ഥ​ല​ത്താ​ണ് കാ​ട്ടാ​ന​യു​ടെ പ​രാ​ക്ര​മം. മൂ​ന്നേ​ക്ക​ർ സ്വ​ദേ​ശി​ക​ളാ​യ മേ​മ​ന ബാ​ബു, ജോ​സ് എ​ന്നി​വ​രു​ടെ തെ​ങ്ങു​ക​ളാ​ണ് കാ​ട്ടാ​ന ന​ശി​പ്പി​ച്ച​ത്.

ക​ർ​ഷ​ക​ർ സ്വ​ന്തം നി​ല​ക്ക് വ​ന്യ​മൃ​ഗ​ങ്ങ​ളെ ജ​ന​വാ​സ മേ​ഖ​ല​യി​ലെ കൃ​ഷി​യി​ട​ങ്ങ​ളി​ൽ​നി​ന്ന് അ​ക​റ്റാ​ൻ ക​മ്പി​വേ​ലി​യും സൗ​രോ​ർ​ജ വേ​ലി​യും സ്ഥാ​പി​ച്ചി​ട്ടു​ണ്ടെ​ങ്കി​ലും അ​വ​യെ​ല്ലാം ത​ക​ർ​ത്താ​ണ് കാ​ട്ടാ​ന കൃ​ഷി​യി​ട​ത്തി​ലെ​ത്തി​യ​ത്. ഒ​രു മാ​സ​ക്കാ​ല​മാ​യി തു​പ്പ​നാ​ട് പു​ഴ​യോ​ര പ്ര​ദേ​ശ​ങ്ങ​ളാ​യ മീ​ൻ​വ​ല്ല​ത്തും സ​മീ​പ​സ്ഥ​ല​ങ്ങ​ളി​ലു​മാ​ണ് കാ​ട്ടാ​ന വ​ന്നി​രു​ന്ന​ത്.

പു​ഴ​യു​ടെ തീ​ര​പ്ര​ദേ​ശ​ങ്ങ​ളി​ലെ ഇ​ളം​പു​ല്ലാ​ണ് തി​ന്നി​രു​ന്ന​ത്. തു​ട​ക്ക​ത്തി​ൽ കാ​ര്യ​മാ​യ നാ​ശ​മൊ​ന്നും വ​രു​ത്തി​യി​രു​ന്നി​ല്ല. ഒ​രാ​ഴ്ച മു​മ്പ് ഈ ​മേ​ഖ​ല​യി​ലെ മാ​ത്രം 250 റ​ബ​ർ മ​ര​ങ്ങ​ൾ കാ​ട്ടാ​ന​ക​ൾ ന​ശി​പ്പി​ച്ചി​രു​ന്നു.

ഇ​രു​ട്ടി​യാ​ൽ കാ​ടി​റ​ങ്ങു​ന്ന കാ​ട്ടാ​ന​ക​ൾ നേ​രം പു​ല​രും വ​രെ ജ​ന​വാ​സ മേ​ഖ​ല​ക്ക​ടു​ത്ത കൃ​ഷി​യി​ട​ത്തി​ലെ വി​ള തി​ന്നും ന​ശി​പ്പി​ച്ചാ​ണ് കാ​ട് ക​യ​റു​ന്ന​ത്. കാ​ട്ടാ​ന​യ​ട​ക്കം വ​ന്യ​മൃ​ഗ​ങ്ങ​ളു​ടെ ശ​ല്യം മൂ​ല്യം ഇ​തി​ന​കം പ​ല ക​ർ​ഷ​ക​രും ഉ​പ​ജീ​വ​ന​ത്തി​നാ​യി മ​റ്റു മാ​ർ​ഗ​ങ്ങ​ൾ തേ​ടി പ​ട്ട​ണ​പ്ര​ദേ​ശ​ങ്ങ​ളി​ലേ​ക്ക് ചെ​ക്കേ​റി.

കാ​ട്ടാ​ന​യു​ടെ ആ​ക്ര​മ​ണ​ത്തി​ൽ ഈ​യി​ടെ ര​ണ്ട് ക​ർ​ഷ​ക​ർ​ക്ക് പ​രി​ക്കേ​റ്റി​രു​ന്നു. കാ​ട്ടാ​ന ശ​ല്യം അ​നി​യ​ന്ത്രി​ത​മാ​യാ​ൽ ദ്രു​ത പ്ര​തി​ക​ര​ണ സം​ഘ​ത്തി​ന്റെ സ​ഹാ​യം തേ​ടാ​റു​ണ്ട്. അ​വ​രെ​ത്തി കാ​ട്ടാ​ന​ക​ളെ കാ​ട് ക​യ​റ്റി​യാ​ലും മ​റ്റ് വ​ഴി​ക​ളി​ലൂ​ടെ കാ​ട്ടാ​ന​ക​ൾ നാ​ട്ടി​ലെ​ത്തു​മെ​ന്ന് ത​ദ്ദേ​ശ​വാ​സി​ക​ൾ പ​റ​ഞ്ഞു.