സുനു സാബു രേവതി എസ്. നായർക്ക് ഉപഹാരം നൽകുന്നു
ഇളമണ്ണൂർ: കരാെട്ട പ്രതിഭ രേവതി എസ്. നായർക്കുള്ള അക്ഷരവീട് സമർപ്പണച്ചടങ്ങിൽ സ്നേഹോപഹാരവുമായി ജില്ലയിൽ നേരത്തെ അക്ഷരവീട് ലഭിച്ച സുനു സാബുവും അമ്മയും. തങ്ങൾക്ക് വീട് ലഭിച്ചതിലൂടെയുണ്ടായ സന്തോഷം അവർ രേവതിയുടെ കുടുംബവുമായി പങ്കുെവച്ചു. ജനുവരി ഒമ്പതിനാണ് കുരമ്പാല സ്വദേശിനി സുനു സാബുവിന് 'ഠ' അക്ഷരവീട് സമർപ്പിച്ചത്.
രേവതിക്ക് 'ഡ' അക്ഷരവീടാണ് സമ്മാനിച്ചത്. ഇൻസുലിൻ പമ്പുമായി വേദികളിൽ നൃത്തമാടി പുരസ്കാരങ്ങൾ നേടിയതിനുള്ള ആദരവായാണ് സുനുവിന് വീട് സമർപ്പിച്ചത്. സന്തോഷം പകരുന്ന അപൂർവ സംഗമമാണ് ഉണ്ടായതെന്ന് 'അമ്മ' ജനറൽ സെക്രട്ടറി ഇടവേള ബാബു പറഞ്ഞു.
അക്ഷരവീട് സമർപ്പണത്തിനുമുമ്പ് രേവതിയുടെ കരാെട്ട പ്രകടനവും അരങ്ങേറി. രേവതിയുടെ പരിശീലകൻ സെൻസായ് ചന്ദ്രൻ പത്തനംതിട്ട, മാധ്യമം സർക്കുലേഷൻ െഡവലപ്മെൻറ് ഓഫിസർ മുഹമ്മദ് ഖൈസ്, അഡ്മിനിസ്ട്രേഷൻ ചാർജ് ഉമ്മർ എം. അലി, ലേഖകരായ പി.ടി. തോമസ്, പി.എച്ച്. റഷീദ്, എ. ഷാനവാസ്ഖാൻ തുടങ്ങിയവരും ചടങ്ങിൽ പങ്കെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.