ലോറിയിൽ കൊണ്ടുവന്ന വയ്​ക്കോലിന്​ തീപിടിച്ചു

മല്ലപ്പള്ളി: ആനിക്കാട്-മുറ്റത്തുമാവ് റോഡിൽ . വ്യാഴാഴ്ച രാവിലെ 11ഓടെ ചാത്തോറ്റിപടിക്കു സമീപമാണ് സംഭവം. തമിഴ്നാട്ടിൽനിന്ന്​ വ്യാപാരികൾക്കും വീട്ടുകാർക്കും വിൽപനക്ക്​ കൊണ്ടുവരുകയായിരുന്ന വയ്​ക്കോൽ താഴ്ന്ന് കിടന്ന വൈദ്യുതി ലൈനിൽ തട്ടി ഉണ്ടായ ഷോർട്ട് സർക്യൂട്ടാണ് തീ പിടിക്കാൻ കാരണമെന്ന് ദൃക്സാക്ഷികൾ പറയുന്നു. തീപിടിച്ചത് കണ്ട നാട്ടുകാർ ബഹളം കൂട്ടി ലോറി നിർത്തിച്ച് കച്ചി ലോറിയിൽനിന്ന്​ വെളിയിലേക്ക് തള്ളി ലോറി മാറ്റിയതിനാൽ വൻ ദുരന്തം ഒഴിവായി. തിരുവല്ല, ചങ്ങനാശ്ശേരി, പാമ്പാടി എന്നിവിടങ്ങളിൽനിന്നുമെത്തിയ അഗ്​നിരക്ഷാ സേനയുടെ മൂന്ന് യൂനിറ്റും നാട്ടുകാരും ചേർന്ന് മണിക്കൂറുകൾ നീണ്ട പരിശ്രമത്തിനൊടുവിലാണ് തീ അണച്ചത്. ഫോട്ടോ: വയ്​ക്കോലിന്​ തീപിടിച്ചത്​ അഗ്‌നിരക്ഷാസേനയുടെ നേതൃത്വത്തിൽ അണക്കുന്നു